1Murällata altsayta usharkur y punkukunatapis tanayta usharkurnami punku täpaqkunata churapäkurqan. Tsaynölami cantaqkunata y levitakunatapis churapäkurqan.
2Jerusaléncho mandaq kananpaq churarqä wawqï Hananita. Payta yanapananpaqmi churarqä cuartilcho mas mandaq soldädu Hananíasta. Hananíasqa wakin runakunapitapis masmi Tayta Diosta cäsukuq.
3Paykunatami kayno nirqä: <
4Jerusalén markaqa jatunkaraymi karqan. Tsayno kaptinpis juchushqa wayikuna manaraq altsashqa kaptinmi walkala runakuna tsaycho tarqan.
Babiloniapita Jerusalénman aywaqkuna mayqan aylu kashqan y ayka kashqanpis Esdras 2.1-705Tayta Dios yarpayta qomaptinmi qayatsirqä mayor runakunata, autoridäkunata y wakin runakunatapis aylunpa aylunpa padrunanäpaq. Tsaychömi tarirqä punta shamuq runakuna padrunakushqan rölluta. Tsay libruchömi qelqaraykarqan kayno nir:
6Kaychömi qelqaraykan Jerusalénman y Judáman shamuq runakunapa jutinkuna. Tsay runakunaqa rey Nabucodonosor Babiloniaman prësu apashqan runakuna y paykunapita miraqkunami karqan. Cada ünunmi unay aylunkuna yurishqan markankunaman aywapäkurqan.
7Tsay runakunapa mandaqninkunami karqan Zorobabel, Jesúa, Nehemías, Azarías, Raamías, Nahamani, Mardoqueo, Bilsán, Misperet, Bigvai, Nehum y Baana. Kaychömi qelqaraykan Babiloniapita Judáman shamuq Israel runakunapa aylunkunapa jutinkuna:
8Paruspita miraqkuna karqan ishkay waranqa juk pachak qanchis chunka ishkay (2,172) runakuna.
9Sefatíaspita miraqkuna karqan kimsa pachak qanchis chunka ishkay (372) runakuna.
10Arapita miraqkuna karqan soqta pachak pitsqa chunka ishkay (652) runakuna.
11Pahat-moabpita miraqkuna karqan ishkay waranqa pusaq pachak chunka pusaq (2,818) runakuna. Paykunaqa karqan Jesúapita y Joabpita miraqkunami.
12Elampita miraqkunami karqan juk waranqa ishkay pachak pitsqa chunka chusku (1,254) runakuna.
13Zatupita miraqkuna karqan pusaq pachak chusku chunka pitsqa (845) runakuna.
14Zacaipita miraqkuna karqan qanchis pachak soqta chunka (760) runakuna.
15Binúipita miraqkuna karqan soqta pachak chusku chunka pusaq (648) runakuna.
16Bebaipita miraqkuna karqan soqta pachak ishkay chunka pusaq (628) runakuna.
17Azgadpita miraqkuna karqan ishkay waranqa kimsa pachak ishkay chunka ishkay (2,322) runakuna.
18Adonicampita miraqkuna karqan soqta pachak soqta chunka qanchis (667) runakuna.
19Bigvaipita miraqkuna karqan ishkay waranqa soqta chunka qanchis (2,067) runakuna.
20Adínpita miraqkuna karqan soqta pachak pitsqa chunka pitsqa (655) runakuna.
21Aterpita miraqkuna karqan isqun chunka pusaq (98) runakuna. Aterqa Ezequíaspita miraqmi karqan.
22Hasumpita miraqkuna karqan kimsa pachak ishkay chunka pusaq (328) runakuna.
23Bezaipita miraqkuna karqan kimsa pachak ishkay chunka chusku (324) runakuna.
24Harifpita miraqkuna karqan juk pachak chunka ishkay (112) runakuna.
25Gabaónpita miraqkuna karqan isqun chunka pitsqa (95) runakuna.
26Belén runakuna y Netofa runakuna karqan juk pachak pusaq chunka pusaq (188).
27Anatot runakuna karqan juk pachak ishkay chunka pusaq (128).
28Bet-azmavet runakuna karqan chusku chunka ishkay (42).
29Quiriat-jearim runakuna, Cafira runakuna y Beerot runakuna karqan qanchis pachak chusku chunka kimsa (743).
30Ramá runakuna y Geba runakuna karqan soqta pachak ishkay chunka juk (621).
31Micmas runakuna karqan juk pachak ishkay chunka ishkay (122).
32Bet-el runakuna y Hai runakuna karqan juk pachak ishkay chunka kimsa (123).
33Nebo runakuna karqan pitsqa chunka ishkay (52).
34Jukaq Elam runakuna karqan juk waranqa ishkay pachak pitsqa chunka chusku (1,254).
35Harim runakuna karqan kimsa pachak ishkay chunka (320).
36Jericó runakuna karqan kimsa pachak chusku chunka pitsqa (345).
37Lod runakuna, Hadid runakuna y Ono runakuna karqan qanchis pachak ishkay chunka juk (721).
38Senaa runakuna karqan kimsa waranqa isqun pachak kimsa chunka (3,930).
39Kaychömi qelqaraykan Babiloniapita Judáman shamuq cürakunapa aylunkunapa jutinkuna:
Jesúa aylu Jedaíaspita miraq cürakuna karqan isqun pachak qanchis chunka kimsa (973) runakuna.
40Imerpita miraq cürakuna karqan juk waranqa pitsqa chunka ishkay (1,052) runakuna.
