Salmo 46 - Quechua Margos-Yarowilca-Lauricocha Bible（qvm）

Salmo 46 (45)Tayta Dios tsapämaqnintsi kashqan 1 (1) Cantaqkunapa mandaqninpaqmi. Corépita miraqkuna qelqashqan salmu. Kënata tukapalanpa cantapäkunki.

1 1 (2) Tayta Diosqa pakakunantsi törrinömi kaykan.

Paymi imapitapis tsapämantsi.

Ima nakaycho kaptintsipis yanapamantsimi.

2 2 (3) Patsa fiyupa siksikyaptinpis ama mantsakushuntsu.

Puntakuna lamarman talpukaptinpis ama lakikushuntsu.

3 3 (4) Lamar bunyaypa bunyar sharkuptinpis y jirkakuna siksikyaptinpis ama mantsakäshuntsu.

4 4 (5) Juk mayumi kaykan Tayta Dios akrashqan markacho taqkuna kushikärinanpaq.

Tsay runakunaqa poderniyuq Tayta Dios tashqan markachömi taykan.

5 5 (6) Tayta Dios tsaycho kaptinmi tsay markata imapis mana pasanqatsu.

Paymi patsa warashqanpita tsaycho taykaq runakunata yanapaykan.

6 6 (7) Yanapaptinmi jäpa nación runakuna qaparpar siksikyaykan.

Rimamuptinmi kay patsapis kuyun.

7 7 (8) Lapanta mandaq Tayta Diosmi noqantsiwan kaykan.

Jacob sirvishqan Tayta Diosmi imapitapis tsapämantsi. Selah

8 8 (9) Tayta Dios espantaypaq rurashqankunata rikanaykipaq shapäkamuy.

Paymi kay patsacho mantsariypaq kaqkunata ruran.

9 9 (10) Mandaptinmi maytsaychöpis guërra mana kannatsu.

Flëchakunatapis lanzakunatapis lapanta pakirmi ushan.

Guërra carrëtakunatapis chipyaqmi rupatsir ushan.

10 10 (11) Tayta Diosmi kayno nin:

<

Tantiyakäriy munayniyuq Tayta Dios kaykashqäta.

Munaynïchömi maytsay nacionkunapis kaykan.

Makïchömi intëru kay patsapis kaykan>>.

11 11 (12) Lapanta mandaq Tayta Diosmi noqantsiwan kaykan.

Jacob sirvishqan Tayta Diosmi tsapämaqnintsi kaykan. Selah