1Ruwakushqäta mayamaptinmi Tayta Diosta pasaypa kuyä.
2Manakushqäta chaskimaptinmi imaypis payta manakü.
3Wanuypis janächönami karqan.
Pampamänanpaq kashqantanami yarparqä.
Tsaymi pasaypa mantsakur lakikurqä.
4 Tayta Diosta kayno nirmi ruwakurqä:
<<¡Tayta Dios, wanuypita salvaykalämay!>>
5 Tayta Diosqa ali shonqu y alilata ruraqmi kaykan.
Payqa kuyapäkuqmi kaykan.
6Humildi kaqkunataqa Tayta Dios alimi rikan.
Noqatapis kalpaynaq kaykaptïmi yanapamashqa.
7 Tayta Dios yanapamaptinmi kananqa jawkalana kawaykä.
8Wanuypitapis paymi salvamashqa.
Waqaptïpis paymi shoqamashqa.
Mana kachaypami yanapamashqa.
9Kay patsacho kawashqäyaq Tayta Diostami imaypis cäsukushaq.
10Pasaypa lakikurpis paymanmi yärakuykä.
11Ima ruraytapis mana kamäpakurmi lapan runa lulakuq kashqanta nirqä.
12 Tayta Dios yanapamashqanpita manami imanöpapis pägayta atipätsu.
13Salvamashqanpitami Tayta Diosta imaypis agradëcikushaq.
Jutinta joqarirmi payta alabashaq.
14 Tayta Diosta promitishqätaqa kuyashqan runakuna juntakashqanchömi cumplishaq.
15 Tayta Diosqa pasaypami kushikun payta sirviq runakuna wanur nawpanman chayaptin.
16 Tayta Dios, qamtami imaypis sirvishayki.
Sirvishuqniki warmipa wawanmi kaykä.
Pitirpunäpaqna kaykaptïmi salvamashqanki.
17Tsaymi agradëcikushpä sacrificiukunata qampaq apamushaq.
Jutikita joqarirmi alabashayki.
18 Tayta Diosta promitishqätaqa kuyashqan runakuna juntakashqancho
19y Jerusalén chawpincho Tayta Diospa templun patiuchömi cumplishaq.
¡Aleluya!
Who We AreWhat We EelieveWhat We Do
2025 by iamachristian.org,Inc All rights reserved.
