1Kaychömi qelqaraykan nacionkuna imano kananpaq kashqantapis profëta Jeremíasta Tayta Dios wilashqan.
Egipto runakunata Carquemischo castigashqanta nishqan2Josíaspa tsurin Joacim chusku watana Judá nacionpa mandaqnin rey kaykaptinmi Egipto runakuna Carquemis markacho Babilonia runakunawan pelyapäkurqan. Tsaychömi Egipto runakunata vincishpan wanutsipäkurqan.
6Ali cörriqninkunapis cörriyta manami puëdipäkunnatsu.
Ali chölunninkunapis qeshpiyta manami kamäpakärinnatsu.
Norti kaq lädu Éufrates mayu kuchuncho lapanmi trancakar upaksashqa.
7< Cargashqa mayu intërupa mashtakashqannömi tsay nación runakuna chayarkaykämun. 8Tsay nacionqa Egiptumi kaykan. Cargashqa mayu bötiypa bötir aywaqno karmi kayno nirkaykan: Noqantsiqa lapan markakunata y tsaycho taq lapan runakunatapis ushakätsishunmi>. 9<<¡Cawallun muntashqa kaqkuna, guërraman yaykapäkuy! ¡Carrëtawan aywaqkuna, apurädu cörripäkuy! ¡Ali chölu kaqkuna, fïlaylanpa marchaqnöraq aywapäkuy! ¡Etiopía y Libia soldädukuna, escüduykikunata kamarikäriy! ¡Lud soldädukuna, flëchaykikunata kamarikäriy! 10Lapanta mandaq Tayta Dios karmi kayno nï: Conträkunata castiganäpaq kaq junaq chayamushqanami. Kanan junaqmi espädäpis saksaqpaq mikunqa. Runakunapa yawarninta upushqanwanmi shinkanqa. Tsaytsika runakunata wanutsipäkushqanmi noqapaq sacrificiu kanqa. Tsayno kanqa norti kaq lädu nacioncho kaykaq Éufrates mayu nawpanchömi. 11< Tukuy niraq jampikunawanpis manakaqlapaqmi jampikärinkipaq. Mayjina jampikuptikipis mananami ima jampipis tinkunqatsu. 12Pelyaqnikikunapis qeshpiykashqancho kikinpura tanqanakushpan upaksarqan. Maytsay nación runakunapis musyapäkunmi contraykikuna vincishushqaykita. Nanaywan qaparashqaykipis intëru nacionmanmi mayakaykan>>. 13Babilonia nacionpa mandaqnin rey Nabucodonosor Egipto nacionta atacananpaq kashqanta profëta Jeremíasta Tayta Dios wilashqan kaychömi qelqaraykan: 14< ¡Maytsay markaykikunachöpis espädawanmi wanutsipäkushunki! Tsayta wilapäkuy Migdol, Menfis y Tafnes markakunacho taq runakunata. 15Töru niraq Apis diosniki ¿imanirtaq mana yanapashunkitsu? ¿Imanirtaq tsay diosniki mana ichiraykantsu? ¡Tsaytaqa noqa Tayta Diosmi saqtarishqä! 16< <¡Lapantsi qeshpir markantsiman kutikushun! Yurishqantsi markantsiman aywakushun. Kay wanutsinakuypita qeshpir aywakushun>. 17Markanman kutirnami kayno nipäkunqa: Manami ima ruraytapis kamäpakuntsu>. 18< Lapanpaq mandaq rey karmi jutïcho jurar kayno nï: Nawpan jirkakunapita Tabor jirka mas jatun kashqanno y lamar kuchuncho Carmelo jirka lapanpita mas jatun kashqannömi Egipto runakunapa contrankuna lapanpitapis mas munayniyuq kanqa. 19Egipto runakuna, prësu apashunaykipaq kamarikäriy. Menfis markaqa chunyaq jirkami rikakunqa. Raqälana kaptin manami pipis tanqanatsu. 20< Tsayno kaykaqta kaninanpaqmi norti kaq lädupita upuqruykuna aywaykämun. 21Egipto runakuna minkakushqan soldädukunapis wera becërrunömi kaykan. Paykunapis upuqruypita qeshpiqnömi pelyapita qeshpinqa. Egipto runakunata castigar ushakätsinäpaq kaq junaq chayaykämunnami. 22< Tsayno atacaptinmi culebra qeshpiqnöraq qeshpipäkunqa. 23Tsay contran runakunaqa jirakashqa muntikunatapis tsaqupäkunqami. Yupaytapis mana atipaypaq chukluskunapitapis mas atskami kanqa. 24Egipto runakuna norti kaq lädu nación runakunapa munayninchönami kanqa. Tsayno kashpanmi pasaypa penqakärinqa>>. 25Israel runakunata kuyaq y lapanta mandaq Tayta Dios kaynömi nin: < 26Tsaymi Babilonia nacionpa mandaqnin rey Nabucodonosorpa y soldädunkunapa makinman kachaykushaq. Tsaypita atska wata pasarkuptinmi itsanqa unay tashqannöna Egiptucho yapay jawkana täpäkunqa. Noqa Tayta Diosmi tsayno nï>>. 27< Karu nacionman apashushqaykipitami qamkunata y qamkunapita miraqkunata jorqamushayki. Pipis manana mantsakätsishuptikimi nacionnikicho jawkala kawapäkunkipaq. 28Jacobpita miraq sirvimaq runakuna, ama mantsakuytsu. Qamkunawanmi noqa kaykä. Nacionnikipita qarqushqa karpis qamkunataqa manami ushakätsishaykitsu. Munaynincho tsararäshuqniki nacionkunatami itsanqa ushakätsishaq. Ima kaptinpis jutsa rurashqayki tupumi castigashayki. Mana castigaypaqa manami kachaykushaykitsu. Noqa Tayta Diosmi tsayno nï>>.
Who We AreWhat We EelieveWhat We Do
2025 by iamachristian.org,Inc All rights reserved.
