1Mastapis Job kayno nirqan:
2< 3Kawayta y kalpata Tayta Dios qomashqanyaqqa 4lutankunata manami rimashaqtsu ni lulakushaqtsu. 5Tsaymi kawashqäyaqqa jutsaynaq kashqäta imaypis rimaykäshaq. Jutsa rurashqäta qamkuna nimaptikipis manami jutsata rurashqäpitatsu nakaykä. 6Jutsata mana rurashqa karmi imapitapis mana penqakütsu. Tsaymi jutsaynaq kashqäta imaypis parlaykäshaq. 7<<¡Chikimaqnïkunaqa lapanpis ushakätsun! ¡Paykunaqa jutsata ruraq runano wanutsun! 8Fiyu runakunaqa Tayta Diospa makinpita manami imanöpapis qeshpinqatsu. 9Ima nakaycho kar manakuptinpis manami yanapanqatsu. 10Tsay runakunaqa Tayta Dios munashqanno kawananpaq imaypis manami yarpachakärintsu. Lapanpaq munayniyuq Tayta Diostaqa manami imaypis manakärintsu. 11< Lapanpaq munayniyuq kashqanpitaqa manami upälakushaqtsu. 12Munayniyuq kashqantaqa kikikikunapis rikashqankimi. Tsayta musyaykarqa ¿imanirtaq manakaqkunata rimarkaykanki? 13< 14Fiyu runakunapa tsurinkuna atska karpis wakinqa guërrachömi ushakanqa y wakinnami yarqaypita wanunqa. 15Kawaykar quëdaqkunapis fiyu qeshyawanmi wanunqa. Fiyu kaptinmi viüdankunapis mana waqanqatsu. 16< 17ali runakunami tsay röpankunata jatikärinqa. Qellayta shuntashqantapis jutsaynaq runakunami manijapäkunqa. 18Fiyu runakunapa wayinqa pishqupa qeshwanno ushakaqlami kaykan. Tsaynöpis täpana tsuklanölami kaykan. 19< 20Löcu tamya elaqpita tsarishqannömi paykunataqa ima castïgupis elaqpita tsarinqa. Löcu wayra tsakaypa shamur imatapis elaqpita ushakashqannömi paykunapis elaqpita ushakanqa. 21Inti jeqamunan kaq lädupita löcu wayra shamurmi wayincho kaykaqta elaqpita apakunqa. 22Mayman pakakuptinpis mana kuyapaypami ushakätsinqa. 23Wichyarraqmi tsay wayra kushishqa apakunqa>>.
Who We AreWhat We EelieveWhat We Do
2025 by iamachristian.org,Inc All rights reserved.
