Efesios 3 - Quechua Margos-Yarowilca-Lauricocha Bible（qvm）

1Tsaymi noqa Pablo, Jesucristupa ali wilakuyninta qamkunata y wakin mana Israel runakunata wilapashqäpita prësu wichqaraykar...Mana Israel runakunatapis wilapänanpaq Pabluta churashqan

2Tayta Dios kuyakuq karmi churamashqa qamkunata y wakin mana Israel runakunatapis ali wilakuyninta wilapänäpaq.Col. 1.25. Tsay wilakuytaqa musyarkaykankinami.

3Ali wilakuyninta runakuna mana musyashqa kaptinpis Tayta Diosmi tantiyatsimashqa tsay wilakuy imapita kashqantapis.Gál. 1.12. Tsayno tantiyatsimashqantami kay cartacho wilaykä.

4Tsaymi kay cartata liyir tantiyakärinki Jesucristupa wilakuyninta wilakushqäta.

5Tsay ali wilakuyta manami unay runakuna musyarqantsu. Kananraqmi santu apostolkunata y profëtakunatapis Espíritu Santu tantiyatsipäkamashqa.

6Tsay wilakuy kaynömi niykan: Tayta Diospa ali wilakuyninta chaskikurmi mana Israel runakunapis salvacionta taripäkunqa. Tsaymi Israel runakunata Tayta Dios promitishqankunata paykunapis chaskipäkunqa. Tsaynöpami lapantsipis tsay aylunölana kaykantsi.Col. 1.26-27.

7Tsay ali wilakuyninta wilakunäpaqmi Tayta Dios kuyakuq kar munayninwan churamashqa.

8Tayta Diosman lapan yärakuqkunapita mana väliq kaykaptïpis1Cor. 15.9. Tayta Diosmi kuyamar churamashqa Jesucristupa ali wilakuyninta mana Israel runakunata wilapänäpaq. Tsay ali wilakuymanqa manami ima riquëzapis tinkuntsu.

9Unaypita mana musyapäkushqan wilakuyta pïmaytapis wilapänäpaqmi lapantapis kamaq Tayta Dios churamashqa.

10Tsaynöpami Jesucristuman yärakuqkuna salvakuptin supaykunapis y jana patsacho kaykaq lapan angilkunapis tantiyarkaykan Tayta Dios shumaq yachayniyuq kashqanta.

11Tsayno tantiyarkaykan Tayta Dios unaypita patsa yarpashqanno Señor Jesucristo noqantsi rayku wanushqa kaptinmi.

12Tsaymi Jesucristuman yärakur Tayta Diosta mana mantsakuypana manakuntsi.

13Jesucristo salvamashqantsita musyaykarqa mana Israel runakunata wilapashqäpita prësu wichqaraptïpis ama lakikäriytsu. Lakikunaykipa trukanqa salvakärinaykipaq wilakushqäpita kushikäriy.

Jesucristo pasaypa kuyamashqantsi

14Tsaymi qonqurpakuykur Papänin Tayta Diosta manakü.

15Paymi kamashqa jana patsacho kaqkunata y kay patsacho kaqkunatapis.

16Paytami manakü gloriacho riquëzankuna kashqanman tupu Espïritunwan poderta qoshunaykipaq.

17Tsaynöpis manakü shumaq yärakäriptiki Jesucristo shonquykicho tänanpaq. Tsaynöpami shumaq sapitsashqa yörano y ali cimientushqa wayino kar paypa kuyakuynilancho kawapäkunkipaq.

18Kuyakuynincho kawarmi lapan yärakuq mayintsikunawan tantiyakärinki Jesucristo pasaypa kuyamashqantsita. Pay kuyakuq kashqanqa pasaypa anchumi, largumi, altumi y hondumi kaykan.

19Tsaymi Tayta Diosta manakü kuyakuyninta tantiyatsishunaykipaq. Tsaynöpami Tayta Dios qamkunacho kar pay munashqanno kawapäkunaykipaq imaypis yanapashunki.

20¡Tayta Diosta alabaykuläshun! ¡Pasaypa munayniyuq karmi manakushqantsipita y yarpashqantsipitapis masraq yanapamantsi!

21¡Iglesian kanantsipaq Jesucristo salvamashqantsipita lapantsi mana ajayaypa imaypis alabaykuläshun! Amén.