2 Crónicas 30 - Quechua Margos-Yarowilca-Lauricocha Bible（qvm）

Pascua fiestata Ezequías rurashqan

1Tsaypitanami Tayta Diospa templunman juntakaykur Pascua fiestata rurapäkunanpaq

4Qepakashqalapis Pascua fiestata rurananpaq wilanakurmi reypis y lapan runakunapis kushikärirqan.

5Tsaymi Israel runakunata kuyaq Tayta Diosta adorar Pascua fiestata rurapäkunanpaq wilakatsirqan Beersebapita qalaykur hasta Danyaq. Pascua fiestata lapan runakuna rurananpaq Tayta Dios nishqa kaptinpis atska watanami fiestata pay nishqanno rurapäkushqatsu karqan.

6Tsawraqa rey y autoridäkuna qelqashqan cartata apakurkur kachakuna aywarqan Israel runakuna y Judá runakuna tashqan markakunaman. Cartakunata chayatsirmi liyiparqan kayno nishqanta:

< cäsukäriyna. Payqa Abraham, Isaac y Israel yärakushqan Diosmi kaykan. Cäsukäriptikiqa pay yanapashunkipaqmi.

7< contran ama sharkapäkuytsu. Contran sharkushqanpitami marka mayintsikunataqa rikashqantsinöpis wakinta ushakätsinanpaq y wakinta prësu apakärinanpaq Tayta Dios kachaparirqan.

8< cäsukur templunman shapäkamuy. Tsay templutami Tayta Dios akrarqan tsaycho imaypis tänanpaq. Payta cäsukur sirvipäkuptikiqa rabyaynin pasanqami.

9< kuyapäkuq y yanapakuqmi kaykan. Jutsa rurayta kachariptintsiqa imaypis yanapamäshunmi>>.

10Kachakuna tsayno wilakurmi Efraín trïbu runakuna y Manasés trïbu runakuna tashqankunapa markan markan puripäkurqan hasta Zabulón trïbu runakuna tashqanyaq. Wilakushqanta mayarmi runakuna asipar manakaqman churapäkurqan.

11Tsayno asipaptinpis wakin runakunaqa Tayta Diosta cäsukurmi Jerusalénman aywapäkurqan. Jerusalénman aywaq runakunaqa karqan Aser trïbu runakunapita, Manasés trïbu runakunapita y Zabulón trïbu runakunapita.

12Tsay runakunata Tayta Dios shakyätsishqannömi Judá runakunatapis Tayta Dios shakyätsirqan mandashqanno Pascua fiestata rurapäkunanpaq. Tsaymi rey y autoridäkuna wilakatsishqanno

13ishkay kaq killacho tsaytsika runakuna Jerusalénman juntakaykur Levadüraynaq Tantata Mikupäkunan fiestata rurapäkurqan.

14Pascua fiestata rurayta qalaykunanpaqmi Jerusaléncho ïdulukunapaq perqashqan altarkunata inciensuwan qoshtatsikuna altarkunata Cedrón raqraman lapanta jitapäkurqan.

15Wakin kaq levitakuna y cürakuna mana purificakushqa karmi penqaytukushqa jukla purificakärirqan. Nirkurmi rupatsina sacrificiukunata rupatsipäkunanpaq uywakunata Tayta Diospa templunman apapäkurqan. Tsaymi ishkay kaq killa chunka chusku junaqcho Pascua fiesta sacrificiupaq apamushqan uyshakunata pishtapäkurqan.

16Uyshapa yawarninta altarman tsaqtsupänanpaqmi levitakuna y cürakuna Tayta Diosta sirviq Moisés qelqashqan leykunacho nishqanno churanakärirqan. Tsaymi uywakunata pishtaylanta yawarninta cürakunata levitakuna makyapäkurqan. Cürakunanami tsay yawarwan altarpa lädunkunata tsaqtsuparqan.

17Uywakunata apamuq runakuna wakinqa manaraqmi purificakushqaraqtsu karqan. Tsaymi Pascua sacrificiupaq paykuna apamushqan uywakunata levitakunana pishtaparqan. Tsaynöpami uywata apamuq runakuna Tayta Diospaq consagrädu rikakurqan.

18Manaraq purificakuq runakunaqa karqan Efraín trïbupita, Manasés trïbupita, Isacar trïbupita y Zabulón trïbupitami.

Mana purificakushqa karpis Pascua mikuyta mikuptinmi rey Ezequías Tayta Diosta manakurqan kayno nir: <

19Qamqa kanki unay aylükuna yärakushqan Tayta Diosmi. Tsaynöpis nirqayki purificakushqa karraq Pascua mikuyta mikupäkunäpaqmi. Tsayno nishqa karpis perdonaykulay, Tayta>>.

20Rey Ezequías tsayno ruwakuptinmi runakunata Tayta Dios perdonarqan.

21Jerusalénman juntakaq Israel runakunaqa pasaypa kushikushpanmi Levadüraynaq Tantata Mikupäkunan fiestata qanchis junaq rurapäkurqan. Cürakuna y levitakunami instrumentuta tukashpan Tayta Diosta waran waran cantar alabapäkurqan.

22Instrumentukunata tukar Tayta Diosta kushishqa alabashqanpitami rey Ezequíasqa levitakunata felicitarqan.

Unay aylunkuna yärakushqan Tayta Diosta adorar y ali kawakuy sacrificiukunata rurarmi qanchis junaq fiestata rurar mikupäkurqan.

23Tsaypita lapan runakuna wilanakurkur juk semäna mas fiestata kushishqa rurapäkurqan.

24Judá nacionpa mandaqnin rey Ezequías tsay fiestapaq churarqan waranqa (1,000) turitukunata y qanchis waranqa (7,000) uyshakunata y cabrakunata. Tsaynölami autoridäkunapis churarqan waranqa (1,000) turitukunata y chunka waranqa (10,000) uyshakunata y cabrakunata. Tsay fiestacho atska cürakunami purificakärirqan.

25Tsay fiestachömi lapan Judá runakuna kushikärirqan. Tsaynölami kushikärirqan cürakuna, levitakuna, Israelpita shamuq runakuna, juk lädupita shamuq jäpa runakuna y Judácho taq jäpa runakunapis.

26Davidpa tsurin Salomón rey kaykar fiestata rurashqanpita patsami Jerusaléncho fiestata tsayno mana rurapäkurqantsu. Tsaymi tsay fiestata rurar lapan runakuna pasaypa kushikärirqan.

27Fiesta ushaynami cürakuna y levitakuna ichirkur Tayta Diosta manakärirqan runakunata bendicionta qonanpaq. Tsayno manakäriptinmi tashqan jana patsapita patsa Israel runakunata Tayta Dios bendicionninta qomurqan.