1 1 (1b) Lapan shonqüwanmi alabashayki.
Salmukunata cantarmi jana patsacho munayniyuq kaqkunapis mayamänanpaq alabashayki.
2Qamman y palabraykimanqa manami imapis tinkuntsu.
Tsaymi santu templuyki lädupa qonqurpakuykur alabashayki.
Kuyapäkuq kashqaykipita y promitishqaykita cumpliq kashqaykipitami alabashayki.
3Manakamuptï mayamarqaykimi.
Shakyätsimashpaykimi kalpata qomarqayki.
4 Tayta Dios, palabraykita mayarmi kay patsacho lapan reykunapis alabashunkipaq.
5Rurashqayki ali kashqanta tantiyarmi kushikushpan alabashunki.
Pasaypa munayniyuq y kuyapäkuqmi kaykanki.
6 Tayta Dios, jana patsapita patsami humildi runakunata yanapaykämunki.
Runa tukuqkunataqa manami cäsupankitsu.
7Ima nakaycho kaptïpis qammi yanapamanki.
Chikimaqnïkuna pasaypa rabyar conträ sharkapäkuptinpis alawqa kaq makikiwanmi tsapämanki.
8 Tayta Dios, noqapaq yarpashqaykita imaypis cumplinkimi.
Qamqa imaypis kuyamankimi.
Tsayno kaykarqa ama kachaykalämaytsu.
Who We AreWhat We EelieveWhat We Do
2025 by iamachristian.org,Inc All rights reserved.
