Jueces 20 - Quechua Margos-Yarowilca-Lauricocha Bible（qvm）

Guërrata rurananpaq Israel runakuna juntakashqan

1Tsawraqa lapan Israel runakuna Danpita Beersebayaq y Galaad partipitapis Mizpaman aywaykur Tayta Diospa nawpancho juntakarqan.

2Lapan trïbunkunapitami Israel runakunapa mandaqninkunapis kaykarqan. Chusku pachak waranqa (400,000) runakunami espädanwan tsaycho juntakarqan.

3Mizpaman Israel runakuna juntakashqanta musyarpis Benjamín trïbu runakunaqa manami aywapäkurqantsu. Mizpachömi Leví trïbu runata Israel runakuna tapurqan kayno nir: <<¿Imanöpataq concubïna warmikita wanutsipäkushqa?>>

4Tsaymi wanuq warmipa runan kayno nirqan: <

5Tsay tsakaymi tsaycho taq runakuna wanutsimayta yarpar patsakushqä wayiman juntakaykamurqan. Mana yarquptïmi concubïna warmilätana forsaypa wanutsipäkushqa.

6Tsayno pasaypa penqaypaq jutsata rurapäkushqanta musyapäkunaykipaqmi ayanta pedäzu pedäzu kutsurkur intëru Israel nacionpa apatsimushqä.

7Lapantsipis Israel runa kaykarqa kanan yarpachakärishun imata ruranantsipaqpis>>.

8Tsayno niptinmi lapan runakuna juk yarpayla kar kayno nipäkurqan: <

9Kananqa suertitana jitashun Gabaa markata mayqan trïbupis puntata atacananpaq.

10Tsaynöpis cada chunka runapita juk runata akrashun mikuyta shuntarkur apapämänantsipaq. Nirkur Gabaaman aywashun Israel nacioncho penqaypaq jutsata rurashqanpita tsay runakunata wanutsinantsipaq>>.

11Tsayno nishpanmi Israel runakuna lapanpis tsay yarpayla karqan Gabaa markata atacananpaq.

12Tsaymi Israel runakunaqa propiukunata kacharqan Benjamín trïbu runakuna tashqan partikunaman kayno ninanpaq: <<¿Imanirtaq tsayjinanpa jutsata qamkuna rurapäkushqanki?

13Jukla qarqamuy Gabaa markacho taq jutsasapa runakunata wanutsinäpaq. Tsaynöparaqmi Israelcho jutsa ruraqkunata elqätsipäkushaq>>.

Israel runakuna tsayno niptinpis Benjamín trïbu runakunaqa manami mayaq tukurqantsu.

14Tsaypa trukanqa Israel mayinkunawan guërrata rurapäkunanpaq markankunapita aywaykur Gabaa markaman juntakarqan.

15Guërraman aywananpaq juntakaq Benjamín trïbu runakunaqa karqan ishkay chunka soqta waranqami (26,000). Tsay karqan Gabaa markacho taq qanchis pachak (700) pelyayta yachaq runakunata mana yupaylapami.

16Tsaynöpis Benjamín trïbu runakunachöqa karqan qanchis pachak (700) runakunami itsuq kaq makinwan warakayta yachaq. Tsay runakunaqa juk aqtsalatapis kamaylami warakaykuq.

17Wakin trïbu Israel runakunanami guërracho pelyayta yachaqlantaq chusku pachak waranqa (400,000) juntakarqan.

Benjamín trïbu runakunawan Israel runakuna guërrata rurashqan

18Manaraq guërrata rurarmi Israel runakuna Bet-elman aywapäkurqan Tayta Diosta tapupäkunanpaq. Tsaychömi tapupäkurqan mayqan trïbu runakuna Benjamín trïbu runakunata puntata atacananpaq. Tsawraqa Tayta Dios nirqan Judá trïbu runakuna puntata atacananpaq.

19Tsaymi waraynin tutana Israel runakuna aywaykur Gabaa marka tsimpancho campamentunta sharkatsipäkurqan.

20Tsaypitami guërrata rurananpaq tsay marka tsimpanman churanakurqan.

21Tsayno kaykaptinpis Benjamín trïbu runakunaqa markapita yarqur Israel runakunata tsay junaq wanutsipäkurqan ishkay chunka ishkay waranqatami (22,000).

22Wanutsiptinpis waraynin junaq Israel runakunaqa valuratsinakurqan pelyashqan kaqman kutiykur Benjamín trïbu runakunawan yapay pelyapäkunanpaq.

23Manaraq pelyarqa Bet-elman yapay aywaykur Tayta Diospa nawpancho waqarqan patsa tsakashqanyaq. Tsaychömi Tayta Diosta tapukushpan kayno nirqan: <<¿Yapayku Benjamín trïbu Israel mayïkunawan pelyapäkushaq?>>

Tsayno tapukuptinmi Tayta Dios kayno nirqan: <>.

24Tsayno niptinmi Benjamín trïbu runakunawan pelyananpaq aywapäkurqan.

25Atacaptinmi Benjamín trïbu runakunaqa Gabaapita yarqamur chunka pusaq waranqa (18,000) Israel runakunata wanutsipäkurqan.

