1 Samuel 18 - Quechua Margos-Yarowilca-Lauricocha Bible（qvm）

Jonatánwan David juramentu wawqita rurashqan

1Saúlwan parlayta usharkurmi Davidqa Saúlpa tsurin Jonatánwan reqinakurqan. Yanasa rikakurmi pasaypa kuyanakurqan.

2Saúlnami tsay junaqpita patsa Davidta churarqan yanapaqnin kananpaq. Tsaymi papänin kaqpa kutinanta mana munarqantsu.

3Davidqa pasaypa kuyanakurmi Jonatánwan imaypis mana kachanakunanpaq juramentu wawqita rurapäkurqan.

4Nirkurnami Jonatánqa Davidta qoykurqan jatirashqan capötinta, tünicanta, espädanta, flëchanta y cinturonnintapis.

5Imatapis rurananpaq mandashqanta David ruraptinmi soldädukunapa capitannin kananpaq Saúl churarqan. Tsaymi lapan soldädukuna y Saúlpa yanapaqninkunapis pasaypa kushikärirqan.

Davidta Saúl chikishqan

6Goliatta David wanutsishqanpita soldädukuna kutiptinmi Israel markakunapita warmikuna tinyankunata y panderëtankunata tukashpan cantaraykar y danzaraykar kushishqa yarqupäkurqan rey Saúlta chaskikärinanpaq.

7Tsayno danzashpan warmikuna kayno nir cantapäkurqan: <>.

8Tsayno cantashqanta mayarmi Saúl pasaypa rabyakushpan kayno nirqan: <>

9Tsay junaqpitanami Saúlqa Davidta nanapararqan.

10Tsaypita jukaqnin junaq palaciucho arpata imaypis tukashqanno David tukapaykaptinpis Tayta Dios kachamushqan supay Saúlta pasaypa löcutätsirqan. Tsaymi Saúlqa aptaraykashqan lanzawan

11Davidta wanutsiyta munashpan lanzaykurqan. Ishkay kuti lanzarpis David kiskitaptinmi mana chayatsirqantsu.

12Saúlta yanapananpa trukan Davidtanami Tayta Dios yanaparqan. Tsayta tantiyarmi Saúlqa Davidta pasaypa mantsakurqan.

13Tsaymi nawpancho kananta manana munashpan Davidta churarqan waranqa (1,000) soldädukunapa capitannin kananpaq. Tsayno churaptinmi maypapis pelyananpaq aywar soldädukunata David pusharqan.

14Pelyananpaq maypa aywaptinpis Tayta Dios yanaparqanmi.

15Tsayta musyaykurmi Saúlqa pasaypa Davidta masraq chikirqan.

16Israel y Judá soldädukunami itsanqa Davidta kuyapäkurqan maypa aywarpis ali pusharaptin.

Warmi tsurinwan Davidta Saúl tätsishqan

17Juk junaqmi Davidta Saúl kayno nirqan: <>.

Saúl tsayno nirqan kayno yarparmi: <>.

18Tsurinwan tätsiyta Saúl munaptinmi David kayno nirqan: <<¡Imanöpataq waktsa runapa tsurin kaykarqa qampa mashayki yayküman, tayta!>>

19Mashan kayta mana munaptinmi Davidta tätsinanpaq kaq tiempu chayamuptinpis Mehola markapita Adriel nishqan runawan tsurin Merabta Saúl tätsirqan.

20Tsaypitana Saúlpa jukaq kaq tsurin Mical Davidpita kuyakurkurqan. Tsayta mayaykur Saúl kushikushpan

21yarparqan warmi tsurinwan tätsiq tumpala filisteo runakunapa makinman Davidta entregananpaq. Tsaymi Davidta kayno nirqan: <>.

22Tsaynöpis yanapaqninkunata Saúl kayno nirqan: < >>.

23Tsaymi Davidman aywaykur yachatsishqannöla Saúlpa yanapaqninkuna nipäkurqan. Tsawraqa David kayno nirqan: <<¿Imanirtaq qamkuna tsayno yarparkaykanki? Waktsa kaykarqa reypa mashan manami yaykümantsu>>.

24Tsayno niptinmi Saúlpa yanapaqninkuna kutiykur wilarqan David nishqankunata.

25Tsaymi filisteo runakuna Davidta imanöpapis wanutsinanta munar yanapaqninkunata Saúl kayno nirqan: < >>.

26Tsay nishqankunata Saúlpa yanapaqninkuna Davidta wilaptinmi awnirqan reypa mashan kananpaq. Tsaymi jitapashqan junaq manaraq chayaptin

27yanapaqnin runakunawan David aywaykur ishkay pachak (200) filisteo runakunata wanutsirqan. Mashan kananpaq awnishqa karmi tsay runakunapa chiwlakunanpa jana qaranta kutsurkur apaparqan rey Saúlman. Tsaynöpami Davidta tsurin Micalwan Saúl tätsirqan.

28 Tayta Dios yanapashqanta tantiyar y tsurin Micalpis Davidta pasaypa kuyashqanta musyarmi

29Saúlqa masraq mantsakurqan. Tsaymi wanunanyaq Davidta pasaypa chikirqan.

30Filisteo runakuna pelyananpaq shapäkamuptin wakin mandaq soldädukuna wanutsishqanpitapis Davidqa mas atskatami wanutsiq. Tsaynöpami pïmaypis payta ali rikaq.