1AFO eyen owo tiŋ, ndien, prophecy baŋa Gog, nyuŋ dɔhɔ, ete, Ntem ke Ɔbɔŋ Jehovah ɔdɔhɔ, ete, Sese, ami mmɔŋ nnam ikɔ ye afo Gog, ɔbɔŋ Rosh, Meshech, ye Tubal:
2ndien ami nyekabare fi, nnyuŋ nda fi usuŋ, nnyuŋ nnam fi oto ke ata esit edere, nnyuŋ nda fi nsim ikpɔ obot Israel:
3nyenyuŋ mmia fi utiga ke ubɔk ufien nduɔk, nnyuŋ nnam idaŋ fo eto fi ke nnasia eduɔŋɔ ke isɔŋ.
4Afo eyeduɔ ke ikpɔ obot Israel, kpa afo ye ofuri udim fo, ye mbon emi edude ye afo: nyeda fi nnɔ inuen kpukpru oruk mba, ye unam ikɔt, eta.
5Afo eyeduɔ ke iso isɔŋ; koro edi ami ndɔhɔ. Uyo Ɔbɔŋ Jehovah edi emi.
6Nyenyuŋ ŋkim ikaŋ ke Magog ye ke kpukpru mmɔ emi eduŋde ke mfre-idem ke mme isuo: ndien mmɔ eyefiɔk ete ke ami ndi Jehovah.
7Ndien nyenam mmɔ efiɔk edisana enyiŋ mi ke otu ikɔt mi Israel; ndinyuŋ nyakke aba (mmɔ) esabare edisana enyiŋ mi: ndien mme idut eyefiɔk ete ke ami Jehovah ndi edisana Abasi ke Israel.
8Ɔbɔŋ Jehovah ɔdɔhɔ ete, Sese, emedi, omonyuŋ odu, emi edi usen oro ŋkɔdɔhɔde.
9Ndien mme andiduŋ mme obio Israel eyewɔŋɔ eka ekefɔp, enyuŋ ekim ikaŋ ke ŋkpɔ-ekɔŋ, ye ke ikpɔ ye ŋkpri otu ekɔŋ, ye ke utiga, ye ke idaŋ, ye ke esaŋ ubɔk, ye ke mme eduat: ndien eyefɔp mmɔ ke ikaŋ ke ofuri isua itiaba:
10ndien mmɔ idibiomke eto ke ikɔt idi, inyuŋ isiakke isio ke mme akai; koro mmɔ eyeda ŋkpɔ-ekɔŋ ebara ikaŋ: enyuŋ ebume mmɔ emi ebumede mmɔ, enyuŋ ewo ŋwo ye mmɔ emi ewode mmɔ. Emi edi uyo Ɔbɔŋ Jehovah.
11Ndien ama ekem ke mme usen oro nyeda ebiet ubuk owo do ke Israel nnɔ Gog, kpa ebedeŋ mmɔ eke esaŋade ebe ke edem inyaŋ emi utin asiahade: enye onyuŋ akpan mmɔ eke esaŋade ebe: ndien do ke mmɔ edibuk Gog ye ofuri otu owo esie; enyuŋ esio enye enyiŋ, Hamon-gog.
12Ndien ufɔk Israel eyeda ɔfiɔŋ itiaba ebuk mmɔ, man enam isɔŋ asana.
13Ndien kpukpru mbio idut emi eyebuk mmɔ ndien eyewɔrɔ mmɔ etop, kpa usen eke ami ndidade ubɔŋ: Ɔbɔŋ Jehovah ɔdɔhɔ.
14Ndien mmɔ eyebahare owo enim kpukpru ini, ete, esaŋa ke isɔŋ ebe, man ebuk mme asaŋa ke isɔŋ mbe, kpa mmɔ eke esuhɔde ke iso isɔŋ, man anam enye asana; ke utit ɔfiɔŋ itiaba mmɔ eduŋɔ.
15Ndien mmɔ eke esaŋade ebe esaŋa ke isɔŋ ebe, ndien ke ini owo okutde ɔkpɔ owo, enye ada eto owuk ɔkpɔ ke ŋkaŋ, tutu mbon ubuk owo emen enye ebuk ke Hamon-gog.
