Salmo 78 - Quechua Margos-Yarowilca-Lauricocha Bible（qvm）

Salmo 78 (77)Kuyashqan runakunata Tayta Dios ali rikashqan 1a (1a) Asaf qelqashqan salmumi.

1 1 (1b) Marka mayikuna, yachatsishqäta shumaq chaskikäriy.

Wilapaptï shumaq mayapäkamay.

2Imamanpis tinkutsiypami tantiyatsishayki.

Unay pasashqankunata musyanaykipaqmi wilapäshayki.

3Tsaykunata musyantsi awkiluntsikuna wilapämashqa kaptinmi.

4Tsaykunataqa wamrantsikunata wilapäshun.

Tayta Dios munayniyuq kashqanta musyatsishun.

Munayninwan mantsariypaq rurashqankunata wilapäshun.

5Jacobpita miraqkunatami Tayta Dios leyninkunata musyatsirqan.

Tsay leykunachömi tantiyatsirqan Israel runakuna imanöpis kawapäkunanpaq.

Paykunatami nirqan wamrankunata yachatsipäkunanpaq.

6Tsaynöpami qepa yuriqkunapis musyapäkunqa.

Tsay qepa yuriqkunapis wamrankunatami yachatsipäkunqa.

7Noqantsipis tsayno yachatsiptintsimi wamrantsikuna Tayta Diosman yärakärinqa.

Tayta Dios yanapashqankunatapis manami qonqanqatsu.

Paypa mandamientunkunatapis lapantami cumplipäkunqa.

8Unay ayluntsikunano mana cäsukuq y mana wiyakuq manami kanqatsu.

Unay ayluntsikunaqa mana wiyakuq chukru shonqumi karqan.

Paykunaqa puyñu rinrimi karqan.

Tsayno karmi Tayta Dioswan pactu rurashqantapis mana cumplipäkurqantsu.

9Efraín trïbu runakunaqa flëchayta yachaq soldädukunami karqan.

Tsayno kaykarpis guërrapita qeshpirmi aywakärirqan.

10Tayta Dioswan pactu rurashqantapis manami cumplipäkurqantsu.

Yachatsishqantapis manami chaskikärirqantsu.

11Tayta Dios yanapashqantapis qonqaykärirqanmi.

Espantaypaq milagru rurashqantapis pasaypami qonqaykärirqan.

12Unay ayluntsikuna rikaykaptinmi espantaypaq kaqkunata Tayta Dios rurarqan.

Tsayno rurarqan Egiptucho kaykaq Zoán partichömi.

13Lamarta ishkayman rakirkurmi chawpinpa paykunata pasatsimurqan.

Pasamunanpaqmi lamar yakuta ishkayman rakishpan tapiatano ichirätsirqan.

14Junaqpami pukutaywan pusharqan.

Tsakaypanami rupaykaq ninawan pusharqan.

15Chunyaq tsaki jirkachömi qaqatapis shilikätsirqan.

Upupäkunanpaqmi atska yakuta pashtatsimurqan.

16Qaqapita pashtatsimuptinmi mayunöraq yaku aywarqan.

17Tsayno yanapaykaptinpis paykunaqa Tayta Diospa contranmi sharkurqan.

Chunyaq jirkachömi poderniyuq Tayta Diosta rabyanätsirqan.

18Munashqalanta mikuyta munarmi kikinkuna munashqanta Tayta Diosta ruratsiyta munapäkurqan.

19Tayta Diospa contranmi rimapäkurqan kayno nir:

<

20Musyantsimi Tayta Dios qaqata shilikätsiptin mayunöraq yaku yarqamushqanta.

Tsayno rurarpis ¿maypitataq mikuyta kamaripämäshun?

Aytsatapis ¿maypitataq kamaripämäshun?>>

21Tsayno rimashqanta mayaykurmi Tayta Dios pasaypa rabyakurqan.

Jacobpita miraq runakunapaqmi pasaypa rabyakurqan.

22Paykunaqa Tayta Diosman manami yärakärirqantsu.

Yanapananpaq kashqantapis manami criyipäkurqantsu.

23Tsayno kaykaptinpis Tayta Diosqa paykunamanmi pukutayta kachamurqan.

Ciëlu punkutapis kikinmi kicharqan.

24Kuyashqan runakunapaqmi tamyatano manáta shikwatsimurqan.

Tsayqa jana patsapita shikwamuq mikuymi karqan.

25 Angilkuna mikushqan tantata mikupäkurqan.

Saksashqanyaq mikunanpaqmi Tayta Dios mikuyta kamaripämurqan.

26Tsaynölami inti jeqamunan kaq lädupita y sur kaq lädupita wayrata wayrätsimurqan.

27Tsay wayrawanmi codornizkunata chayatsirqan.

Tsaynöpami lamar kuchuncho aquyshanöraq tsaytsika aytsa karqan.

28Tsay codornizkunatami Tayta Dios chayatsirqan runakuna tarkaykashqan campamentuman.

Toldunkuna nawpanmanmi juntaqpaq chayatsirqan.

29Tsaymi pasaypa melanashqanyaq mikupäkurqan.

Tsaynömi manakärishqanta Tayta Dios kamariparqan.

30Wakintaqa pachan manaraq saksaptinmi y aytsata tsayraq kachuykaptinmi

31Tayta Dios rabyakushpan ushakätsirqan.

Mas kalpayuq kaq runakunatami wanuratsirqan.

Israel runakunacho mas ali chölu kaq runakunatami ushakätsirqan.

32Tsayta rikaykarpis kashqalanmi jutsata rurapäkurqan.

Milagrukunata rurashqanta rikaykarpis manami Tayta Diosman yärakärirqantsu.

33Tsaymi Tayta Dios paykunata jämaytanöla desgraciawan ushakätsirqan.

