Job 17 - Quechua Margos-Yarowilca-Lauricocha Bible（qvm）

1<

Wanuypis janächönami.

Pampakunäpaq sepultürapis uchkuraykannami.

2Manakaqman churamaq runakunalami nawpächo karkaykan.

Tsakaypapis junaqpapis rabyanätsimanmi.

3<

Qam mana yanapamaptikiqa ¿piraq yanapamanqa?

4Chikimaqnïkuna manakaqman churamänanpaq yarpayta qoshqa karpis vincimänanta ama kachapaykulaytsu.

5Tsay runakunaqa päguta chaskinan raykumi amïgunpa contran sharkun.

Tsurinkuna muchuycho kaykaqtami rikapäkunqa.

6<

Tsaynölami qaqlämanpis toqapäman.

7Nanaywan waqaptïmi nawïpis tsakarpunna.

Uyutaptïmi custilläkunapis yupariylapaqna kaykan.

8<

Jutsayuq runakuna conträ sharkuptinmi rabyakärin.

9Tsayno rabyakurpis ali runakunaqa imaypis alilatami rurapäkun.

Manakaqman churaptinpis mana ajayaypami alita rurapäkun.

10<

Imaykata rimarpis manami juknilaykipis rasunpa yachaq kankitsu.

11<

Imata ruranäpaqpis yarpachakuykashqalächömi ushakäshaq.

12<

Yanawyayparaq tsakaykaptinpis niqnömi karkaykanki.

13<

Yanawyaykaq tsakaylanami wayïpis kanqa.

14Sepultürami papänï kanqa.

Kurukunanami mamä y panï kanqa.

15Tsawraqa ali kawayta munashqäpis manakaqlapaqmi kanqa.

Tsayno kaptinqa ¿imapaqnataq imata ruranäpaqpis yarpachakushaq?

16Wanukuptïqa lapan yarpashqäkunapis manakaqlapaqmi kanqa.

Alpalamanmi lapantsipis tikrashunpaq>>.