Isaías 43 - Quechua Margos-Yarowilca-Lauricocha Bible（qvm）

Tayta Diosla salvakuq kashqan

1Jacobpita miraq Israel runakuna, kamashuqniki Tayta Dios kaynömi nin:

<

Kikïpa kaptikimi jutikikunapa qayar qamkunata salvashqä.

2Hondu mayukunata tsimpaptikipis qamkunawanmi kaykäshaq.

Mayjina cargashqa karpis manami apashunkipaqtsu.

Nina chawpinpa pasaptikipis manami rupashunkipaqtsu.

Manami qashpaylapis qashpashunkipaqtsu.

3<.

Israel runakunapa santu Diosninmi kä.

Qamkunata salvamurmi Egipto runakunata castigarqä.

Tsaynöpis Etiopía y Seba nación runakunatami qamkunapa trukayki nakananpaq churarqä.

4Qamkunata pasaypami kuyä.

Imaykapitapis masmi välipäkunki.

Tsaymi qamkunapa trukayki wanunanpaq juk nación runakunata churarqä.

5<

Inti jeqamunan kaq lädupitami kutitsimushayki.

Inti jeqanan kaq lädupitapis shuntamushaykimi.

6Nortitapis y surtapis kaynömi nishaq:

<¡Wamräkunata ama tsararäkuytsu!

¡Mayjina karucho tsarararpis olqutapis warmitapis kutitsimuy!

7¡Noqata adoramaqkunata lapanta kutitsimuy!

Munashqäno kawar alabamänanpaqmi paykunata kamashqä.

Kikïmi paykunata kamashqä>.

8<

9Maytsay nacionkunacho y markakunacho taq runakuna, lapayki shapäkamuy.

Mä nipäkamay: Adorashqayki mayqan ïdulupis ima pasananpaq kashqanta ¿wilakushqatsuraq?

Wilakushqa kaptinqa testïgukuna mä nipäkutsun.

Tsay ïdulukuna wilakushqanta mä pilapis rimakutsun>>.

10Kuyashqan runakunata Tayta Dios kaynömi nin:

<

Akrashqä sirvimaqnïkunami karkaykanki.

Qamkunata akrashqä reqimänaykipaq, yärakamänaykipaq y japalä Dios kashqäta musyapäkunaykipaqmi.

Imaypitapis noqalami Dios kä.

Noqapita mas juk Diosqa manami kantsu.

11< kä.

Noqapita mas manami pipis salvakuq kantsu.

12Salvanäpaq kashqanta wilakatsir salvashqämi.

Juk nacionkunapa diosnin manami imaypis salvashushqankitsu.

Japalä Dios kashqätami testïgu karkaykanki.

13<

Makïpita manami pipis qeshpintsu.

Imata ruraptïpis manami pipis tsapata churapämantsu>>.

14Salvashuqniki kar Israel runakunapa santu Tayta Diosninmi kayno nishunki:

<

Tsay soldädukuna atacaptinmi Babilonia runakunaqa yärakushqan büquinkunaman witsarkur aywakärinqa.

15Noqaqa santu Tayta Diosnikimi kaykä.

Israel nacionta kamashqa karmi mandaqniki rey kaykä.

16< kaykä.

Lamar chawpinpami nänita rurarqä.

Pulchaqyaykaq yaku chawpinpami cällitano rurarqä.

17Nirkurmi atska carrëtankunawan y cawallunkunawan Israel runakunata qatipämuq soldädukunata ushakätsirqä.

Ushakätsiptï manami imaypis kawarimushqatsu.

Atski upiqnömi lapanpis elqashqa.

18<

19Noqaqa mushuqtanami rurashaq.

Manaraqpis aykälatami salvashaq.

¡Tantiyakäriy! ¡Qalaykushqänami!

Salvarmi nacionninman chunyaq tsaki jirka nänipa kutitsimushaq.

Imapis mana kashqan tsaki jirkachömi mayukunata yuritsishaq.

20<

Chacalkunapis y avestruzkunapis kushishqami alabapäkamanqa.

Akrashqä runakuna upunanpaqmi tsaki jirkacho mayukunata yuritsishaq.

21Tsay runakunata kikïpaqmi rurarqä.

Alabamänanpaqmi paykunata kamarqä.

22<

Mana cäsumashpaykimi kachariykamashqanki.

23Manami tsaki mikuy ofrendata apamunaykipaq obligashqätsu.

Inciensuwan qoshtatsinaykipaq manakurpis manami ajayätsishqätsu.

Sacrificiupaq uywakunata apamurpis manami shonqüpaqnötsu apapäkamushqanki.

24Manami ali asyaq yöratapis rantipämashqankitsu ni uywakunapa wirantapis rupatsipämashqankitsu.

Tsaypa trukanqa jutsata rurashpaykimi pasaypa ajayätsimashqanki.

Mana alikunata rurashpaykimi fiyupa rabyanätsimashqanki.

25<

Perdonarkurqa manami imaypis yarpäshaqnatsu.

26Imalapitapis noqapita jaqayashqa karqa mä nimay.

Jutsaynaq kashqaykita yarparqa mä nimay.

27Unay ayluyki Jacobpis jutsata rurashqami.

Yachatsishuqnikikunapis manami cäsukamashqatsu.

28Tsaymi cüraykikunatapis templüpita qarqushqä.

Qamkunata castigaptïmi pïmaypis manakaqman churaykäshunki>>.