Levítico 9 - Quechua Margos-Yarowilca-Lauricocha Bible（qvm）

Sacrificiukunata rupatsiyta Aarón qalaykushqan

1Tsaypita pusaq junaqta Moisés qayarqan Aarónta, tsurinkunata y Israel mayor runakunata.

2Nirkurna Aarónta kayno nirqan: < nawpanman apamuy.

3Israel runakunatana ninki purificatsina sacrificiupaq juk chïvuta apapäkamunanpaq. Tsaynöpis ninki rupatsina sacrificiupaq juk watayuq sänu turituta y juk watayuq sänu carnishta apapäkamunanpaq.

4Tsaynöla jawka kawakuy sacrificiupaq juk töruta y juk carnita apapäkamutsun. Tsaykunata Tayta Diospa nawpancho pishtapäkunki. Tsaynöla apapäkamutsun aceitiwan tsapushqa harinata. Tsayno apapäkamutsun Tayta Dios kanan junaq noqantsiman chayamunanpaq kaptinmi>>.

5Tsayno niptinmi Aarónta Moisés nishqannöla Israel runakuna tsaykunata apapäkurqan Tinkuna Toldu patiuman. Tsaymi lapan runakuna Tayta Diospa nawpanman juntakarqan.

6Tsawraqa Moisés kayno nirqan: < nishqa. Nishqanta ruraptikiqa chipchipyaykarmi rikakämunqa>>.

7Nirkurna Aarónta Moisés kayno nirqan: < apaykur pishtay. Tsaykunaqa kanqa qampis y Israel runakunapis perdonashqa kanaykipaqmi. Tsaypitana Israel runakuna apamushqan kaq uywakunata altarman apaykur pishtay paykunapis jutsankunapita perdonashqa kananpaq. Tsayno ruranaykipaqmi Tayta Dios nishqa>>.

8Tsayno niptinmi purificatsina sacrificiupaq apamushqan turituta altarman apaykur Aarón pishtarqan.

9Tsaypitana pishtashqan uywapa yawarninta Aarónpa tsurinkuna apaparqan. Tsawraqa dëdunta yawarman jatirpur altarpa waqrankunata Aarón lushiparqan. Putsuq yawartanami altar chakinman talirqan.

10Nirkurna purificatsina sacrificiupaq pishtashqan uywapa rurunta, natincho kaykaq wiranta y wakin wiranta altarcho rupatsirqan. Moisésta Tayta Dios nishqannölami lapanta rurarqan.

11Aytsanta y qarantami itsanqa campamentupita juk läduman apaykur rupatsirqan.

12Nirkurnami rupatsina sacrificiupaq apamushqan uywata Aarón pishtarqan. Tsay uywapa yawarninta tsurinkuna makyaptinmi altarpa lädunkunata tsaqtsuparqan.

13Tsaypitana tsay uywapa umanta y cuartutsashqan aytsata apapaptin Aarónqa altarcho rupatsirqan.

14Pachanta y atakshunkunata maylarkur wakinta rupatsishqannöla altarcho rupatsirqan.

15Nirkurmi purificatsina sacrificiupaq Israel runakuna apamushqan chïvuta pishtarkur purificatsina sacrificiuta puntata rurashqannöla Israel runakunapaq rurarqan.

16Tsaypitana imaypis rurananpaq Tayta Dios nishqannöla rupatsina sacrificiuta rupatsirqan.

17Tutapa rupatsina sacrificiuta rupatsishqan jananchömi juk aptay tsaki mikuytapis rupatsirqan.

18Tsaypitanami Israel runakuna jawka kawakuy sacrificiupaqLev. 3.1-11. apamushqan töruta y carnitapis Aarón pishtarqan. Tsay uywakunapa yawarninta tsurinkuna makyaptinmi altarpa lädunkunata tsaqtsuparqan.

19Tsaynölami tsurinkuna makyarqan törupa y carnipa chupanta, pacha wiranta, rurunkunata y natincho kaykaq wiranta.

20Tsay wirankunatami pishtashqan uywakunapa pëchunkuna jananman churapäkurqan. Nirkurnami wirankunalata altarcho Aarón rupatsirqan.

21Pëchunkunata y alawqa kaq chankantanami Moisésta Tayta Dios nishqannöla joqarkur wakman kayman kuyutsirqan.

22Purificatsina sacrificiupaq, rupatsina sacrificiupaq y jawka kawakuy sacrificiupaq apamushqankunata altarman churarkurmi Israel runakuna jananpa makinta joqarkur Aarón bendicionta qorqan.Núm. 6.22-26. Altarpita urarpurnami

23Aarón y Moisés Tinkuna Tolduman yaykurqan. Tsaypita yarqarkamur Israel runakunata bendicionta qoptinmi Tayta Diospa chipchipyaynin rikakämurqan.

24Tayta Diospa nawpanpita nina shamurmi altarcho kaykaq aytsata y wirata ruparqan. Tsayta rikaykurmi lapan Israel runakuna kushikuypita qaparar Tayta Diosta adorashpan lätakuykurqan.