Salmo 60 - Quechua Margos-Yarowilca-Lauricocha Bible（qvm）

Salmo 60 (59)Yanapananpaq Tayta Diosta manakushqan Salmo 108.6-13 1-2 (1-2) Cantaqkunapa mandaqninpaqmi. Liriu waytakuna nishqan tönuwan kay testimoniu salmuta cantapäkunki. David qelqashqan salmu. Yachatsinapaqmi. Naharaim particho y Soba particho taq Aram runakunawan pelyashqanta yarparmi kay salmuta qelqarqan. Tsaynöpis kay salmuta qelqarqan Joab tsaypita kutir chunka ishkay waranqa (12,000) edomita runakunata Kachi Pampacho wanutsishqanta yarparmi.

5 5 (7) ¡Munaynikiwan noqakunata salvaykalämay!

Tsaynöpami kuyashqayki runakuna kar librina kapäkushaq.

6 6 (8) Templunchömi Tayta Dios kayno nirqan:

<

7 7 (9) Galaad runakuna y Manasés runakuna tashqanpis noqapami kaykan.

Efraín runakunaqa pelyacho tsapakunä cascumi kaykan.

Judá runakunaqa mandanä värami kaykan.

8 8 (10) Moab nacionqa maylakunä lavatoriumi kaykan.

Edom nacionmanmi lanqïta jitarishaq.

Filisteo runakunata vinciykurmi pasaypa kushikushaqpaq>>.

9 9 (11) Murallashqa markata atacanäpaq noqakunata ¿piraq pushamanman?

Edom nacionta atacanäpaq ¿piraq chayaykatsimanman?

10 10 (12) Tayta Dios, kacharimaptikiqa manami pipis kantsu noqakunata yanapamänanpaq.

Mananachaq soldädükunatapis yanapankinatsu.

11 11 (13) Runa yanapamashqanqa manakaqlapaqmi kanqa.

Chikimaqnïkunata supaynin apatsinäpaq yanapaykalämay.

12 12 (14) Tayta Dios yanapamaptintsiqa asulashunmi.

Paymi chikimaqnintsikunata ushakätsinqa.