1Fiyupa rabyakushpanmi Siónta Tayta Dios castigashqa.
Jana patsachöno kuyaylapaq kaptinpis chipyaqmi ushakätsishqa.
Rabyarmi tänan templutapis mana kuyapaypa elqätsishqa.
Bet2Tayta Dios pasaypa rabyashpanmi Jacobpita miraq runakunapa wayinkunatapis ushakätsishqa.
Lapantami juchutsir ushashqa.
Judá nacioncho lapan murallashqa markakunatapis chipyaqmi juchutsishqa.
Tsaynöpami mandaqkunata y mandäshiqkunatapis penqayman churashqa.
Guímel3Chikimaqnintsi atacamaptintsipis Tayta Dios fiyupa rabyashpanmi soldäduntsikunata mana yanapashqatsu.
Tsaynöpami lapan soldäduntsikunatapis elqätsishqa.
Nina rupar chipyaq ushaqnömi Israel runakunata ushakätsishqa.
Dálet4Contrantsinömi Tayta Dios flëchakunanta shumaq tsutarkur flëchamashqantsi.
Lapan kuyaylapaq kaqkunatapis chikimaqnintsinömi chipyaq ushakätsishqa.
Rabyaynin ninano kaptinmi pasaypa ushakätsimashqantsi.
He5Chikimaqnintsinömi Israel nacionnintsita Tayta Diosqa ushakätsishqa.
Palaciuntsikunatapis lapantami juchutsishqa.
Amparakunantsi murallashqa markantsikunatapis lapantami ushakätsishqa.
Kuyaylapaq Judácho taq runakunatapis fiyupa lakikuymanmi churashqa.
Vav6Tsuklata ushakätsiqnömi templuntapis Tayta Dios ushakätsishqa.
Ushakätsiptinmi pipis mana kannatsu Sióncho fiestakunata rurananpaq ni jamay junaqkunacho jamananpaqpis.
Fiyupa rabyar castigaptinmi reypis y cürakunapis ushakashqa.
Zayin7 Altarninta y templuntapis Tayta Dios manami rikaytapis munannatsu.
Marka murällakunatapis contrantsipa makinmanmi kachaykushqa juchutsinanpaq.
Tsaymi Tayta Diospa templunman yaykur fiestata ruraqnöraq taluypa talur qaparashqa.Jet
8Kikin Tayta Diosmi kamakätsishqa Siónpa murällankunata juchutsipäkunanpaq.
Juchutsinanpaq wilanakushqannölami chipyaq ushakätsishqa.
Kananqa Jerusalénpa murällankunapis jiruruypami juchutsishqa kaptinmi rumikunalana qoturpaykan.
Tet9Markaman yaykuna punkunkunapis manami kannatsu.
Trancankunapis pakir ushashqami jitarpaykan.
Mandamaqnintsi reytapis y autoridänintsikunatapis juk lädu nacionkunamanmi prësu apakärishqa.
Tayta Diospa leyninkunata yachatsiq runakunapis manami kannatsu.
Profëtankunatapis Tayta Dios manami revelannatsu.Yod
10Sióncho mayor runakunapis upälalami pampacho jamarpaykan.
Pasaypa lakikurmi lütu röpata jatikurkur umanman alpata winakurkaykan.
Jerusaléncho taq jipashkunapis pasaypa lakikushpanmi urkunta pampaman töpatsirraq lätarpaykan.
Caf11Waqaylawanmi nawïpis tsakaykanna.
Qasqüpis fiyupami nanaykan.
Marka mayïkuna nakarkaykaqta rikarmi shonqüpis nanayparaq lakikun.
Chuchuykaq wamrakuna cällicho yarqaypita wanurkaykaqta rikarmi pasaypa lakikü.Lámed
12Tsay wamrakunami mamanta manakärin imalatapis qarananpaq.
Imapis mana kaptinmi mamanpa melqaynincho wanurkaykan.
Guërracho pelyaq runakunanömi Jerusalén cällikunacho wanurkaykan.
Mem13 Sión, pasaypa nakaykaptikiqa ¿imataraq nïman?
Kayjinanpa nakaykashqaykita ¿imamanraq tinkutsïman?
¿Imaman tinkutsiypa parlaparraq qamta shoqäman?
Juchu aywashqannöraqmi desgracia pasashushqanki.
Tsayno kaykaqta rikarpis manami pipis yanapashunkitsu.
Nun14<
Rasunpa profëta karqa jutsa rurashqaykita kacharinaykipaqmi wilashunkiman karqan.
Jutsa rurashqaykita kachariptikiqa manami juk nacionman prësu apashunkimantsu karqan.
Rasun kaqta wilashunaykipa trukan manakaqkunatami criyitsishushqanki.Sámej
15Nänipa pasaqkunapis kushipäshushpaykimi makinta paqchipäshunki.
Manakaqman churashushpaykimi shukar umanta awirraq kayno nishunki:
<<¡Atatalay! ¿Taqaychi wakin markapitapis mas kuyaylapaq karqan?
¿Taqay markapitachi maytsaychöpis runakuna kushikärirqan?>>
Pe16Lapan chikishuqnikikunami wasaykita rimapäkun.
Kirunta uchurraqmi rabyapäshushpayki kayno nipäkun:
< Tsayno ushakätsiytami munarqantsi. Kananqa munashqantsinömi rurashqantsi>>. 17Yarpashqannölami Tayta Dios castigamashqantsi. Lapan nishqankunatami cumplishqa. Nawpapita patsa yarpashqannölami Jerusalénta mana kuyapaypa ushakätsishqa. Chikimaqnintsikuna kushipämänantsipaq y makincho tsararämänantsipaqmi kamakätsishqa.Tsade 18 Sión, yanapashunaykipaq Tayta Diosta ruwakuy. Tsakaypapis junaqpapis weqiki yakunöraq aywatsun. Mana chawaypa nawikipis pukayashqanyaq waqay. 19Tsakaykunapapis makikita choqpakurkur Tayta Diosta ruwakuy. Lakikuykashqaykitapis lapan shonquykiwan waqapar wilapay. Yarqaypita wamraykikuna cällikunacho mana wanunanpaq makikita joqarkur ruwakuy. 20 Tayta Dios, ima pasarkaykämashqantapis tantiyaykulay. ¿Alitsuraq kaykan kuyar ashmashqan wawankunata warmikuna mikushqan? ¿Alitsuraq kaykan cürakunata y profëtakunata templucho wanutsipäkushqan?Sin/Shin 21Wamrakunapis awkinkunapis cällikunachömi wanushqa jitarpaykan. Mözukunata y jipashkunatapis espädawanmi wanutsishqanki. Pasaypa rabyashpaykimi mana kuyapaypa wanutsishqanki. 22Tukuy niraq nakaykuna kananpaqmi kamakätsishqanki. Fiestaman runakuna maytsaypitapis shamuqnöraqmi nakaykuna chayamushqa. Rabyakur castigaptiki manami juklaylapis kawaykar quëdashqatsu. Wamra kashqanpita ashmashqäkunatapis conträkunami chipyaq wanutsipäkushqa.
Who We AreWhat We EelieveWhat We Do
2025 by iamachristian.org,Inc All rights reserved.
