Isaías 65 - Quechua Margos-Yarowilca-Lauricocha Bible（qvm）

Jutsa ruraqkunata castigananpaq nishqan

1Tayta Dios kaynömi nin:

<

Mana ashimaqkunatami parlapashqä.

Mana ruwakamaq runakunatami kayno nishqä: <¡Yanapanäpaq kaychömi kaykä!>

2Mana cäsukamaq runakunaman waran waranmi rikräta makyarashqä.

Yanapayta munaykaptïpis kikinkuna munashqannömi lutankunata rurar kawarkaykan.

3Nawpächo lutankunata mana kachaypa rurashpanmi pasaypa rabyanätsiman.

Ïdulukunapaq sacrificiutapis huertakunachömi rupatsipäkun.

Adöbiwan perqashqa altarkunachöpis ïdulukunapaqmi inciensuwan qoshtatsipäkun.

4Wanushkunapa almankunata tapukurmi panteonkunacho waräkärin.

Kuchi aytsatami mikupäkunpis.

Mana mikuna uywakunapa aytsantami caldurkaykan.

5<

<¡Noqakuna qamkunapita mas santumi karkaykä!

¡Nawpäman ama witipäkamuytsu!

¡Ama yatapäkamaytsu!>

<

Nina mana upiypa rataqnömi lutankunata mana kachaypa rurarkaykan.

6Paykuna jutsata rurashqan lapanmi librücho qelqaraykan.

Mana castigaypaqa manami kachaykushaqtsu.

Lutankunata rurashqanman tupumi castigashaq.

7Unay aylunkunanölami jirkakunacho inciensuwan ïdulukunata qoshtarkaykätsin.

Jirkankunacho ïdulukunata adorarmi rabyaykätsiman.

Tsaymi kikinkunapa jutsanpita y unay aylunkunapa jutsanpita castigashaq.

Lutankunata rurashqanman tupumi castigashaq>>.

Tayta Diosmi tsayno nin.

Sirviqninkunata salvananpaq nishqan

8 Tayta Diosmi kayno nin:

<

.

Runakuna nishqannölami noqapis jutsa ruraqkunata ushakätsirpis sirvimaqnïkunataqa salvashaq.

9Tsaymi nacionnïcho tänanpaq Israel runakunapita y Judá runakunapita akrashaq.

Tsay akrashqä runakunapa herencianmi kay nación kanqa.

Sirvimaqnïkuna kashpanmi kaycho tanqa.

10Sarón pampapis noqaman yärakamuq runakunapa uysha mitsikunanmi kanqa.

Acor Pampachöpis wäkankunatami mitsikärinqa.

11<

Sagrädu jirkätapis manami cäsupankinatsu.

nirmi ïdulukunapaq mikuykunata aparkaykanki.

nirmi vïnutapis jichaparkaykanki.

12Tsayno rurashqaykipitami espädawan wanutsishunaykipaq destinashayki.

Qayakuptïpis manami mayamashqankitsu.

Parlapaptïpis manami cäsumashqankitsu.

Qamkunaqa mana munashqä kaqta y mana gustämashqan kaqtami rurarkaykanki>>.

13Tsaymi Tayta Dios kayno nin:

<

Qamkunami itsanqa yarqanankipaq.

Sirvimaqnïkuna upunanpaqpis yaku kanqami.

Qamkunami itsanqa pasaypa yakunankipaq.

Sirvimaqnïkunaqa kushishqami kawapäkunqapaq.

Qamkunami itsanqa penqaycho kankipaq.

14Sirvimaqnïkunaqa lapan shonqunwan kushikurmi cantapäkunqa.

Qamkunami itsanqa shonqu nanaywan ataypa atar waqankipaq.

15<

Tsaymi pipis rabyanätsiq runata maldicionar kayno ninqa:

.

Sirvimaqnïkunatami itsanqa mushuq jutita churapäshaq.

16Tsay witsan pipis bendicionta qoq kaqqa noqapa jutïchömi bendicionta qonqa.

Tsaynölami pipis juraq kaqqa noqapa jutïcho juranqa.

Unay nakashqankunatapis qonqaykärinqami.

Jutsata rurapäkushqanpita castigashqätapis manami yarparanqanatsu>>.

Ciëlupis y kay patsapis mushuq kananpaq nishqan

17<Lapanpis mushuqna kaptin unay pasashqan kaqkunataqa pipis manami yarpanqanatsu.

18Tsayno kananpaq kaykaptinqa ¡kushikäriy!

Kushikuypaq kananpaqmi mushuq Jerusalénta kamashaq.

Tsaycho taqkunaqa kushishqami imayyaqpis kawapäkunqa.

19Mushuq Jerusalénta rikar kikïpis kushikushaqmi.

Kuyashqä runakuna tsaycho taykaqta rikar shumaqmi kushikushaq.

Tsaychöqa manami waqaypis ni lakikuypis kanqanatsu.

20<

Awkinkunapis pasaypa awkinyashqanyaqmi kawanqa.

Pachak (100) watayuq wanuqkunapis mözularaq kaykar wanuqnömi kanqa.

Pachak watamanpis manaraq chayar wanuqtaqa maldicionädu kashqantami nipäkunqa.

21<

Üvata plantarmi wayuyninta mikupäkushpan kawanqa.

22Wayita sharkatsishqanchöpis manami juk runakunatsu tanqa, sinöqa kikinkunami tsaycho tanqa.

Üvata plantashqantapis manami juk runakunatsu palar apakärinqa, sinöqa kikinkunami palapäkunqa.

Yörakuna atska wata kashqannömi kuyashqä runakunapis atska wata kawapäkunqa.

Ali arukurmi akrashqä runakuna kushishqa kawapäkunqa.

23Manakaqlapaqqa manami arukärinqatsu.

Wamrankunapis manami wanunqanatsu.

Tsayno kanqa bendicionnïta chaskiq runakunapita miraq kashpanmi.

Paykunapita miraqkunapis tsaynölami bendicionnïta chaskipäkunqa.

24<

Ruwakamayta manaraq ushaptinmi paykunata awnishaq.

25Uyshawan atuqpis talukashqami qewata mikunqa.

Leonpis wäkanömi qewata mikunqa.

Culebrami itsanqa maldicionädu kar alpalata mikur kawanqa.

Sagrädu jirkannïchöqa manami pipis mana alikunata ruranqanatsu>>.

Tayta Diosmi tsayno nin.