1Kaychömi qelqaraykan filisteo runakunapaq profëta Jeremíaswan Tayta Dios wilakatsishqan. Tsay witsan Gaza markata manaraqmi Faraón atacarqanraqtsu.
2<
Mayu cargashqa aywar intëru pampapa mashtakaqnömi norti kaq lädupita soldädukuna shapäkamunqa.
Shamurmi intëru Filistea nacioncho kaq markakunaman juntakanqa.
Tsayta rikarmi tsaycho taq runakuna pasaypa mantsakashpan maytsaychöpis waqapäkunqa.
3Cawallukuna patatayla aywashqan, carrëtakuna taqrarashqan y ruëdankuna aywashqanpis mantsakuypaqmi mayakanqa.
Tsayta mayarmi runakuna ichipayta mana kamäpakur tsurinkunatapis kachariykur qeshpir aywakärinqa.
4< Tiro runakunata y Sidón runakunata yanapaq nacionkunata lapantami ushakätsishaq. Paykunata ushakätsishaq wakin yanapaqnin nacionkunata ushakätsishqänömi. Caftor islapita shamuq filisteo runakunata noqami ushakätsishaq. 5Gaza markacho taq runakuna fiyupa lakikushpanmi aqtsankunatapis rutukärinqa. Ascalón markacho taq runakunapis upatakashqami rikakärinqa. Tsaycho taqkunami wanushkunapaq lakikur qarankunata pishtaypa pishtakunqa. 6< <¡Tayta Diospa espädan! ¡Imayyaqraq wanutsipäkamanki! ¡Imayraq jamanki! ¡Churaräkunaykiman kutikuyna!> 7< Noqa Tayta Diosmi espädäta kachamushqä Ascalón markata y lamar kuchuncho kaykaq markakunatapis ushakätsinanpaq. Tsaycho runakunata ushakätsinanpaqmi destinashqä>>.
Who We AreWhat We EelieveWhat We Do
2025 by iamachristian.org,Inc All rights reserved.
