Lamentaciones 3 - Quechua Margos-Yarowilca-Lauricocha Bible（qvm）

Kimsa kaq poesíaÁlef

1Tayta Dios rabyakushpan castigamaptinmi fiyupa nakashqä.

2Atski kashqanpa pushamänanpa trukan yanawyaykaq tsakaypami pushamashqa.

3Yaparir yaparirmi noqataqa castigaykäman.Bet

4Qaräpis aytsäpis pasaypanami shikrayaykan.

Tulükunatapis lapantanami pakir ushaykan.

5Mayman chayaptïpis lakikuylami y nakaylami kaykan.

6Unayna wanushqatano y tsakäpakushqatanömi kachaykamashqa.Guímel

7Maypapis mana qeshpinäpaqmi wichqaykamashqa.

Raku cadinakunawanmi wataykamashqa.

8Yanapamänanpaq ruwakuptïpis manami mayamantsu.

9Nänita tsapaqnömi imata rurayta munaptïpis tsapäman.

Nänita juk lädupa jitariqnömi mana ali kawayman churaman.

Dálet

10Imatapis tsarinanpaq shuyaraykaq ösunömi shuyaraykäman.

Pakaraykaq leonnömi atacamänanpaq kaykan.

11Ali nänipa aywaykaqtami pantakätsimashqa.

Puyuypa puyur ushamaqnömi mantsakashqata kachaykamashqa.

12Flëchakunanwanmi apuntaykamar flëchamashqa.

He

13Flëchanmi shonqüyaq jatikashqa.

14Marka mayïkunapis pasaypami asipäman.

Asikunalanpaqmi jutïtapis joqarkärin.

15Fiyupa lakikuylamanmi Tayta Dios churamashqa.

Asqaq ilawrutami uputsimashqapis.Vav

16Rumiwan takarmi kirütapis jorqushqa.

Uchpaman lätakaqpaqmi saqtaramashqa.

17Noqaqa imaypis lakishqalami kawaykä.

Manami kushikuytapis tarïnatsu.

18Pasaypa lakikuptïmi Tayta Diosman yärakushqäpis ushakaqnöna kaykan.

Zayin

19Tayta Dios, lakikushqäta y fiyupa nakashqäta rikar kuyapaykalämay.

Pasaypa asqaq jachata y venënuta upushqanömi kaykä.

20Kayjinanpa nakar yarpachakuptï shonqüpis pasaypami lakikun.

21Tsayno kaptinpis kuyapäkuq kashqaykita tantiyakur qammanmi yärakamü.

Jet

22 Tayta Diosqa imaypis kuyamantsimi.

Kuyapäkuq kashqanqa manami ushakantsu.

23Waran waranmi mana ajayaypa kuyamantsi.

Promitimashqantsitaqa imaypis cumplinmi.

24Tsaymi shonqulächo kayno nï:

< herenciä kaykan.

Paymanmi imaypis yärakushaq>>.Tet

25Lapan shonquntsiwan yärakur ruwakuptintsiqa Tayta Dios yanapamantsimi.

26Tsayno kaptinqa Tayta Dios salvamänantsipaq mana ajayaypa shuyaräshun.

27Mözu kashqantsipita patsa Tayta Dios corrigimashqantsita chaskikushun.

Yod

28Tayta Dios castigamaptintsiqa upälala chaskikushun.

Runakunapita witikur payta manakushun.

29Makintsita choqpakurkur qonqurpakuptintsiqa capazchari kuyapämäshunpis.

30Maqamaptintsipis qaqlantsita kamapäshun.

Imata qayapämaptintsipis upälakushun.Caf

31Tayta Diosqa kacharimashpantsipis yapaymi kuyapämäshun.

32Castigamashpantsipis kuyapäkuq karmi yanapamäshun.

33Shonqun nanaykaptinmi payqa nakatsimantsipis y lakikatsimantsipis.

Lámed

34Tayta Diosqa rikaykanmi prësukunata nakatsishqanta.

35Tsaynöpis rikaykanmi pï runata makitsakushqanta.

36Musyaykanmi demanducho jutsayuqpa favornin sharkushqanta.

Tsayno ruraqkunataqa juzganqami.

Mem

37Tayta Dios mana kamakätsiptinqa imapis manami pasanmantsu.

38Jawka kawaypis y nakaypis poderniyuq Tayta Dios niptinraqmi kaykan.

39Jutsata rurashqantsipita castigamaptintsipis kawaykarraqqa ¿imanirraq jaqayashwan?

Nun

40Imano kawashqantsitapis shumaq yarpachakur jutsa rurayta kacharishun.

Tayta Diosta ashir pay munashqannöna kawashun.

41Makintsita joqarir jana patsacho kaykaq Tayta Diosta lapan shonquntsiwan kayno nir manakushun:

42<

Tsaymi mana perdonamashqankitsu>>.Sámej

43Fiyupa rabyakushpaykimi mana kuyapaypa qati qatiykur wanutsipäkamashqanki.

44Ruwakamushqäta mana mayanaykipaqmi pukutay rurinman pakakushqanki.

45Lapan runakunapa nawpanmanmi qanratano jitarimashqanki.

Pe

46Chikimaqnïkunapis tukuytami qayapäman.

47Ashipa ashiykur marka mayïkunata wanutsiptin y imaykäkunatapis ushakätsiptinmi mantsakashqa kawapäkü.

48Kuyashqä markata tsayno ushakätsiptinmi weqïpis mayunöraq aywan.Ayin

49Mana chawaypami waqaykä.

Kushikuytapis manami tarïnatsu

50jana patsacho kaykaq Tayta Dios mana yanapamaptinqa.

51Jerusalén markächo jipashkuna nakapäkushqanta rikaptïmi shonqüpis pasaypa nanan.

Tsade

52Achäquita mana ashipaykaptïmi chikimaqnïkuna qatikachämashqa.

Pishquta tsariqnömi prësu tsariyta munamashqa.

53Kawaykaqtami pözuman jitarpamashqa.

Nirkurmi jatun läja rumiwan tsapashqa.

54Yaku ultakarkamaptinmi yarparqä wanunäpaqna kashqanta.Qof

55 Tayta Dios, pözucho winarashpämi jutikita joqarir qamta manakushqä.

56Manakamushqäta mayamashqankimi.

Ruwakamushqäta imaypis mayamankimi.

57Qayakamuptï shamurmi kayno nimashqanki: <>.

Resh

58Tayta Dios, qammi ima desgraciapitapis tsapämashqanki.

Wanuypitapis qammi salvamashqanki.

59Rikaykankimi imano nakatsimashqantapis.

¡Nakatsimaqkunata castigaykulay!

60Venganzata ashishqanta y conträ imano sharkushqanta rikashqankimi.

Sin/Shin

61 Tayta Dios, mayashqankimi conträkuna imano ashlimashqanta y atacapäkamänanpaq wilanakushqantapis.

62Wasäta rimaykälarmi conträkunaqa qoyarkunpis.

63Imachöpis asikunalanpaqmi jutïta joqarkärin.

Lapan nishqantapis shumaq mayaykulay.

Tav

64 Tayta Dios, paykunataqa jutsata rurashqanman tupu castigaykulay.

65Mana tantiyakunanpaq upatakätsishpayki maldicionaykulay.

66 Tayta Dios, rabyakushpayki kay patsapita paykunata elqaykatsilay.