Jonás 2 - Quechua Margos-Yarowilca-Lauricocha Bible（qvm）

Tayta Diosta Jonás manakushqan

1 1 (2) Tsawraqa pescädupa pachancho kaykarmi Tayta Diosta Jonás kayno manakurqan:

2 2 (3) < pasaypa lakikur manakamuptïmi mayamashqanki.

Wanunäpaqna kaykar qayakuptïmi salvamashqanki.

3 3 (4) Lamarman jitarpamaptikimi ruriyaq talpukashqä.

Lamar fiyupa pulchaqyar shamuqpis janäpami pasashqa.

4 4 (5) Nawpaykipita qarqamashqaykitami yarpashqä.

Tsaynöpis yarpashqä sagrädu templuykiman imaypis manana yaykunäpaq kashqantami.

5 5 (6) Yaku pasaypa tsaparämaptinmi lamar rurincho kashqä.

Yaku rurincho qewa winamuqpis umämanmi laqakashqa.

6 6 (7) Pasaypa ruriyaqmi chayashqä.

Mananami yarqamunäpaq kashqanta yarpashqänatsu.

Wanunäpaqna kaykashqäpita qammi salvamashqanki, Tayta Dios.

7 7 (8) Wanunaykarnami qamta manakamushqä, Tayta Dios.

Manakamushqätami santu templuykipita mayamashqanki.

8 8 (9) Ïdulukunata adoraqkunaqa Diospa kuyakuyninta wasqipanmi.

9 9 (10) Noqami itsanqa lapan shonqüwan agradëcikur sacrificiukunata qampaq rupatsishaq.

Qamta promitishqätaqa lapantami cumplishaq.

Qamlami munayniyuq kaykanki pitapis salvanaykipaq>>.

10 10 (11) Tsaymi Tayta Dios mandaptin pescäduqa lamar kuchunman Jonásta gumitarirqan.