2 Crónicas 12 - Quechua Margos-Yarowilca-Lauricocha Bible（qvm）

Rey Sisac Judá nacionta atacashqan 1 Reyes 14.21-31

1Munayniyuq rikakurnami rey Roboam y mandashqan lapan Israel runakunapis Tayta Diospa leyninkunata mana cumplirqantsu.

2Tsayno mana cumpliptinmi Tayta Dios rabyar Egiptupa mandaqnin rey Sisacpa yarpayninman churarqan Judá nacionta atacananpaq. Tsaymi Roboam pitsqa wata rey kaykaptin soldädunkunawan Sisac aywar Jerusalénta atacarqan.

3Sisacpa karqan juk waranqa ishkay pachak (1,200) guërra carrëtankuna y soqta chunka waranqa (60,000) cawallu muntakuq soldädukuna. Paykunawanmi aywapäkurqan yupaytapis mana atipaypaq Libia soldädukuna, Suqui soldädukuna y Etiopía soldädukuna.

4Judáman chayaykurmi corralashqa markakunata acapararqan. Nirkurmi Jerusalénmanpis chayapäkurqan atacananpaq.

5Manaraq chayaptinmi autoridäkuna qeshpir amparakunanpaq Jerusalénman aywapäkurqan. Tsaymi Tayta Diospa profëtan Semaías Roboamta y autoridäkunata kayno nirqan: < qamkunapaq kayno niykan: >>.

6Tsayno niptinmi Israel runakunapa autoridäninkuna y reypis lakikushpan kayno nirqan: <<¡Tayta Dios nishqanno rasunpami jutsayuq kaykantsi!>>

7Tsaymi Semaíaswan yapay Tayta Dios kayno wilakatsirqan: <

8Itsanqa Sisacpa munayninman juk tiempu kachaykushaykiraqmi. Tsaynöpami tantiyakärinkipaq juk nacionpa mandaqnin reyta sirvishqaykipita noqata sirvipäkamashqayki mas ali kashqanta>>.

9Tayta Dios nishqannölami Egipto nacionpa mandaqnin rey Sisac Jerusalénta atacarqan. Markaman yaykurmi Tayta Diospa templunpita y reypa palaciunpita lapan tesörunkunata apakärirqan. Tsaynöpis apakärirqan rey Salomón ruratsishqan qori escüdukunata.1Rey. 10.16-17; 2Crón. 9.15-16.

10Apakushqan escüdukunapa trukantami broncipitana escüdukunata Roboam ruratsirqan. Nirkurmi palaciu punku täpaq soldädukunapa mandaqninkunata entregarqan.

11Templuman rey aywaptinmi soldädunkuna payta imaypis yanaqarqan tsay escüdunkuna aptashqa. Palaciunman rey kutiykuptinnami soldädukunaqa tsay escüdukunata sälaman kutitsipäkuq.

12 Tayta Diosta mana cäsukushqanpita lakikur perdonta Roboam manakuptinmi Tayta Diospa rabyaynin pasarqan. Tsawraqa Jerusalénta mana ushakätsirqannatsu.

13Mana ushakätsiptinmi Roboamqa rey kayta sïguirqan. Chusku chunka juk (41) watayuq kaykarmi rey kayta qalaykurqan. Rey kashpanmi Jerusalénpita chunka qanchis wata mandarqan. Israel runakunapa trïbunkunacho kaq markakunapitami Jerusalénta Tayta Dios akrarqan tsaycho tänanpaq. Roboampa mamanmi Amón nacionpita Naama karqan.

14Roboamqa Tayta Diosta mana ashir manami pay munashqannötsu kawarqan.

15Roboam rurashqankuna qalaykunanpita ushananyaq qelqaraykan Tayta Diospa profëtankuna Semaías y Iddo qelqashqan librukunachömi. Tsaychömi qelqaraykan runakunapa unay aylunkuna pï pï kashqanpis. Roboam mandashqan witsanmi Jeroboamwan chikinakur guërrata imaypis rurapäkuq.

16Roboam wanuykuptinmi Davidpa Markancho unay aylunkuna pamparaykashqan kaqman pampapäkurqan. Roboampa trukannami tsurin Abíasna rey karqan.