Hebreos 12 - Quechua Margos-Yarowilca-Lauricocha Bible（qvm）

Mana ajayaypa Jesucristuman yärakunantsipaq yätsishqan

1Tsay unay runakunami yupaytapis mana atipaypaq jiruruparaykämantsi. Tsayno kaykaptinqa cörriq runa qepinta kachaykuqno lapan jutsantsita kacharishun. Yalinakuqkuna chayananpaq kaqman cörrishqanno noqantsipis Tayta Dios munashqanno wanunantsiyaq kawashun.

2Salvamaqnintsi y tantiyatsimaqnintsi Jesucristo imano kawashqantapis tantiyakushun. Paymi runakunata salvar kushikunanpaq kashqanta musyashpan penqayta jitaykur cruzcho wanurqan. Tsaymi kananqa Tayta Diospa trönun alawqa kaq nawpancho jamaraykan.

3Tayta Diosman yärakärishqaykipita qepaman mana kutikärinaykipaq Jesucristo imano nakashqantapis tantiyakäriy. Payqa jutsasapa runakuna contran sharkuptinpis Tayta Dios munashqannömi imaypis kawarqan.

4Qamkunapa contrayki sharkurpis manami mayqanikitapis wanutsishunkiraqtsu.

5¿Qonqaykärishqankiku Tayta Dios wamrankunapaq palabrancho kayno niykashqanta?

<

Jaqayänaykipa trukanqa chaskikuy.

6Kuyashqan kaqtaqa Tayta Dios corriginmi.

Wamran kananpaq shuntashqan kaqtaqa yachakunanpaq astanmi>>.

7Pï runapis wamrantaqa corriginmi. Tsaynölami wamran kaptiki Tayta Diospis corrigishunki. Tsayno kaykaptinqa Tayta Dios corrigishuptiki chaskikäriy.

8Wamran kaqtaqa Tayta Dios lapantami corrigin. Mana corrigishuptikiqa manami wamrankunatsu karkaykanki.

9Papänintsipis mana cäsukuq kaptintsiqa corrigimashqantsimi. Corrigimaptintsipis jaqayänantsipa trukan cäsukushqantsimi. Tsayno kaykaptinqa Tayta Dios corrigimaptintsi masraq cäsukushun. Cäsukurqa mana ushakaq kawaytami tarishunpaq.

10Papänintsipis makincho kashqantsiyaqlami munashqanno kawanantsipaq corrigimantsi. Tayta Diosmi itsanqa corrigimantsi pay jutsaynaq kashqanno jutsaynaq kanantsipaq.

11Corrigimashqantsi höra fiyupa lakikurpis cäsukurqa Tayta Dios munashqannömi kawashunpaq.

12Tsayno kaykaptinqa makiki warkakaqno mananiraykarpis y qonqurniki matwakaqno qasakarpis valurapäkuy.

16 Fornicación jutsata ama mayqanikipis rurapäkuytsu. Tsaynöpis Esaúno Tayta Diosta mana cäsukuq ama kapäkunkitsu. Esaúqa pachan raykulami qechpa kay derëchunta juk plätu mikuylapaq wawqinta rantikurqan.

18Qamkunaqa manami Sinaí jirkaman chayaqnötsu karkaykanki. Tsay jirkachöqa ninapis, tsakaypis y fiyupa wayrapis karqanmi.

19Cornëta waqamushqanta y Tayta Dios mantsakuypaq parlamushqanta mayarmi fiyupa mantsakärishpan ruwakärirqan manana parlapänanpaq.

21Fiyupa mantsakuypaq kaptinmi Moiséspis kayno nirqan: <>.

22Qamkunaqa Sión jirkanman y jana patsacho kaykaq Jerusalénman chayashqanönami karkaykanki. Tsay markaqa imayyaqpis kawaq Tayta Diospa markanmi kaykan. Tsaychömi yupaytapis mana atipaypaq tsaytsika angilkuna Tayta Diosta kushishqa alabarkaykan.

23Tayta Diosman lapan yärakuqkunawan juntakashqanömi karkaykanki. Qechpa wamra herenciata chaskiqno kaptikimi jutikikunapis jana patsacho qelqaraykan. Tsaynöpis pïmayta juzgaq Tayta Diospa nawpanman y jana patsacho kaykaq lapan salvashkunapa nawpanman chayashqanönami karkaykanki.

24Tsaynölami Jesucristupa nawpancho kaykaqnöna karkaykanki. Paymi wanurqan Tayta Dios mushuq pactuta rurar salvamänantsipaq. Jesucristo yawarninta jichashqanqa manami Abel yawarninta jichashqannötsu kaykan.

27<> nirqa lapan kamashqankunata siksikyätsir elqätsinanpaq kashqantami musyatsimantsi. Tsayno ruraptinmi mana ushakaqkunalana quëdanqa.

28Tayta Dios mandaykashqanqa imaypis manami ushakanqatsu. Tsay mandaykashqantaqa chaskiykantsinami. Tsaymi agradëcikushpantsi lapan shonquntsiwan payta alabashun. Payta mantsakur munashqanno imaypis kawashun.

29Imatapis nina rupar ushashqannömi mana cäsukuqkunata Tayta Diosnintsi ushakätsinqa.