16Ndien ŋko-ŋko mmɔ esio obio oro enyiŋ Hamonah (akamba otu owo). Ntem ke mmɔ enam isɔŋ emi asana.
17Ndien afo eyen owo, ntem ke Ɔbɔŋ Jehovah ɔdɔhɔ ete, Dɔhɔ inuen kpukpru oruk mba, ye kpukpru mme unam ikɔt, ete, Mbufo esop idem enyuŋ edi; eto ke ŋkan-ŋkuk ebono ke ebiet uwa eke ami ŋwade nnɔ mbufo, kpa akamba uwa ke enyɔŋ ikpɔ obot Israel, ndien mbufo eyeta unam, enyuŋ eŋwɔŋ iyip.
18Mbufo eyeta unam mbon uko, enyuŋ eŋwɔŋ iyip mbon ererimbot, eke okukim, ye eke nditɔ-erɔŋ, ye eke okpo ebot, ye eke enaŋ, kpukpru mmɔ ekpon idem enyuŋ eto ke Bashan.
19Ndien mbufo eyeta ikpɔŋ unam eyuhɔ, enyuŋ eŋwɔŋ iyip ekpa, eke editode ke uwa mi emi ndiwade nnɔ mbufo.
20Ndien mme horse, ye mbon horse, mbon uko, ye kpukpru mbon-ekɔŋ ke okpokoro mi eyeyuhɔ mbufo: Ɔbɔŋ Jehovah ɔdɔhɔ.
21Ndien nyenim ubɔŋ mi ke otu mme idut, ndien kpukpru mme idut eyekut ikpe mi emi ndinamde, ye ubɔk mi emi ndade ndori mmɔ ke idem.
22Ndien ufɔk Israel eyefiɔk ete ke ami Jehovah ndi Abasi mmimɔ, ɔtɔŋɔde ke usen oro ye ke nsinsi.
23Mme idut eyenyuŋ efiɔk ete ke eketaŋ ufɔk Israel efep ebaŋa mme idiɔk ido mmɔ, koro mmɔ ekeduede mi, ndien ami ndip mmɔ iso mi, nnyuŋ nda mmɔ nsin mme asua mmɔ ke ubɔk: ndien kpukpru mmɔ eduɔŋɔ ke ofut.
24Ŋkanam mmɔ nte ekemde ke ndek mmɔ, ye ke mme idiɔk ido mmɔ, nnyuŋ ndip mmɔ iso mi.
25Mmɔdo ntem ke Ɔbɔŋ Jehovah ɔdɔhɔ ete, Ke emi ke ndida nditɔ Jacob emi eketaŋde efep, mfiak ndi, nnyuŋ ntua ofuri ufɔk Israel mbɔm, nnyuŋ mfibe ufup mbaŋa edisana enyiŋ mi;
26ndien mmɔ eyebiom but mmɔ ye ofuri mme ukwaŋ-ŋkpɔ mmɔ emi enamde ye ami, ke ini mmɔ eduŋde ke isɔŋ mmɔ ke ifure, ndien baba owo kiet eke anamde mmɔ edikhe ididuhe.
27Ke ini ndade mmɔ ke mme idut nnyɔŋ ndi, nnyuŋ ntaŋde mmɔ mfep ke mme obio mme asua mmɔ mbon, enyuŋ enimde mi ke edisana ke otu mmɔ ke enyin ediwak mme idut;
28Ndien mmɔ eyefiɔk ete ke ami ndi Jehovah Abasi mmɔ, koro ŋkayakde etaŋ mmɔ efep enɔ mme idut: ndien mmataŋ mbon ke isɔŋ mmɔ, nnyuŋ ŋkpɔŋke aba owo mmɔ ndomo kiet do.
29Ndien ndidipke aba mmɔ iso mi: koro nduɔkde ufɔk Israel spirit mi ke idem. Uyo Ɔbɔŋ Jehovah edi emi.
Who We AreWhat We EelieveWhat We Do
2025 by iamachristian.org,Inc All rights reserved.
