Hechos 9 - Quechua Margos-Yarowilca-Lauricocha Bible（qvm）

Sauluta Jesús yuripashqan Hechos 22.6-16; 26.12-18

1Saulunami Señor Jesúspa discïpulunkunata wanutsiyta munashpan mas mandaq cüraman aywaykur

2kayno nirqan: < yaykur Diospa Nänin qatiraqkunata warmitapis olqutapis Jerusalénman prësu apamunäpaq>>.

3Ordinta jorqurir aywaykaptinmi Damasco markaman chayaykaptin ciëlupita atski elaqpita chipchipyar fiyupa atsikyaparqan.

4Tsaymi Sauluqa pampaman tunir kayno nimuqta mayarqan: <>

5Tsawraqa Saulo kayno nirqan: <<¿Pitaq kanki, Tayta?>>

Niptinmi kayno nirqan: <>.

7Parlamushqanta mayar pitapis mana rikashpanmi Sauluwan aywaykaqkuna pasaypa mantsakarqan.

8Saulunami tunishqanpita sharkurkur rikachakurpis imatapis mana rikarqannatsu. Tsawraqa paywan aywaq runakuna janchaylapa Damascuman yaykatsirqan.

9Tsaychömi mikuytapis mana mikuypa ni yakutapis mana upuypa kimsa junaq qaprayashqala qoyarqan.

10Damascuchömi juk discïpulu tarqan Ananías jutiyuq. Paytami Señornintsi yuriparkur kayno nirqan: <<¡Ananías!>>

Niptinmi kayno nirqan: <<¿Imataq, Tayta?>>

11Tsawraqa Señornintsi kayno nirqan: <

12Paymi revelacioncho rikashushqanki yapay rikananpaq makikita umanman churaykur manakuykashqaykita>>.

13Niptinmi Ananías kayno nirqan: <

14Kananpis mandaq cürakunapita ordinninta jorqurkurshi kayman shamushqa qamman yärakuqkunata prësu apananpaq>>.

15Tsawraqa Señornintsi kayno nirqan: <

16Paytami musyatsishaq noqa rayku fiyupa nakananpaq kashqanta>>.

17Tsayno niptinmi Ananías Saulo kaykashqan wayiman aywarqan. Chayaykurmi Saulupa umanman makinta churaykur kayno nirqan: <>.

18Ananías parlayta usharkuptinmi jinan höra Saulupa nawinpita pescädupa escämanno shikwarqan. Tsayno shikwaptinmi Saulo rikarqanna. Nirkurnami bautizakurir

19mikuyta mikurkuptin kalpan yurikurqan. Damascuchömi discïpulukunawan ishkay kimsa junaq qoyarqan.

Jesúspita Damascucho Saulo wilakushqan

20Tsaypitanami Tayta Diospa Tsurin Jesús kashqanta sinagögakunacho Saulo wilakuyta qalaykurqan.

21Wilakushqanta mayarmi runakuna mantsakashqa kayno nipäkurqan: <<¿Manaku kay runaqa Jesúsman yärakuqkunata Jerusaléncho qatikacharqan? ¿Manaku kaymanpis shamushqa prësu tsarir mandaq cürakunaman apananpaq?>>

22Waralan waralanmi Saulo mas tantiyar wilakurqan Jesús salvamaqnintsi Cristo kashqanta. Tsayno wilakuptinmi Damascucho taq Israel runakuna ima niytapis mana kamäpakurqantsu.

Israel runakunapita Saulo qeshpishqan

23Tsaypita atska junaq pasarkuptinnami Israel runakuna wilanakurqan Sauluta wanutsipäkunanpaq.

24Wanutsiyta munar paqasta junaqta marka yarquna punkucho shuyarpashqantami Saulo musyarqan.

25Tsawraqa discïpulukuna tsakaypa jatun canastaman winarkur marka murälla jananpa Sauluta urätsirqan.Jerusaléncho Saulo wilakushqan

26Jerusalénman Saulo chayaykurmi Jesúspa discïpulunkunawan juntakayta munarqan. Munaptinpis Jesústa chaskikushqanta mana criyirmi discïpulukunaqa paywan juntakayta mantsakärirqan.

27Tsawraqa apostolkunawan reqinakatsinanpaq Sauluta Bernabé pusharqan. Reqinakarkatsirnami wilaparqan Señornintsi nänicho yuriparkur Sauluta parlapashqanta. Tsaynölami wilaparqan Damascucho mana mantsakuypa Jesúspa jutincho wilakushqanta.

28Tsaynöpami apostolkunawan Jerusaléncho Saulo purir Jesúspa jutincho mana mantsakuypa wilakurqan.

29Tsayno wilakurmi griego idiömata parlaq Israel runakunawan rimanakurqan. Tsay runakuna Sauluta wanutsiyta munashqanta

30musyarmi wawqi panikuna pusharqan Cesarea markaman. Tsaypitanami markan Tarsuman despacharkurqan.

31Tsaypitaqa Judeacho, Galileacho y Samariachöpis Jesúsman yärakuqkuna jawkanami kawapäkurqan. Tayta Diosta mantsakur pay munashqanno kawananpaq Espíritu Santu yanapaptinmi mas atskayarqan.

Eneasta Pedro aliyätsishqan

32Pedrunami yärakuq mayinkunata maytsaypa watukur purishpan Lida markamanpis chayarqan.

33Tsaychömi Eneasta tarirqan paralïticu kar pusaq watana cämalancho jitaraykaqta.

34Tsaymi Pedro kayno nirqan: <>

Tsayno niptinmi Eneas jinan höra aliyashqana sharkurkurqan.

35Tsayta rikarmi Lidacho y Saróncho taq runakuna Señor Jesucristuman yärakärirqan.

Tabita kawarimushqan

36Jope markachömi juk discïpulu tarqan Tabita jutiyuq warmi. Tabita ninanqa griego idiömacho Dorcas ninanmi. Tsay warmimi imaypis alilata ruraq y waktsakunatapis yanapaq.

37Qeshyawan wanuykuptinmi armarkatsir wayi janancho kaykaq cuartuman tsutarqan.

38Jopipita Lida markamanqa cercalami kaykan. Tsawraqa Lidacho Pedro kaykashqanta mayaykurmi ishkay runakunata discïpulukuna kacharqan kayno nir ruwakamunanpaq: <>.

39Tsawraqa paykunawan Pedro aywar chayaykuptinmi yaykatsirqan aya tsutaraykashqan cuartuman. Tsaychömi Tabita yanapashqan viüdakuna waqar Pedruta rikatsipäkurqan paykunapaq rurapashqan röpankunata.

40Tsawraqa tsaycho kaykaqkunata waqtaman qarqurir qonqurpakuykur Tayta Diosta Pedro manakurqan. Nirkurmi ayata kayno nirqan: <<¡Tabita, sharkuy!>>

Tsayno niptinmi wanushqa tsutaraykashqanpita jinan höra kawarimur Pedruta rikärir jamarkurqan.

41Tsaymi makipita tsarirkur Pedro sharkatsirqan. Tabita kawarimushqanta rikananpaqnami waqtacho kaykaq viüdakunata y wawqi panikunata qayarqan.

42Tabita kawarimushqanta intëru Jope markacho mayapäkurmi Señor Jesucristuta atskaq chaskikärirqan.

43Tsay markachömi suëla ruraq Simónpa wayincho atska junaq Pedro patsararqan.