1Tsayno nir manakäriptinmi Tayta Dios kayno ninqa: < 2Sirvimänaykipaq lapan shonquykiwan promitimaptikiqa maytsay nacionkunapaqmi bendición kapäkunkipaq. Tsaynöpami maytsaychöpis runakuna noqata alabapäkamanqa>>. 3Jerusalén runakunata y Judá runakunatami Tayta Dios kayno nin: < 4 Pactu rurashqantsita cumplinaykipaq shonquykita señalakäriy. Tsayno mana ruraptikiqa fiyupami rabyakushaq. Rabyakuptïqa manami imanöpapis pasatsiyta kamäpakunkipaqtsu>>. 5< <¡Atacashunaykipaq shamuptin cornëtata tukapäkuy! ¡Corralashqa markaykikunaman jukla amparakunaykipaq qayakäriy! 6Noqaqa norti lädupitami soldädukunata kachamushaq atacashunaykipaq. ¡Runakuna Siónman qeshpir amparakärinanpaq bandërata ichitsipäkuy! ¡Jukla qeshpipäkuy! 7<< Mikanashqa león muntipita yarqamuqnömi yarqaykämun. Wanutsishuptikimi markaykikunapis raqälana rikakunqa. 8Tsayno pasashunaykipaq kaykaptinqa lakikushpayki qachqa röpakunata jatikäriy. Pasaypa waqashpayki qaparpay. Fiyupa rabyashqätaqa manami imanöpapis pasatsinkipaqtsu> >>. 9 Tayta Diosmi kayno nin: < Tsaynölami cürakunapis y lula profëtakunapis fiyupa mantsakur ukakashqa rikakunqapaq>>. 10Tayta Dios tsayno nimaptinmi kayno nirqä: <<¡Ay Tayta Dios! ¿Imanirtaq Jerusalén runakunata lulapashqanki? ¿Imanirtaq profëtakunata kacharqayki Jerusalén runakunata imapis mana pasananpaq kashqanta wilakärinanpaq? Tsayno wilakäriptinpis kananqa kunkanman cuchillun churashqanömi karkaykan>>. 11Tayta Dios kaynömi nimarqan: < 12sinöqa pasaypa löcu wayrami kanqa. Tsay wayrataqa kikïmi wayrätsimushaq. Tsaywanmi Jerusalén runakunata fiyupa castigashaqpaq>>. 13Tsayta rikarmi Jerusalén runakuna kayno nipäkunqa: <<¡Chikimaqnintsikunaqa yanawyaykaq pukutaynöraqmi aywarkaykämun! ¡Guërra carrëtankunapis löcu wayranöraqmi aywaykämun! ¡Cawallunkunapis anka aywashqanpitapis masmi cörriykämun! ¡Kananchi kananlaqa! ¡Manami imanöpa qeshpiytapis kamäpakushuntsu!>> 14Jerusalén runakuna, salvakärinaykipaq jutsa rurashqaykita kacharir shonquykita maylapäkuy. ¡Imayyaqraq jutsa ruraylapaq yarpachakurkaykanki! 15Dan markapita patsa y Efraín jalqakunapita patsami desgracia chayamunanpaq kaqta wilakarkaykämun. 16Tsayno kaptinqa Jerusaléncho taqkunata y cercan nacioncho taqkunatapis wilapäkuy karu nacionpita contrankuna aywaykämushqanta. Tsay contrankunaqa Judá nacionman yaykur atacananpaqmi qapararraq aywarkaykämun. 17Jerusalénman chayaykurmi tumariq corralapäkunqa. Chakrata shumaq tsaparaq qenchanömi tsaparpanqa. Akrashqä runakunata tsayno pasanqa conträ rikakärishqanpitami. Noqa Tayta Diosmi tsayno nï. 18Judá runakuna, mana cäsukuypa lutanta rurapäkushqaykipitami tsayno pasashunkipaq. Tsayno pasashuptiki fiyupa lakikur shonquykikunapis nananqaraqmi. 19¡Ay shonqulaw shonqu! ¡Lakikuptï shonqü tsapakayparaqmi nanan! ¡Manami upälakuytapis kamäpakütsu! Pelyapaq cornëta waqamuqtami mayashqä. Soldädukuna qaparar shamurkaykaqtami mayashqä. 20Yaparir yaparir desgracia pasaptinmi intëru nacionnintsi ushakaykan. Patsakunantsipaq tolduntsikunatapis wayintsikunatapis elaqpitami ushakätsishqa. 21Guërracho cornëta waqamuqta ¡imayyaqraq mayaykäshaq! Atacamaqnintsi soldädukuna bandëran aptashqa aywaykämuqta ¡imayyaqraq rikaykäshaq! 22 Tayta Diosmi kayno nin: < Paykunaqa upa y toqshun tsakishqa wamranömi karkaykan. Ali ruraytaqa manami yachantsu. Mana alita rurananpaqmi itsanqa juiciunpis kan>>. 23Pasaypa ushakashqa kaykaqta y chunyaraykaqtami kay nacionta revelacioncho rikashqä. Jana patsachöpis manami ima atsikyaypis kashqatsu. 24Jirkakunatapis siksikyaykaqtami rikashqä. Jirkankunapis sinigano marmaryaykaqtami rikashqä. 25Rikachakur manami pï runatapis rikashqätsu. Pishqukunapis lapanmi aywakärishqa. 26Tsaynölami rikashqä ali wayuq chakracho polvulana sharkuykaqta. Lapan markakunatapis chunyaraykaqtami rikashqä. Tayta Dios pasaypa rabyakurmi lapantapis tsayno ushakätsishqa. 27 Tayta Diosmi kayno nin: < 28Ushakätsinäpaq nishqätaqa cumplishaqmi. Ushakätsiptïqa kay patsapis fiyupami lakikunqa. Jana patsapis pasaypami tsakakäkunqa. 29< Flëchan aptashqa aywaykämuqta rikar lapanmi markapita qeshpir aywakärinqa. Muntikuna rurinmanmi pakakärinqa. Qaqa chawpinkunamanmi qeshpir witsäpäkunqa. Lapan markakuna ushakashqa kaptinmi mana pipis tsaycho tanqanatsu. 30< ¿Imapaqnataq qori alhäjatapis churakunki? ¿Imapaqnataq nawikitapis pintakunki? Kuyaylapaq kashqaykipis manakaqlapaqmi kaykan. Kuyashqayki runakunaqa4.30b Kuyashqan runakunaqa Egipto runakunami karqan. Paykunawanmi Jerusalén runakuna pactuta rurarqan guërra kaptin soldädunkuna shamur pelyäshinanpaq. Tsaypita masta musyanaykipaq liyinki Jer. 2.36-37. lapanmi melanäshunki. Paykunaqa wanunaykitami munarkaykan. 31< Siónmi tsayno qaparaykan. Makilan choqpashqa qapararmi kayno nin: <¡Kaychi kaylaqa! ¡Kananlapaqnachari karqä! ¡Wanutsikuqkunami wanutsimanqa!> >>
Who We AreWhat We EelieveWhat We Do
2025 by iamachristian.org,Inc All rights reserved.
