Ezequiel 42 - Quechua Margos-Yarowilca-Lauricocha Bible（qvm）

Cürakunapa cuartunkuna

1Tsaypitanami tsay runa norti kaq läducho kaykaq jatun patiuman pushamar chayatsimarqan cürakunapaq cuartukuna kashqanman. Tsay cuartukunaqa templupa qepancho kaykaq patiu lädupa y tsaycho jatun wayi lädupami rikararqan.

2Cuartukunapa largunta tupuptinmi karqan pitsqa chunka (50) metru. Anchunnami karqan ishkay chunka pitsqa (25) metru.

3Tsay cuartukunapa waqtanchömi templu qepancho kaykaq chunka metru anchu patiu karqan. Frentinchönami karqan rumiwan läjashqa jatun patiu.

Tsay cuartukunaqa kimsa grädaman qatashqami karqan.

4Punkunkunaqa norti kaq lädupami rikararqan. Tsay lädupami juk pasadïsu karqan pitsqa metru anchu y pitsqa chunka (50) metru largu.

5Ultimu grädacho kaykaq cuartukunaqa karqan mas takshami. Chawpi kaq grädacho kaykaq cuartukunami itsanqa mas jatulan karqan. Pampacho kaykaq cuartukunami karqan mas jatun.

6Cuartukuna kimsa pïsu kaykarpis manami patiucho kaq cuartukunanötsu columnayuq karqan. Tsaymi cada pïsucho cuartukuna urapita janayaq mas taksha karqan.

7-8Tsay cuartukunapa largunmi karqan ishkay chunka pitsqa (25) metru. Punku nawpancho perqanami karqan ishkay chunka pitsqa (25) metru. Frenticho kaykaq pasadïsunami karqan pitsqa chunka (50) metru.

9Jatun patiupita cuartukunaman yaykunanpaqmi punku karqan inti jeqamunan läducho.

10Tsaynölami sur kaq lädupapis cuartukuna karqan. Tsay cuartukunaqa karqan templu qepancho kaykaq wayi frentincho y templu qepancho kaykaq patiu frentinchömi. Tsay wayipa y patiupa waqtanchömi tsay cuartukuna karqan.

11Norti läducho kaykaq cuartukunapa frentincho pasadïsu kashqannölami sur kaq lädu cuartukunapa frentinchöpis pasadïsu karqan. Tsaynölami sur kaq lädu cuartukunapa largunpis, anchunpis, yarqunanpis y punkunkunapis norti kaq lädu cuartukunapanöla karqan.

12Sur kaq lädu cuartukunaman yaykunanpaqmi pasadïsu qalaykunancho punku karqan. Tsay punkuqa inti jeqamunan kaq lädupami rikararqan.

13Pushamaq runami kayno nimarqan: < kaykan. Tsay cuartukunachömi Tayta Diospa nawpancho sirviq cürakuna mas sagrädu kaq ofrendakunata mikupäkunqa. Tsay cuartukuna sagrädu kaptinmi tsayman churapäkunqa tsaki mikuy ofrendakunata, purificatsina sacrificiukunata y consagratsina sacrificiukunata.

14<>.

15Templuta y tsaycho kaykaq patiukunata tupuyta usharkurnami tsay runa inti jeqamunan kaq lädu punkupa yarqatsimarqan. Nirkurmi perqatana tumariq tupurqan.

16Aptaraykashqan varïllawan inti jeqamunan kaq lädupa tupuptinmi karqan ishkay pachak pitsqa chunka (250) metru.

17Norti kaqpa tupuptinmi karqan ishkay pachak pitsqa chunka (250) metru.

18Sur kaq lädupapis tupuptinmi karqan ishkay pachak pitsqa chunka (250) metru.

19Tsaypita inti jeqanan kaq lädupana tupuptinmi karqan ishkay pachak pitsqa chunka (250) metru.

20Tsaymi tsay perqapa largun y anchunpis karqan ishkay pachak pitsqa chunka (250) metru. Tsay perqami rakirqan sagrädu kaqpita mana sagrädu kaqta.