41Pasurpita miraq cürakuna karqan juk waranqa ishkay pachak chusku chunka qanchis (1,247) runakuna.
42Harimpita miraq cürakuna karqan juk waranqa chunka qanchis (1,017) runakuna.
43Kaychömi qelqaraykan Babiloniapita Judáman shamuq levita aylukunapa jutinkuna: Hodavías aylu Jesúapita miraqkuna y Hodavías aylu Cadmielpita miraqkuna. Paykunami karqan qanchis chunka chusku (74) runakuna.
44Kaychömi qelqaraykan Diosta alabar cantaqkuna mayqan aylu shamushqanpis: Asafpita miraqkuna. Paykunami karqan juk pachak chusku chunka pusaq (148) runakuna.
45Kaychömi qelqaraykan punkuta täpaq runakunapa aylunkunapa jutinkuna: Salum aylu, Ater aylu, Talmón aylu, Acub aylu, Hatita aylu y Sobai aylu. Tsay aylukunapita miraqkuna karqan juk pachak kimsa chunka pusaq (138) runakuna.
46Kaychömi qelqaraykan Diospa templuncho aruq runakunapa aylunkunapa jutinkuna: Ziha aylu, Hasufa aylu, Tabaot aylu,
47Queros aylu, Siaha aylu, Padón aylu,
48Lebana aylu, Hagaba aylu, Salmai aylu,
49Hanán aylu, Gidel aylu, Gahar aylu,
50Reaía aylu, Rezín aylu, Necoda aylu,
51Gazam aylu, Uza aylu, Paseah aylu,
52Besai aylu, Mehunim aylu, Nefisesim aylu,
53Bacbuc aylu, Hacufa aylu, Harhur aylu,
54Bazlut aylu, Mehída aylu, Harsa aylu,
55Barcos aylu, Sísara aylu, Tema aylu,
56Nezía aylu y Hatifa aylu.
57Kaychömi qelqaraykan Salomónpa sirviqninkunapita miraq runakunapa aylunkunapa jutinkuna: Sotai aylu, Soferet aylu, Perida aylu,
58Jaala aylu, Darcón aylu, Gidel aylu,
59Sefatías aylu, Hatil aylu, Poqueret-hazebaim aylu y Amón aylu.
60Templucho aruqkuna y Salomónpa sirviqninpita miraqkuna lapan karqan kimsa pachak isqun chunka ishkay (392) runakunami.
61Tel-mela markapita, Tel-harsa markapita, Querub markapita, Adón markapita y Imer markapita Jerusalénman aywaq runakuna legïtimu Israel aylu kashqan o karulapana aylu kashqanpis shumaq manami musyakarqantsu. Tsay runakunami karqan
62Delaíapita, Tobíaspita y Necodapita miraq runakuna. Paykunami karqan soqta pachak chusku chunka ishkay (642) runakuna.
63Jerusalénman shamuq wakin cüra aylukuna karqan Habaíapita, Cospita y Barzilaipita miraq runakuna. Barzilaiqa tarqan Galaadpita kaq Barzilaipa warmi tsurinwanmi. Paywan taptinmi Barzilaipa jutinta apararqan.
64Tsay runakunami Habaía aylu, Cos aylu y Barzilai aylu kashqanta musyatsinanpaq padrón librucho jutinkunata ashirqan. Tsaycho mana tarirmi Jerusalénman chayaykur cürakuna arushqanchöqa mana arurqantsu.
65Gobernadorpis nirqan Tayta Diospaq churashqankunata manana mikupäkunanpaq hasta Urimta y Tumimta tapukur cüra musyashqanyaq.
66Jerusalénman shamuqkuna lapan karqan chusku chunka ishkay waranqa kimsa pachak soqta chunka (42,360) runakunami.
67Paykunawanmi qanchis waranqa kimsa pachak kimsa chunka qanchis (7,337) warmipis olqupis ashmaykuna shamurqan. Diosta alabaqkuna warmipis olqupis ishkay pachak chusku pitsqami (245) paykunawan shamurqan.
68Cawallunkunami karqan qanchis pachak kimsa chunka soqta (736). Mulankunami karqan ishkay pachak chusku chunka pitsqa (245).
69 69 (68b) Camëllunkunami karqan chusku pachak kimsa chunka pitsqa (435). Bürrunkunanami karqan soqta waranqa qanchis pachak ishkay chunka (6,720).
70 70 (69) Wakin mayor runakunami Diospa templunta yapay sharkatsinanpaq puëdishqanman tupu ofrendata shuntarkur entregapäkurqan. Gobernadorpis entregarqan pusaq kïlu qorita, pitsqa chunka (50) tazonkunata y cürakuna jatikunanpaq pitsqa pachak kimsa chunka (530) sotänakunata.
71 71 (70) Mayor runakunami tesorëruta entregarqan juk pachak soqta chunka (160) kïlu qorita y juk waranqa ishkay pachak chunka (1,210) kïlu qellayta.
72 72 (71) Común runakunapis entregarqan juk pachak soqta chunka (160) kïlu qorita, juk pachak chunka (110) kïlu qellayta y cürakuna jatikunanpaq soqta chunka qanchis (67) sotänakunata.
73 73 (72) Cürakuna, levitakuna, punku täpaqkuna, cantaqkuna, templucho aruqkuna y lapan Israel runakuna awkilunkunapa markankunachönami tarqan.
Qanchis kaq killapitanaqa lapan runakuna wayinkunachönami tarqan.
Who We AreWhat We EelieveWhat We Do
2025 by iamachristian.org,Inc All rights reserved.
