2 Samuel 22 - Quechua Margos-Yarowilca-Lauricocha Bible（qvm）

David cantashqan Salmo 18

1Saúlpita y lapan contrankunapita salvaptinmi Tayta Diospaq David

2kayno nirqan:

< tsapämaqnï qaqami kaykan.

Payqa pakakunä y salvamaqnïmi kaykan.

3Pay japalanmi Diosnï kaykan.

Amparakunä qaqami kaykan.

Paymanmi yärakü.

Escüdü karmi tsapäman.

Munayniyuq karmi imaypis salvaman.

Payqa altunnincho pakakunä machaymi kaykan.

Imaykapitapis salvamaqnïmi kaykan.

Wanutsimänanpaq kaykaptinpis paymi salvaman.

4 Tayta Diostami imaypis alabaläshaq.

Manakuptï conträkunapita imaypis salvaman.

5<

Imaykatapis apaq loqlanömi ushakätsimänanpaq karqan.

6Wanuypis reyätanwanmi watakarkamarqan.

Ushakätsimänanpaqmi trampata churapämarqan.

7Wanunäpaqna kashqanta yarparmi Tayta Diosta manakurqä.

Yanapamänanpaqmi Diosnïta ruwakurqä.

Ruwakuptï templunpita patsami mayamarqan.

Fiyupa lakikur manakushqätami wiyamarqan.

8<

Jana patsata tuknaraqkunapis siksikyarqanmi.

Tayta Dios rabyakuptinmi lapanpis kuyurqan.

9Senqanpitami qoshtaypis yarqamurqan.

Shiminpitami ninapis yarqamurqan.

Rawraykaq shanshatami aqtumurqan.

10Ciëlu punkuta kicharir kikinmi urämurqan.

Chakin uraqanchöpis yana pukutaymi karqan.

11 Querubín angilnin muntashqami pärimurqan.

Wayra jananchömi warakayla shamurqan.

12Paypa pakakunanqa yanawyaykaq tsakaymi karqan.

Yanawyaykaq pukutaymi payta tsapakurkurqan.

13Elquyno chipchipyaylami nawpanpita yarqamurqan.

Rawraykaq shanshalami tamyamurqan.

14< jana patsapita rimamushqanqa räyunömi mayakämurqan.

Ciëlupitami poderniyuq Diospa vozninpis mayakämurqan.

15Elquyninta flëchatanöraq jitamuptinmi conträkuna qeshpir wakpa kaypa aywakärirqan.

16Tayta Dios olqüpämuptinmi lamar rurinpis alayri rikakarqan.

Rabyar pükamuptinmi kay patsata tuknaraqkunapis rikakarqan.

17<

Lamar rurincho talpukashqano kaykaptïmi makinwan jorqarkamarqan.

18Munayniyuq conträkunapa makinpitami jorqamarqan.

Noqapita mas poderösu kaptinpis paymi salvamarqan.

19Pasaypa desgracia pasaykämaptinmi conträkuna atacamarqan.

Tsayno kaykaptïmi Tayta Dios yanapamarqan.

20Yanapamarmi aliman churamarqan.

Kuyamashpanmi salvamarqan.

21Munashqanno kawaptïmi jorqamarqan.

Alilata ruraq kaptïmi salvamarqan.

22 Tayta Dios munashqannömi imaypis kawaykä.

Jutsata mana ruraypami payta imaypis qatiraykä.

23Nishqankunataqa lapantami yarparaykä.

Estatütunkunataqa imaypis cumpliykämi.

24Noqaqa pay munashqannömi kawashqä.

Lutan ruraykunapitapis witikushqämi.

25Alilata ruraq kaptïmi ima desgraciapitapis Tayta Dios tsapämashqa.

Jutsaynaq kashqäta musyarmi yanapamashqa.

26<

Alilata ruraqkunataqa yanapankimi.

27Ali kawaqkunataqa alimi rikaykanki.

Trampösu kaqkunatami itsanqa castigaykanki.

28Humildikunataqa salvaykankimi.

Runa tukuqkunatami itsanqa manakaqman churaykanki.

29 Tayta Diosnilä, noqapaqqa atskinömi kaykanki.

Tsakäpakushqano kaptïpis qammi tantiyatsimanki.

30Yanapamaptikimi atska soldädukunatapis vincishaq.

Marka murällan altu kaptinpis achpaypami yaykushaq.

31<

Lapan promitishqantapis payqa cumplinmi.

Payman yärakuqkunataqa escüdunömi tsapan.

32 Tayta Diospita mas juk Diosqa manami kantsu.

Tayta Diosnintsinöqa manami pipis tsapämantsitsu.

33Tayta Dios kikinmi kalpatapis qoman.

Pay pusharämaptinmi munashqanno ali kawä.

34Pay yanapamaptinmi luychunöraq warakayla aywä.

Puntakunapa purirpis mana lutskakaypami purï.

35Guërracho ali pelyaq kanäpaqpis paymi yachatsiman.

Bronci flëchata wimpitsinäpaqpis paymi kalpata qoman.

36<

Kuyapämarmi lapanchöpis yanapamashqanki.

37Qammi shumaq tantiyatsimashqanki maypa aywarpis munashqaykino kawanäpaq.

38<

Lapanta wanurkatsirraqmi jamaykushqä.

39Paykunataqa chipyaqmi ushashqä.

Vincishpämi majaypa majar ushashqä.

Manami paykunaqa yapay conträ sharkapäkushqatsu.

40Qammi guërracho pelyanäpaq kalpata qomashqanki.

Conträkunatami munaynïman churamushqanki.

41Yanapamaptikimi kunkapita jarushqä.

Tsaynöpami chikimaqnïkunata lapanta ushakätsishqä.

42Paykunataqa qayakuptinpis manami pipis yanapashqatsu.

Tayta Diosta manakuptinpis manami cäsushqatsu.

43Jaruptin alpa ñutqushqannömi paykunatapis ushakätsishqä.

Mituta cällicho lanqushqannömi paykunataqa ushakätsishqä.

44Israel nacioncho conträ sharkapäkuptinpis qammi salvamashqanki.

Juk nacionkunapa mandaqnin kanäpaqmi churamashqanki.

Jäpa runakunami kanan sirviykäman.

45Juk lädu nación runakunapis munaynïchömi kaykan.

Imatapis rurananpaq niptïqa paykuna juklami rurapäkun.

46Tsay jäpa runakunaqa mantsakamanmi.

Qayaptïpis pakarashqanpita siksikyaykarmi yarqapäkamun.

47<<¡Alabashqa kaykulätsun Tayta Dios!

¡Alabashqa kaykulätsun tsapämaqnï!

¡Alabashqa kaykulätsun salvamaqnï!

48Conträ sharkuqkunata qammi castigashqanki.

Lapan nación runakunatapis munaynïmanmi churamushqanki.

49Qammi chikimaqnïkunapita salvamashqanki.

Conträ sharkuqkunapita libramashqanki.

Wanutsikuq runakunapitapis tsapämashqankimi.

50Tsaymi may nacioncho karpis qamta adorashayki.

Lapan shonqüwan cantarmi qamta alabashayki.

51Akrashqayki reyta lapanchömi yanapaykanki.

Davidta y paypita miraqkunatami imaypis kuyapaykanki>>.