Salmo 59 - Quechua Margos-Yarowilca-Lauricocha Bible（qvm）

Salmo 59 (58)Imapitapis tsapämaqnintsi Tayta Dios kashqan 1 (1) Cantaqkunapa mandaqninpaqmi. Ama ushakätsiytsu nishqan tönuwan kay salmuta cantapäkunki. Payta wanutsinanpaq wayinman Saúl kachashqanta yarparmi kay salmuta David qelqarqan.

6 6 (7) Paykunaqa tsakaypa kutimur kanikuq alqunömi markatapis olqur tumaparkaykan.

7 7 (8) Rabyar poqshaytapis aqtunraqmi.

Mana mayashqaykita yarparmi runa mayinta tukuynöpa ashlipäkun.

8 8 (9) Paykunataqa kushipankimi, Tayta Dios.

Qamman mana yärakamuqkunataqa asipankimi.

9 9 (10) Qammi kanki tsapämaqnï.

Qammi kanki ali rikamaqnï.

10 10 (11) Qamqa kuyamaqnï Tayta Diosmi kaykanki.

Noqa musyämi yanapamänaykipaq kashqanta.

Favornï sharkuptikimi chikimaqnïkunata ushakätsishqaykita rikashaq.

11 11 (12) Tsay runakunata lapantaqa ama wanuykatsilaytsu.

Munaynikiwan maytsaypapis qarquykulay.

Tsaynöpami castigashqaykita imaypis mana qonqapäkushaqtsu.

¡Tayta Dios, tsapämaqnï escüdumi kaykanki!

12 12 (13) Paykunaqa imata rimarpis mana alitami parlapäkun.

Runa tukushqanpita y lula kashqanpita ima nakaymanpis chayatsun.

13 13 (14) Rabyashpayki chipyaq ushakaykatsilay.

Paykunataqa jukla elqaykatsilay.

Tsaynöpami pïmaypis musyapäkunqa Jacobpita miraqkunacho y maytsay nacionchöpis rey kashqaykita. Selah

14 14 (15) Tsay fiyu runakunaqa tsakaypa kutimur kanikuq alqunömi markatapis olqur tumaparkaykan.

15 15 (16) Wakpa kaypami mikuyta ashir purirkaykan.

Mikuyta tarishqanwan mana saksarmi alqu aulaqnöraq qaparpaykan.

16 16 (17) Noqami itsanqa munayniyuq kashqaykipita cantapäshayki.

Kuyakuq kashqaykipitami waraq waraq alabashayki.

Qammi kanki imapitapis tsapämaqnï.

Qammi kanki lakikushqä höra pakakunä.

17 17 (18) Tayta Dios, qamtami alabashayki.

Qammi kanki tsapämaqnï y pakakunä.

Qammi kanki kuyamaq Diosnï.