26Tsawraqa Israel runakuna Bet-elman kutiykur Tayta Diospa nawpancho lapanpis yapay waqapäkurqan. Patsa tsakashqanyaq ayunashpanmi rupatsina sacrificiukunata y jawka kawakuy sacrificiukunata Tayta Diospaq rupatsipäkurqan.

27Israel runakuna tsayno Bet-elman aywapäkurqan Tayta Diospa Pactu Babulnin tsaycho kaptinmi.

28Tsaynöpis Aarónpa wilkan y Eleazarpa tsurin Fineesmi Tayta Diosta sirvir tsaycho kaykarqan. Tsaymi Israel runakuna tapukurqan kayno nir: <>

Tsaymi Tayta Dios kayno nirqan: <>.

29Tsayno niptinmi Israel runakunaqa wakinkuna pakakärirqan Gabaa marka nawpankunapa.

30Wakinkunami atacananpaq puntata churanakushqannöla Gabaa tsimpanman yapay churanakärirqan. Tsayqa karqan pelyayta qalaykushqanpita kimsa junaq kaqchömi.

31Tsawraqa yapaymi Benjamín trïbu runakunaqa markapita yarqur Israel runakunata wanutsiyta qalaykurqan. Chakrakunapa y Gabaapita Bet-elman aywaq nänikunapa qatipar kimsa chunka (30) Israel runakunata wanutsirmi

32Benjamín trïbu runakuna yarpapäkurqan puntata vincishqannöla yapaypis vincishqanta. Israel runakunaqa karu niraqman qeshpiq tukurqan Benjamín trïbu runakuna qatipänanta munar.

33Baal-tamar partiman chayaykurnami Israel runakunaqa tikrapämur Benjamín trïbu runakunata atacamurqan. Tsaynölami Gabaa marka nawpankunacho pakarpaykaqkunapis yarqushpan markacho quëdaq runakunata atacarqan.

34Tsay atacaq runakunaqa chunka waranqa (10,000) ali chölu runakunami karqan. Tsay junaq pelyar fiyupa tsarapänakushpan Benjamín trïbu runakunaqa manami tantiyarqantsu vincikänanpaq kashqanta.

35Tsaynöpami Israel runakunata Tayta Dios yanaparqan Benjamín trïbu runakunata vincinanpaq. Tsay junaqmi wanutsipäkurqan ishkay chunka pitsqa waranqa juk pachak (25,100) Benjamín trïbu runakunata. Lapanpis tsay runakuna karqan espädata ali manijaqmi.

36Tsayno wanutsiptinmi Benjamín trïbu runakunaqa cuentata qokurqan pelyacho perdipäkushqanta.

Benjamín trïbu runakunata tsayno vincipäkunanpaqqa Israel runakuna paykunapita qeshpiq tukärirqanmi. Benjamín trïbu runakuna paykunata qatipaykaptinnami Gabaa marka nawpankunaman pakakuq runakuna

37markaman elaqpita yaykur espädawan lapanta tsaycho kaqtaqa wanutsipäkurqan.

38Manaraq atacarmi Israel runakuna wilanakurqan kayno nir: <>.

39Wilanakushqannölami wakin Israel runakuna qeshpiptin Benjamín trïbu runakuna qatiparqan. Qatipashpan kimsa chunkatano (30) Israel runakunata wanutsirmi Benjamín trïbu runakuna kushikur kayno nipäkurqan: <>.

40Tsayno nir qatirkaykashqancho tikraykur rikapäkurqan qoshtaypis ninapis bunyaypa bunyar markapita sharkuykaqta.

41Israel runakunapis tsayta rikaykur tikrapaptinmi Benjamín trïbu runakunaqa mantsakashpan ima ruraytapis mana kamäpakurqantsu.

42Tsaymi chunyaqman aywaq nänipa qeshpipäkurqan. Nänipa qeshpiykaqtami Israel runakuna markapita yarqur wanutsipäkurqan.

43Tsaymi Benjamín trïbu runakunata tsapa tsapaykur Menúhapita patsa Gabaa washa lädunyaq Israel runakuna wanutsipäkurqan.

44Tsaynöpami Benjamín trïbu runakunata wanutsipäkurqan chunka pusaq waranqa (18,000) pelyayta yachaq runakunata.

45Chunyaq jirkacho kaykaq Rimón qaqaman qeshpiykaq runakunatapis pitsqa waranqata (5,000) wanutsipäkurqan. Tsaynölami wakin runakunatapis hasta Gidomyaq qati qatiykur ishkay waranqa runakunata (2,000) wanutsipäkurqan.

46Tsay junaqmi Benjamín trïbu runakuna wanurqan ishkay chunka pitsqa waranqa (25,000) pelyayta yachaq runakuna.

47Soqta pachaklanami (600) Benjamín trïbu runakunaqa Rimón qaqaman qeshpiykur chusku killa tsaycho tarqan.

48Israel runakunanami Benjamín trïbu runakuna tashqan markakunaman aywar tsaycho kaykaq runakunatapis tarishqan kaqtaqa lapanta wanutsirqan. Tsaynölami uywankunatapis wanurkatsir markankunatapis kanarqan.