1Lapan autoridäkunata Tayta Dios churashqa kaykaptinqa paykunata cäsukäriy.
2Autoridäkunata pipis mana cäsukurqa Tayta Diostapis manami cäsukuykantsu. Autoridäkunata mana cäsukuq kaqtaqa Tayta Diosmi juzganqa.
3Autoridäkunata cäsukuqkunaqa manami mantsa mantsatsu purin. Mana cäsukuqkunami itsanqa mantsa mantsala purin. Tsayno mana puripäkunaykipaq autoridäkunata cäsukäriy. Cäsukäriptikiqa paykuna alimi rikashunki.
4Lutankunata ruraptintsiqa autoridäkuna castigamäshunmi. Paykunataqa Tayta Dios churashqa ali ruraqkunapa favornin sharkunanpaq y lutan ruraqkunata castigananpaqmi. Manami manakaqlapaqtsu autoridäkuna karkaykan.
5Tsayno kaptinqa autoridäkuna nishqankunata cäsukushun. Manami castigamänantsipaq kaptilantsu cäsukushun, sinöqa Tayta Diosta respitarmi.
6Runakunata yanaparqa Tayta Diostami autoridäkuna sirviykan. Paykunata Tayta Dios churashqa kaykaptinqa impuestukunatapis pägashun.
7Cumplinaykipaq kaqkunata lapanta cumplipäkuy. Impuestuta päganayki kaptinqa pägapäkuy. Pitapis respitanayki kaptinqa respitapäkuy. Pitapis alabanayki kaptinqa alabapäkuy.Kuyanakunantsipaq nishqan
8Pipapis jaqan karqa pägapäkuy. Jaqata päganaykipaq yarpachakushqaykinöla kuyanakunaykipaqpis yarpachakäriy. Runa mayintsita kuyarqa Tayta Diospa lapan leyninkunatami cumpliykantsi.
9Tsay leykunacho kayno nirmi qelqaraykan:
< Ama suwakunkitsu. [Manakaqtaqa pitapis ama tumpankitsu.] Runa mayikipa imaykankunatapis ama munapankitsu>>. < 10Runa mayintsita kuyarqa manami contran sharkuntsitsu. Tsaynöpami Tayta Diospa lapan leyninkunata cumpliykantsi. 11Jesucristo kutimur salvamänantsipaq kaq junaq cercachönami kaykan. Tsayno kaykaptinqa punukashqano kashqantsipita rikchashun. 12Patsa waraqnöna kaykaptinqa jutsa ruraykunata kacharir shumaq yarpachakushun Tayta Dios munashqannöna kawanantsipaq. Tsakäpakushqano kawanantsipa trukanqa atskichönöna kawashun. Espädan kamarikushqa soldädu kaykaqno noqantsipis kamarikushqa kaykäshun. 13Atskichöno kawaykarqa jutsata mana ruraypana kawashun. Wakin runakuna juntakaykur aläpa mikuptinpis y upyaptinpis noqantsiqa ama tsayno kashuntsu. Tsaynöpis majantsita ama jarukushuntsu y majaynaq karpis jukwan jukwan ama kakushuntsu. Ama qayapänakushuntsu ni chikinakushuntsu. 14Tsaypa trukanqa qanra röpata loqtikur kacharishqaykino jutsa ruraykunata kacharir Jesucristupa makincho kawapäkuy. Lutanta rurayta munarpis ama rurapäkuytsu.
Who We AreWhat We EelieveWhat We Do
2025 by iamachristian.org,Inc All rights reserved.
