1 Timoteo 4 - Quechua Margos-Yarowilca-Lauricocha Bible（qvm）

Lutan yachatsikuqkuna yurimunanpaq kashqan

1Espíritu Santumi tantiyatsimantsi shamuq watakunacho wakin runakuna Jesucristuman yärakushqanpita qepaman kutikur supaykuna munashqanno lutanta yachatsinanpaq kashqanta.

2Ishkay cära karmi lulakurpis penqakärinqatsu.

3Tsay lutan yachatsikuqkunaqa majayuq kay mana ali kashqantami nipäkunqa. Tsaynöpis wakin mikuykunata mana mikunantsipaq kashqantami nipäkunqa. Mana ali kashqanta niptinpis Jesucristuman yärakuqkunaqa agradëcikur mikupäkunanpaqmi Tayta Dios kamashqa.

4Tayta Dios kamashqankunaqa lapanpis alimi kaykan.Gén. 1.31. Majayuq kaypis Tayta Diospitami kaykan. Tsayno kaykaptinqa payta agradëcikur mikuytapis y majayuq kaytapis manakaqman ama churashuntsu.

5Tayta Diospa palabranta tantiyakur y payta manakur agradëcikuptintsiqa mikuykunapisGén. 9.3; Mar. 7.18-20. y majayuq kaypisGén. 2.18. alimi kaykan.

Jesucristupa ali sirviqnin kananpaq yachatsishqan

6Kay cartacho qelqashqäkunata wawqi panikunata shumaq yachatsirqa Jesucristupa ali sirviqninmi kankipaq. Tayta Diospa wilakuyninta yachakurqa y pay munashqanno kawarqa ali alimentakushqanömi kankipaq.

7Runakuna lutanta yachatsishqankunata ama chaskipaytsu. Puklaqkuna fïsicata rurashqanno qampis Tayta Dios munashqanno kawanaykipaq yachakuy.

8Física rurayqa kay patsacho kawashqantsiyaqlami ali kaykan. Tayta Dios munashqanno kawaymi itsanqa kay patsacho y gloriachöpis ali kawanantsipaq kaykan.

9Kay nishqäqa rasun kaqmi kaykan. Tsaytaqa lapan runakuna chaskikäritsun.

10Tsayta tantiyakurmi imayyaqpis kawaq Tayta Diosman yärakushpantsi imano nakarpis wilakuyninta wilakuykantsi. Paymi Jesucristuta chaskikuq kaqtaqa pïmaytapis salvan.

11Kay cartacho qelqamushqäkunata cäsukärinanpaq yachatsiy.

12<> nipäkuptinpis ama cäsupaytsu. Tsaypa trukanqa wawqi panikuna rikakunanpaq ali shimilaykipa pïmaywanpis parlay, jutsata mana ruraypa kaway, runa mayikita kuyapay, Tayta Diosman imaypis yärakuy y pay munashqanno kaway.

13Chayamunäyaq Tayta Diospa palabranta wawqi panikunata liyipanki, yachatsinki y shakyätsinki.

14Jesucristuta sirvinaykipaq Espíritu Santu churaykäshuptikiqa lapan shonquykiwan imaypis sirviy. Tsayno churashushqanki profëtakuna qampaq wilakuptin y mayor wawqikuna umaykiman makinta churaykur Tayta Diosta manakäriptinmi.

15Kay yätsishqäkunata mana qonqaypa imaypis ruray. Ali kawashqaykita rikakushushpaykimi pïmaypis tantiyapäkunqa Tayta Dios munashqanno kawaykashqaykita.

16Jutsa rurayman paqta tuninkiman. Tsaynöpis paqta lutankuna imata yachaykätsinkiman. Rasun kaqlata yachatsir Tayta Dios munashqanno imaypis kaway. Tsayno kawashpaykimi kikikipis salvakunki y yachatsishqaykita chaskikuqkunapis salvakärinqa.