1Juk reymi kanqa ali mandaq y shumaq juzgaq.
Yanapaqnin autoridäkunapis shumaqmi juzganqa.
2Paykunami marka mayinkunata shumaq rikanqa.
Tsaymi fiyu runakuna löcu wayrano atacaptinpis runakunata tsapanqa.
Löcu tamyano desgracia pasaptinpis runakunata yanapanqa.
Tsaki jirkakunacho yakunömi kanqa.
Fiyupa shanaptin runakuna lantukunapaq jatun qaqanömi kanqa.
3Tsay witsanmi Tayta Dios nishqanta runakuna shumaq cäsukärinqa.
Pay munashqanno kawananpaqmi shumaq tantiyakärinqa.
Nishqanta cäsukunanpaqmi lapanta shumaq mayapäkunqa.
4Mana tantiyaqkunapis shumaqnami tantiyapäkunqa.
Tatukunapis shumaqnami parlapäkunqa.
5Fiyu runataqa manami <
Engañakuqkunatapis manami <
6Fiyu runaqa mana alilatami parlan.
Mana alita ruranalanpaqmi yarpachakun.
Tayta Diospaqpis lutankunatami parlan.
Mikanaqkunatapis manami qarantsu.
Yakunaqkunatapis manami yakuta makyaykuntsu.
7Engañakuq runaqa pitapis engañanmi.
Lutanta yarpachakurmi uysuran.
Waktsakuna y humildikuna demandakuptinpis manakaqtami jitapan.
8Ali runami itsanqa shumaq yarpachakurir imatapis ruran.
Tsaymi paytaqa pïmaypis respitapäkun.
Jerusalén warmikunapaq nishqan9Imatapis mana yarpachakuq warmikuna, tantiyakäriy.
Imapis mana pasashunaykipaq kashqanta yarpaqkuna, nishqäta shumaq mayapäkamay.
10Kananpita juk wata pasarkuptinqa üvapis ni ima mikuypis cosechanaykipaq manami kanqatsu.
Tsayno kaptin pasaypami lakikärinkipaq.
11Imaykayuqpis kar jawka täkuq warmikuna, ¡mantsakur siksikyapäkuy!
Jatirashqayki röpaykita loqtirir lütu röpatana jatikäriy.
12Ali wayuq chakrakuna mananami wayunqanatsu.
Üva cosëchapis manami kanqanatsu.
Tsayta rikashpayki makikita choqpakurkur waqapäkuy.
13Chakraykikunachöpis kashakuna y shirakalanami muntiyanqa.
Kushishqa kawashqayki wayikikuna y markaykikunapis muntiyanqami.
14Rey tashqan palaciucho pipis manami tanqanatsu.
Cällikunacho tsaytsika runakuna karpis wara warantinqa chunyaqmi rikakunqa.
Marka murällapis törrikunapis chipyaqmi ushakanqa.
Tsaycho jirka bürrukunalanami pañanqa.
Uywakunalatami tsaycho mitsikärinqa.
Espïritunta Tayta Dios kachamunanpaq nishqan15Tsayno kanqa jana patsapita Espïritunta Tayta Dios noqantsiman kachamushqanyaqmi.
Espïritunta kachamuptinqa chunyaq tsaki jirkapis muruna chakramanmi tikranqa.
Chakrakunapis shuntayta mana atipaypaqmi wayunqa.
16Jalqachöpis y qechwachöpis alilatanami runakuna rurapäkunqa.
17Maytsaychöpis alimi kawapäkunqa.
Imatapis mana mantsakur imayyaqpis jawkami kawapäkunqa.
18< 19Muntikunata runtu tamya ushaptinpis y juk lädu markakunata contrankuna juchutsir ushaptinpis 20qamkunaqa imapis mana nakatsishuptiki kushishqami kawapäkunkipaq. Chakraykikuna kashqanchöpis atska yakumi kanqa. Ali qewa kashqanchömi wäkaykikunata bürruykikunata mitsikur kushishqa kawapäkunkipaq>>.
Who We AreWhat We EelieveWhat We Do
2025 by iamachristian.org,Inc All rights reserved.
