Salmo 121 - Quechua Margos-Yarowilca-Lauricocha Bible(qvm)

Salmo 121 (120)Tayta Dios yanapakuq kashqanKay salmuqa Jerusalénman aywaqkuna alabananpaqmi kaykan.

1Jirkakunapa rikachakurmi kayno yarpachakü:

<<¿Maypitaraq yanapamaqnï shamunqa?>>

2Noqapa yanapamaqnïqa kay patsata y jana patsata kamaq Tayta Diosmi kaykan.

3Paymi tsapämantsi imapis mana pasamänantsipaq.

Cuidamaqnintsi karmi imaypis mana pununtsu.

4Israel runakunapa cuidaqninqa imaypis rikchashqalami kaykan.

5 Tayta Diosmi imapitapis cuidamantsi.

Paymi ima peligrupitapis tsapämantsi.

Yanapamänantsipaq noqantsiwanmi imaypis kaykan.

6Tsaymi intipis mana rupamäshuntsu.

Killapis manami serinamäshuntsu.

7 Tayta Diosmi tsapämantsi imapis mana pasamänantsipaq.

8 Tayta Diosmi maypa aywaptintsipis kananpis y imaypis rikaykämantsi.

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help