Isaías 47 - Quechua Margos-Yarowilca-Lauricocha Bible（qvm）

Babilonia ushakänanpaq nishqan

1Tayta Diosmi kayno nin:

<Kananpitaqa mananami pipis kuyaylapaq kashqaykita nishunkinatsu.

2Ashmay warminöla maraycho machkaykita aqakuy.

Shukutaraykashqayki jakuykita jorquyna.

Mama chankayki rikakashqanyaq träjikita qarikurkur mayukunatapis päsay.

3Qarapächu kaptikimi penqaynikita pïmaypis rikanqa.

Lutanta rurashqaykipita castigaptï manami pipis salvashunkipaqtsu>>.

4Tsaynömi nin Israel runakunapa santu Tayta Diosnin.

Paymi salvamaqnintsi kaykan.

Paypa jutinmi kaykan lapanta mandaq Yahweh.

5<

Mananami pipis nacionkunapa mandaqnin reina kashqaykita nishunkinatsu.

6<

Castiganaykipaq kachapaptïpis aläpami nakatsishqanki.

Awkinkunatapis lasaq yüguta matankanman watapaqnömi mana kuyapaypa nakatsishqanki.

7Imayyaqpis reinala kanaykipaq kashqanta yarparmi lutanta ruraykashqaykitapis mana tantiyakushqankitsu.

Ushakänaykipaq kaqta manami imaypis yarpashqankitsu.

8<

Trönuncho mana yarpachakuypa jamaraq warmino karmi shonqulaykicho kayno niykanki:

Manami imaypis viüdayäshaqtsu ni wawaynaqpis rikakushaqtsu>.

9Tsayno niykarpis elaqpitami viüdayankipaq y wawaynaq rikakunkipaq.

Tsay junaqqa manami brüjuykikunapis ni rikakuqnikikunapis tsapäshunkipaqtsu.

10<

Musyaq yachaq kashqaykita yarparmi pantakashqanki.

Shonquykichömi nirqayki pipis qamno mana kashqanta.

11Tsayno niptikipis elaqpitami desgracia pasashunkipaq.

Tsaypita imano salvakuytapis manami kamäpakunkipaqtsu.

Tsay desgraciawanmi chipyaq ushakankipaq.

12<

Brüju kayta sïguir mä pilatapis mantsakätsinkikush.

13Yätsishuqnikikuna yätsishushqaykitapis ajayashqankinami.

Cada killa imano kanaykipaq kaqtapis wilashunaykipaq qoylar estudiaqkunapis manami kannatsu.

Kanan mä salvashunaykipaq shapäkamutsun.

14<

Tsayno yarpaptikipis manami tsaynötsu kaykan, sinöqa nina ushananpaq oqshanölami kaykan.

Tsaymi Tayta Diospa castïgunpita imanöpapis salvakuyta mana kamäpakunqatsu.

15Wamra kashqaykipita patsa rikatsikushqayki brüjuykikunapis lapanmi ushakanqa.

Kawaq kaqkuna qeshpir aywakäriptin manami pipis salvashunaykipaq kanqatsu>>.