Job 4 - Quechua Margos-Yarowilca-Lauricocha Bible（qvm）

Elifaz nishqan

1Tsaypitanami Temán partipita shamuq Elifaz Jobta kayno nirqan:

2<

Rabyakuptikipis manami upälakümantsu.

3Qamqa atska runakunatami shumaq yachatsishqanki.

Lakishqa kaykaq runatapis shakyätsishqankimi.

4Lutan ruraq runatapis alita rurananpaqmi tantiyatsishqanki.

Mantsariq runatapis mana mantsakunanpaqmi valuratsishqanki.

5Tsayno kaykarpis kikikita desgracia pasashuptikiqa juklami desanimädu rikakunki.

Kikiki nakarqa pasaypa turwatanki.

6Tayta Diosta mantsakuq runa kaykarqa ¿manaku payman yärakunkiman?

7<<¡Shumaq tantiyakuy!

Jutsaynaq runaqa manami nakantsu.

Ali kawaq runataqa manami desgracia pasantsu.

8Fiyu runami itsanqa imaypis nakan.

Tsaytaqa kikïmi rikashqä.

9Fiyu runataqa Tayta Diosmi castigan.

Rabyashpan lapantami ushakätsin.

10<

11Munayniynaq rikakurmi yarqanaypita león wanushqanno paykunapis wanun.

Maman wanuptin león malwakuna maytsaypapis aywakushqannömi fiyu runapaqa tsurinkunapis aywakärin.

12<

13Punukashqa kaykarmi sueñuynïcho wilapämashqanta mayashqä.

14Fiyupa mantsakur siksikyaptïmi tulükunapis kawtsukayparaq siksikyashqa.

15Wayra walwalyämuqta mayaptïmi aqtsäpis kashalikurkushqa.

16Nawpächo jupay kaykaqta mayarmi lantuytanöla rikashqä.

Imapis mana kashqan hörami yachaylapa kayno parlaqta mayashqä:

17

Kamamaqnintsipaq ¿alilata ruraq runa kantsuraq?

18 Angilninkunamanpis manami yärakuntsu.

Angilkunapis lutanta ruraykaptinqa

19masraqchari runaqa lutanta ruran.

Runaqa alpalapita kamashqa karmi puyuno lapiriylapaq kaykan.

20Elaqpita wanurmi imaypis mana kutimuq aywakun.

Wanuptinqa jutintapis qonqapäkunmi.

21Kay patsacho ushakaqla karmi Dios munashqanno kawanantsipaq shumaq manaraq yachakur wanukuntsi>.