Amós 8 - Quechua Margos-Yarowilca-Lauricocha Bible（qvm）

Revelacioncho poqushqa frütakunata Amós rikashqan

1Tsaypitanami revelacioncho Tayta Dios rikatsimarqan juk canastacho poqushqa frütakunata.

2Nirkurmi tapumarqan kayno nir: <<¿Imatataq rikaykanki, Amós?>>

Tsawraqa kayno nirqä: <>.

Tsaymi kayno nimarqan: <

3<>. Tayta Diosmi tsayno nin.

4Kay nishqäta shumaq mayapäkamay.

Qamkunaqa yana bürruykitanömi humildikunata mana pägaypa arurkaykätsinki.

Waktsakunata pasaypami nakarkaykätsinki.

5Qamkunaqa kaynömi nirkaykanki:

<<¡Imayraq lulu killa fiesta ushakanqa trïguntsita rantikunantsipaq!

¡Imayraq jamay junaqpis ushakanqa tsaki mikuynintsita rantikunantsipaq!

Rantikurqa pësuwan y tupuwan engañaypami gänashunpaq>>.

6Qamkunaqa qellaypaq wanurmi trïgupa gransantapis rantikurkaykanki.

Jaqanta pägayta mana kamäpakuq waktsakunatapis ashmaynikikuna kananpaqmi rantirkaykanki.

Paykunata mana kuyapaypami rantirkaykanki walka qellaywan y juk par lanqipa chanilawan.

7Tsaymi Jacobpita miraq runakunata kuyaq Tayta Dios jurar kayno nin:

<

8Jutsata rurapäkushqaykipita ¿manatsuraq kay patsapis siksikyanqa?

Nilo mayu cargashqa bötiypa bötir aywashqannömi kay patsapis kuyur fiyupa siksikyanqa.

Mana kuyapaypa castigaptïmi intëru Israelcho taq runakuna waqapäkunqapaq>>.

9 Tayta Diosmi kayno nin:

<

Pulan junaq ali atsikyaraykaptinmi intëru mundupis tsakakäkunqa.

10Fiestata rurapäkunaykipa trukanqa imaypis waqalarmi kankipaq.

Cantarpis waqay waqaylatami cantapäkunkipaq.

Lütu röpayki jatishqalami puripäkunkipaq.

Lakikuylapitami umaykitapis qara putuyparaq rutukärinkipaq.

Juklayla tsuriki wanuykuptin waqashqaykinömi pasaypa lakikur waqapäkunkipaq.

Ima rurashqaykipis manami shonquykipaqtsu kanqa>>.

11 Tayta Diosmi kayno nin:

<

Tsay muchuy manami mikanaytsu ni yakunaytsu kanqa, sinöqa wilakuynïta mayayta munaymi.

12Wilakuynïta mayayta munarmi runakuna maytsaypapis aywapäkunqa.

Lamar kuchunpita juk kuchunyaq aywarpis wilakuynïta manami taripäkunqatsu.

Norti kaq lädupita inti jeqamunan kaq läduyaq aywarpis manami taripäkunqatsu.

13Tsay witsanmi wilakuynïta mana mayar kuyaylapaq jipashkunapis y ali chölu mözukunapis yakunaypita bëta tsarishqano kanqa.

14Tsaynöpis Samariacho kaq ïdulukunata adoraqkuna, Dancho kaykaq ïdulupa jutinta joqariqkuna y Beersebacho kaykaq ïdulukunapa jutinta joqariqkuna lapanmi wanur ushakanqapaq>>.