Proverbios 23 - Quechua Margos-Yarowilca-Lauricocha Bible（qvm）

6

1Mandaq runawan mikurqa imanir qaraykäshushqaykitapis shumaq tantiyakunki.

2Mayjina yarqanarpis awantakunki.

3Ali ali mikuyta rikarpis ama munapankitsu.

Capaz sakyashunayki kashqa mikuyta qaraykäshunki.

7

4Rïcu kanalaykipaqqa ama aläpa yarpachakuytsu.

5Shumaq tantiyakuptikiqa ima riquëzapis ushakaqlami kaykan.

Anka pärir aywakuqnömi riquëzaykipis ushakäkunqa.

8

6Micha runapa wayinman mikuq ama aywaytsu.

Ali alita yanukuptinpis ama munapaytsu.

7Payqa kachi tupuq karmi janan shonqula kayno nishunki: <>.

8Janan shonqula qayatsishushqaykita tantiyakur mishkila mikurkurpis penqakunkipaqmi.

Kuyatsikur alabashqaykipis manakaqlapaqmi kanqa.

9

9Mana tantiyakuq runataqa imatapis ama yätsiytsu.

Yätsishqaykitapis manakaqmanmi churanqa.

10

10Mujunninpaq unay jawishqan wankata ama wititsinkitsu.

Waktsakunapa chakranta ama qechunkitsu.

11Pasaptikiqa munayniyuq Tayta Diosmi paykunapa favornin sharkur castigashunki.

11

12Yachatsishushqaykita lapan shonquykiwan chaskikuy.

Yätsishushqaykitapis shumaq wiyakuy.

12

13Wamrata shumaq corrigiy.

Juk ishkay maki astashqaykiwanqa manami wanunqatsu.

14Tsaypa trukanqa wanuypitami salvankipaq.

13

15Yachaq runa rikakuptiki noqami mas kushikushaq, hïju.

16Ali kaqkunalata parlashqaykita mayar pasaypami kushikushaq.

14

17Jutsa ruraq runakuna imaykayuqpis rikakuptin ama chikipankitsu.

Tsaypa trukanqa waktsala karpis Tayta Diosta mantsakunki.

18Tsaynöpami imaypis ali kawankipaq.

Lapan munashqaykitami tarinkipaq.

15

19Yätsishqäta shumaq mayamay, hïju.

Tantiyakuykur imatapis shumaq ruray.

20Upyaq runawan y aläpa mikuq runawanqa ama juntakaytsu.

21Upyalaman churakashqa runaqa y aläpa mikuq runaqa pasaypami waktsayan.

Tsaynölami qela runapis röpanta oqran.

16

22Taytayki yätsishushqaykita shumaq chaskikunki.

Mamayki chakwanyaptinpis manakaqman ama churankitsu.

23Rasunpa tantiyakuq kanaykipaq imaykanöpapis yachakuy.

Tantiyakuq kashqaykitaqa imaypis ama qonqaytsu.

24Tsurin ali kaptinqa papänin kushishqami kawan.

Shumaq yachaptinqa waräwami purin.

25¡Mamayki y taytayki kushikärinanpaq ali kaway!

<> nir kushikäritsun.

17

26Lapan shonquykiwan cäsukamay, hïju.

Imano kawashqätapis rikakamay.

27 Wayrapakuq warmiqa patsapa shiminno mantsariypaqmi kaykan.

28Tsay niraq warmiqa uywakunata shuyaraq leonnömi runakunata jutsaman tunitsinanpaq shuyaraykan.

18

29¿Pïkunataq aläpa nakapäkun?

¿Pïkunataq aläpa lakikärin?

¿Pïkunataq pasaypa rimanakur y jaqayätsinakur kawapäkun?

¿Pïkunataq manakaqlapita pelyapäkun y nawinkunapis qoyuylana puripäkun?

30Paykunaqa karkaykan upyalaman churakashqa runakunami.

Shinkatsikuqkunata talu talurkur upyarmi imaypis tsayno puripäkun.

31Väsucho vïnu pukaypa pukaykar munapaypaq kaptinpis ama upyankitsu.

Mishkila ultaptikipis

32culebrapa venënunnömi nanätsishunkipaq.

33Shinkakurkurqa tsakäpakushqanömi rikapakur purinkipaq.

Tsaynöpis manakaqkunata rimarmi purinkipaq.

34Umaykipis pasaypami jirurunqapaq.

Büqui chawpincho ichiraykaq qeru puntanman witsaptiki umayki jiruruqnömi kankipaq.

35Tsaymi kayno ninkipaq:

<

Astamaptinpis manami nanätsikushqätsu.

Rikcharkamurqa uma jampiqraqmi aywashaq>>.