Nehemías 8 - Quechua Margos-Yarowilca-Lauricocha Bible（qvm）

Moisés qelqashqan leykunata runakunata liyipashqan

1Tsaypita juk junaqchönami lapan Israel runakuna Yaku jutiyuq punkucho kaq pläzaman juntakarqan. Tsaychömi yachatsikuq Esdrasta manakärirqan Moisés qelqashqan leykunata apamunanpaq. Tsay leykunatami Israel runakunata Tayta Dios unay entregashqa karqan.

2Tsayno manakuptinmi cüra Esdrasqa leykuna qelqaraykashqan rölluta aparqan runakuna, warmikuna y tantiyakuq wamrakunapis juntaraykashqanman. Tsay junaq karqan qanchis kaq killa punta kaq junaqmi.

3Yaku jutiyuq punkucho kaykaq pläzachömi tsay runakunata tutapita pulan junaqyaq röllupita liyiparqan. Liyipaptinmi lapan runakuna shumaq mayapäkurqan.

4Parlamunanpaq rurapäkushqan tabladïlluchömi yachatsikuq Esdrasqa runakunata yachatsinanpaq ichiraykarqan. Tsay tabladïlluqa tsay junaqpaq rurashqami karqan. Alawqa kaq nawpanchömi ichiraykarqan Matatías, Sema, Anías, Urías, Hilcías y Maasías. Itsuq kaq nawpanchönami ichiraykarqan Pedaías, Misael, Malquías, Hasum, Hasbadana, Zacarías y Mesulam.

5Runakuna rikaykaptinmi Esdrasqa rölluta kicharqan. Kichaptinmi runakuna ichikärirqan.

6Tsaymi Esdrasqa munayniyuq Tayta Diosta alabarqan. Runakunapis makinta joqarkurmi kayno nipäkurqan: <<¡Amén! ¡Tsayno kaykulätsun!>> Nirkurmi Tayta Diosta adorar urkunpis pampaman töpashqanyaq qonqurpakaykärirqan.

7 Levitakunami Esdras imata liyishqantapis runakunata shumaq tantiyatsirqan. Tantiyatsiptinmi runakuna mana kuyukuypana mayapäkurqan. Tsay levitakunami karqan Jesúa, Bani, Serebías, Jamín, Acub, Sabetai, Hodías, Maasías, Kelita, Azarías, Jozabed, Hanán y Pelaía.

8Tayta Diospa leyninkunata röllupita liyiparkurmi shumaq tantiyatsipäkurqan.

9Liyipashqanta mayaykurmi lakikushpan lapan runakuna waqapäkurqan. Tsaymi gobernador Nehemías, yachatsikuq cüra Esdras y leykunata tantiyatsiq levitakunapis kayno nipäkurqan: < adorana sagrädu junaqmi kaykan. Ama lakikäriytsu ni waqapäkuytsu>>.

10Mastami Esdras kayno nirqan: < kushikuyta qomaptintsiqa lakikuypis aywakunmi>>.

11Tsaynölami levitakunapis runakunata shoqar kayno nipäkurqan: <>.

12Tsayno nipäkuptinmi lapan runakuna aywapäkurqan mikuq y upuq. Liyipashqanta tantiyapäkushpanmi kushikuypita juknin jukninpis mikuyta qaranakur jatun fiestata rurapäkurqan.

Ramäda fiestata rurapäkushqan

13Waraynin junaqnami mayor runakuna, cürakuna y levitakuna yachatsikuq Esdraswan yapay juntakarqan leykuna imata niykashqantapis shumaq musyapäkunanpaq.

14Liyishpanmi tantiyapäkurqan qanchis kaq killacho fiestata rurar Israel runakuna ramädalacho tänanpaq Tayta Dios Moiséswan wilakatsir mandashqanta. patiunkunacho, Tayta Diospa templun patiucho, Yaku jutiyuq punku pläzacho y Efraín jutiyuq punku pläzacho.

17Juk lädu nacioncho taykashqanpita chayamuq lapan Israel runakuna ramädata ruraykur tsaycho patsakärirqan. Nunpa tsurin Josué kawashqan witsanpita patsa manami fiestata rurar ramädacho punupäkushqatsu kashqa. Tayta Dios nishqanno fiestata rurarmi runakuna pasaypa kushikärirqan.

18Tsay fiestata rurapäkurqan qanchis junaqmi. Qalaykunan junaqpita hasta ushanan junaqyaq Tayta Diospa leyninkunata waran waran Esdras liyiparqan. Pusaq kaq junaqchönami leycho nishqanno Tayta Diosta adorapäkunanpaq lapan juntakarqan.