Gálatas 3 - Quechua Margos-Yarowilca-Lauricocha Bible（qvm）

Pablo lakikushqan

1¡Mana tantiyakuq Galacia runakuna! Noqantsi rayku Jesucristo cruzcho wanushqanta shumaqmi tantiyapäkurqayki. Tsayno tantiyarkaykaptikiqa ¿pitaq kuchipa tulunta amupäshushqanki?

2Kanan mä wilapäkamay. ¿Qamkunaqa Moisés qelqashqan leykunata cumplirku o Jesucristupa wilakuyninta mayar payman yärakurku Espíritu Santuta chaskikärishqanki?

3¿Pasaypa mana tantiyakuqnaku karkaykanki? Espíritu Santu yanapashuptikimi Tayta Dios munashqanno kawayta qalaykärishqanki. Tsayno kaykaptinqa ¿imanirtaq Espíritu Santuta mana cäsur Moisés qelqashqan leykunata cumpliyta munarkaykanki?

4Tsayno karqa ¿manakaqlapaqtsuraq Jesucristuta chaskikärishqaykipita nakapäkushqanki? Manachi manakaqlapaqqa nakankimantsu karqan.

5¿Tsay leykunata cumplishqaykipitatsuraq Tayta Dios Espíritu Santuta qoshushqanki? Tsaynöpis ¿leykunata cumplishqaykipitatsuraq qamkunacho milagrukunata ruran? Manami tsaypitatsu, sinöqa Jesucristupa ali wilakuyninta mayar payman yärakärishqaykipitami.

Abrahamno yärakur salvashqa kashqantsi

6Yärakuptinmi Abrahamtapis jutsaynaqtana Tayta Dios chaskirqan.

8Tayta Diospa palabranmi niykan mana Israel runakunatapis payman yärakushqanpita Tayta Dios perdonananpaq kashqanta. Tsaymi ali wilakuyninta Abrahamta wilapar Tayta Dios kayno nirqan: <>.

9Tsaymi Tayta Diosman yärakur Abraham bendicionta chaskishqanno noqantsipis bendicionta chaskiykantsi.

10 Moisés qelqashqan leykunata cumplishqanpita salvashqa kashqanta yarpaqkunaqa lapanpis maldicionädumi kaykan. Tayta Diospa palabranchöpis kaynömi qelqaraykan: <>.

11Tsayno kaykaptinqa Moisés qelqashqan leykunawanqa manami mayqanpis salvakunqatsu. Tsaypa trukanqa Tayta Diospa palabrancho kaynömi niykan: <>.

12Moisés qelqashqan leykunaqa manami Diosman yärakur salvakunantsipaqtsu niykan, sinöqa kaynömi niykan: <>.

13Itsanqa tsay leykunata cumpliyta mana kamäpakurmi maldicionädu karqantsi. Tsaymi noqantsipa trukantsi maldicionädu runano wanur Jesucristo salvamashqantsi. Tayta Diospa palabranchöpis kaynömi qelqaraykan: <>.

14Jesucristupis tsayno wanurqan Abrahamta Tayta Dios promitishqan bendicionta mana Israel runakunapis chaskikärinanpaqmi. Tsaymi Jesucristuman yärakur Tayta Dios promitishqan Espíritu Santuta chaskikuntsi.

Abrahamta Tayta Dios promitishqan

15Wawqi panikuna, kananqa runakuna rurashqan testamentuman tinkutsiypami tantiyatsishayki. Musyashqantsinöpis testamentuta rurar firmaptinqa manami pipis manakaqman churannatsu ni imatapis tsayman yapantsu. Tsaynölami Tayta Dios promitishqanpis kaykan.

16Pay promitishqanqa Abrahampaq y paypita miraqpaqmi kaykan. Manami Abrahampita lapan miraqkunapaq kashqantatsu Tayta Dios nirqan, sinöqa paypita miraq juklaylapaq kashqantami. Tsayno nir Jesucristupaqmi parlarqan.

17Tsaymi kayno nï: Abrahamwan pactuta rurashqanpita chusku pachak kimsa chunka (430) watataraqmi Tayta Dios leyninkunata Moisésta entregarqan.Moisés qelqashqan leykuna imapaq kashqanpis

19Tsayno kaptinqa ¿imapaqtaq tsay leykuna kaykan? Tsay leykunata Moisésta entregarqan runakuna jutsayuq kashqanta tantiyakärinanpaqmi.