1Jirkakunapa rikachakurmi kayno yarpachakü:
<<¿Maypitaraq yanapamaqnï shamunqa?>>
2Noqapa yanapamaqnïqa kay patsata y jana patsata kamaq Tayta Diosmi kaykan.
3Paymi tsapämantsi imapis mana pasamänantsipaq.
Cuidamaqnintsi karmi imaypis mana pununtsu.
4Israel runakunapa cuidaqninqa imaypis rikchashqalami kaykan.
5 Tayta Diosmi imapitapis cuidamantsi.
Paymi ima peligrupitapis tsapämantsi.
Yanapamänantsipaq noqantsiwanmi imaypis kaykan.
6Tsaymi intipis mana rupamäshuntsu.
Killapis manami serinamäshuntsu.
7 Tayta Diosmi tsapämantsi imapis mana pasamänantsipaq.
8 Tayta Diosmi maypa aywaptintsipis kananpis y imaypis rikaykämantsi.
Who We AreWhat We EelieveWhat We Do
2025 by iamachristian.org,Inc All rights reserved.