34Wakinta wanutsishqanta rikaykurraqmi Tayta Diosman yärakärirqan.

Tsaynöparaqmi lapan shonqunwan perdonta manakärirqan.

35Tsaynöpis tantiyapäkurqan Tayta Dios qaqano tsapaqnin kashqanta.

Tsaynölami yarpapäkurqan poderniyuq Tayta Dios salvaqnin kashqanta.

36Tsayno yarparpis paykunaqa Tayta Diosta lulaparqanmi.

37Tayta Diosta cäsukärinanpaq promitirkurpis manami cäsukärirqantsu.

Tayta Dioswan pactu rurashqantapis manami cumplipäkurqantsu.

38Tsayno kaptinpis paykunata Tayta Diosqa kuyaparqanmi.

Jutsa rurashqankunata perdonar manami ushakätsirqantsu.

Atska kuti pasaypa rabyarpis manami castigarqantsu.

Rabyashpanpis pacienciakurqanmi.

39Runala kashqanta musyarmi kuyaparqan.

Wayrano pasaqla kaptinmi kuyaparqan.

40Paykunaqa atska kutimi Tayta Diospa contran sharkapäkurqan.

Atska kutimi chunyaq jirkacho payta rabyanätsirqan.

41Yaparir yaparirmi Tayta Diosta tentapäkurqan munashqanta kamaripänanpaq.

Tsaynöpami santu Diosninta pasaypa rabyanätsirqan.

42Tayta Dios munayniyuq kashqanta pasaypami qonqapäkurqan.

Contrankunapa makinpita salvashqantapis manami yarparqannatsu.

43Tsaynöpis manami yarparqannatsu Egiptucho kaykaq Zoán particho mantsariypaq milagrukunata rurashqantapis.

44Tsaychömi mayukunatapis yawarman tikratsirqan.

Tsaymi Egiptucho taq runakuna upuyta melanarqan.

45Upuqruykunatapis

47Runtu tamyawanmi üvakunatapis ushakätsirqan.

Qasapawanmi hïguskunatapis chipyaq ushakätsirqan.

48Runtu tamyawan y räyuwanmi wäkakunatapis y uyshakunatapis wanutsirqan.

49Tayta Diosmi rabyashpan Egipto runakunata tsayno castigarqan.

Wanutsikuq angilkunatami paykunaman kacharqan.

50Mana kuyapaypami paykunata ushakätsirqan.

Mana perdonaypami wanutsirqan.

51Tsaymi Egiptucho lapanpa qechpa olqu tsurinkunata ushakätsirqan.

52Tsaypitanami kuyashqan Israel runakunata uyshata mitsiq runano Egiptupita jorqamurqan.

Chunyaq jirkapami paykunata pushamurqan.

53Mana mantsakärinanpaqmi shumaq pushamurqan.

Contrankunatami itsanqa lamarcho shenqaypa ushakätsirqan.

54Tsaypitami kuyashqan runakunata promitishqan nacionman pushamurqan.

Paykunata qoykunanpaqmi tsaycho taq runakunata kikin ushakätsirqan.

55Kuyashqan runakunapa nawpanpitami tsay runakunata qarqurqan.

Paykunapa chakrankunata y markankunatami Israel runakunatana aypurqan.

56Tsayno yanapaykaptinpis poderniyuq Tayta Diosta tentar fiyupa rabyanätsirqan.

Tayta Dios nishqankunatapis manami cäsukärirqantsu.

57Unay aylunkunanömi paykunapis Diosta promitishqanta mana cumplirqantsu.

Flëcha wiksu kashqannömi paykunapis karqan.

58Markakunacho altarkunata rurarmi Tayta Diosta rabyanätsirqan

Ïdulukunata adorashpanmi rabyanätsirqan.

59Tsayta rikarmi Tayta Dios fiyupa rabyakurkurqan.

Israel runakunata kacharirmi manana yanaparqannatsu.

60Kay patsacho täkunan tolduntapis kachariykurqan.

Silo markacho kaykaq tolduncho mananami tarqannatsu.

61Contran runakuna apakunanpaqmi Pactu Babulta kacharirqan.

62Kuyashqan runakunata espädawan wanutsinanpaqmi kacharirqan.

63Nina rupar ushaqnöraqmi mözukunatapis guërracho wanutsir usharqan.

Tsaymi jipashkuna casarananpaq mözukunapis mana karqannatsu.

64Cürakunatapis espädawanmi wanutsir usharqan.

Viüdankunapis wanutsipäkunanta mantsakurmi mana lüturqannatsu.

65Tsaypitanami punukashqano kaykashqanpita tantiyakurir kuyashqan runakunata Tayta Dios yapay yanaparqan.

Vïnuta upyakurkur valorta tsariq runanömi

66contrankunata vincir qatikacharqan.

Tsaynöpami tsay contrankuna imayyaqpis penqaycho kanqa.

67Tayta Dios manami munarqannatsu Josépita miraq Efraín trïbu runakuna tashqan particho templun kananta.

68Tsaypa trukanqa Judá trïbu runakuna tashqan partitanami akrarqan.

Tsaychömi kuyashqan Sión jirkanta akrarqan templunta sharkatsipänanpaq.

69Templunta sharkatsirmi jana patsayaq altu kananpaq sharkatsirqan.

Kay patsano mana ushakaq kananpaqmi sharkatsirqan.

70Uysha mitsiqla kaykaptinmi sirviqnin Davidta akrarqan.

71Jacobpita miraq kuyashqan Israel runakunata rikananpaqmi uyshata mitsir puriykaqta akrarqan.

72Tsaymi Davidqa lapan shonqunwan paykunata shumaq rikarqan.

Shumaq yarpachakuykurmi paykunata ali rikarqan.