Job 37 - Quechua Margos-Yarowilca-Lauricocha Bible（qvm）

1<

2¡Tayta Dios rimamushqanta mayapäkuy!

Pay rimamushqanqa räyunöraqmi mayakämun.

3Paymi jana patsata elquywan atsikyätsin.

Tsayno atsikyaptinmi intëru kay patsapis rikakan.

4Jana patsapitami pasaypa mantsariypaq bunrurümun.

Tsayno bunrurümuptin elquypis manami chawantsu.

5Tayta Dios tsayno bunrurütsimuptin imata ruraykashqantapis mana tantiyarmi pasaypa mantsakuntsi.

6<

7Tsayno tamyatsimuptinmi lantukunanpaq wayinkunaman qeshpikärin.

Tsaynöpami Tayta Dios lapanpaq munayniyuq kashqanta tantiyakärin.

8Uywakunapis machaykunamanmi lantukuq aywapäkun.

9Sur lädupitami löcu wayrata wayrätsimun.

Norti lädupitanami qasätsimun.

10Pükaptinmi tsururupis rurakan.

Tsaynölami lamar yakupis tintikan.

11<

Tsaynölami pukutaypita räyutapis pashtatsimun.

12Pukutaytaqa munashqanpami maypapis puritsin.

Intëru kay patsachömi pay mandashqanta ruran.

13Kay patsaman tamyatsimurmi bendicionninta churamun.

Aläpa tamyatsimurqa castiganmi.

14<

15¿Qam musyankiku imanöpa lapan tsaykunata rurashqanta?

¿Musyankiku elquyta imanöpa atsikyätsimushqanta?

16¿Musyankiku pukutayta imanöpa espantaypaq puritsishqanta?

Tsaykunata rikarmi tantiyantsi Tayta Dios yachaq kashqanta.

17<<¿Musyankiku sur kaq lädupita wayrätsimuptin imanir aläpa shanätsikushqaykita?

18¿Tayta Diosta yanapankimantsuraq jana patsapita chinyaypa shanätsimunanpaq?

19<

Yachaq karqa mä tantiyatsimay.

20Noqaqa paywan parlayta mantsakümi.

Parlar imarqa wanukushaqchari.

21<

Pukutay kicharkuptinmi itsanqa ciëlupis atsikyarkun.

22Norti kaq lädupami rancha pukutayno atsikyay rikakämun.

Tsayqa kaykan Tayta Dios munayninwan shamushqanmi.

23Payqa pasaypa munayniyuq karmi imaypis alilata ruran.

Manami pitapis lutalaqa nakatsintsu.

Rurashqanta manami tantiyayta atipantsitsu.

24Lapanpaq munayniyuq kashqanta tantiyarmi runakuna mantsakun.

Yachaq tukuq runakunataqa manami imaypis cäsupantsu>>.