Job 21 - Quechua Margos-Yarowilca-Lauricocha Bible（qvm）

Job nishqan

1Tsayno niptinmi Job kayno nirqan:

2<

3Parlamuptï shumaq mayamänaykipaq pacienciayki kaykulätsun.

Asipämayta munarqa parlayta ushariptïraq asikärinki.

4<

Imanir nakaykashqäta mana tantiyatsimaptinmi pacienciäpis ushakashqa.

5Parlapashqäta mayamashpaykimi pasaypa mantsakar shimiki tsapashqa mayarpankipaq.

6Kikïpis tantiyayta mana kamäpakur pasaypami mantsakä.

Cuerpüpis fiyupami shiririn.

7<<¿Imanirraq fiyu runakunaqa wakinpita mas rïcuyan?

¿Imanirraq awkinyashqanyaq paykunaqa kawapäkun?

8Tsurinkunata y wilkankunata rikashqanyaqmi kawapäkun.

9Tsay runakunataqa Tayta Diospis manami castigantsu.

Wayinkunachöpis mana mantsakuypami jawkala täkärin.

10Törunkunapapis atskami tsurinkuna kan.

Wäkankunapis mana shuluylapami mirapäkun.

11Tsurinkunapis uysha malwanöraqmi pañapäkun.

12Tamburkunata, arpakunata y pinkullukunata tukarmi pasaypa kushikushpan qatswapäkun.

13Tsay runakunaqa wanushqanyaqmi rïcu karkaykan.

Mana nakaylapami wanupäkunpis.

14<

Munashqaykinöqa manami kawayta munätsu>.

15Tsaynöpis kaynömi nipäkun:

<¿Pitaq Tayta Diosqa payta sirvinantsipaqqa?

¿Imatataq jorquntsi payta manakur?>

16Tsayno niptinpis rïcu kashqanqa manami kikilankunapitatsu kaykan, sinöqa Tayta Diospitami.

¡Paykuna yarpashqannöqa manami ichiklatapis yarpayta munätsu!

17<

Manami imaypis paykunataqa desgracia pasantsu.

Tayta Dios manami imaypis rabyar paykunataqa castigantsu.

18Manami shukukuy wayra oqshata apaqno paykunataqa elqätsintsu.

19<

Noqaqa kaynömi nï: Tsurinkunata castigananpa trukanqa kikin jutsa ruraqkunata castigatsun.

Tsaynöpami jutsa rurayta kacharinanpaq kikinkuna tantiyakärinqa.

20Kikinkunata desgracia pasatsun.

Lapanpaq munayniyuq Tayta Dios castigaptin nakapäkutsun.

21Wanushqana kaykarqa tsurinkunata castigaptinpis manami lakikärinqatsu.

22Tsayno yarpaptïpis ¿pitaq kantsi Tayta Diosta yätsinantsipaq?

Payqa jana patsacho kaykaqkunatapis juzganmi.

23<

Kalpalancho kaykälarraqmi ushakan.

24Paykunaqa wanushqanyaqpis manami qeshyantsu.

Weray weraymi kawapäkun.

25Wakin runakunanami itsanqa lakishqa kawaykashqancho wanun.

Paykunaqa kushishqa kawana kashqantapis manami musyantsu.

26Imano kawarpis lapantsimi ushakäshun.

Lapantsitami kuru mikamäshun.

27<

Maliciaykämi lutanta rimashqäta nipäkamänaykipaq kashqanta.

28Shonquykichöpis kaynömi yarparkaykanki:

Job nishqanno kaptinqa ¿imanirtaq fiyu runakuna rïcu karpis ushakan?

¿Imanirtaq paykunapa wayincho taqkunapis desgracia pasaptin ushakan?>

29<

Paykunaqa maytsaypapis aywarmi musyan imano kashqantapis.

30Tsaymi kayno nipäkun:

Fiyu runaqa Tayta Diospa castïgunpitapis qeshpinmi.

31Tsay runataqa jutsata rurashqanta pipis manami nintsu.

Jutsata ruraptinpis manami pipis castigantsu.

32Wanuptinqa shumaqmi pampapäkun.

Nirkurqa pampashqanchöpis täpapäkunraqmi.

33Pampaq apaptinpis runakuna tsaytsikami qatirpan.

Pamparashqanpis kuyaylapaqmi kaykan>.

34<

Lapan nimashqaykipis manakaqlapaqmi kaykan>>.