1UYO Abasi emi abaŋa Moab: koro Ar Moab amabiara, amatak, ke okoneyo kiet; koro Kir Moab amabiara, amatak, ke okoneyo kiet.
2Mmɔ edɔk ke Bayith, ye ke Dibon, ye mme edikoŋ obot, man etua eyet: Moab ke atua ke Nebo, ye ke Medeba: ibɔ odu ke kpukpru ibuot mmɔ, emekporo kpukpru ntaŋebek.
3Mmɔ ebɔbɔ ɔfɔŋ-ikpo ke idem ke efak mmɔ: ofuri obio ke etua ke enyɔŋ ɔkɔm mmɔ, ye ke aŋwa mmɔ, ke esuhɔre etua eyet.
4Heshbon onyuŋ eseme, ye Elealeh: ekop uyo mmɔ tutu esim ke Jahaz: oro esin mbon-ekɔŋ Moab efioride; ukpɔŋ oyomo mmɔ ke idem mmɔ.
5Esit mi ke eseme abaŋa Moab; nditɔ esie emi ebɔhɔde emesim ke Zoar, ke Eglath-shelishiyah: koro edɔkde obot Luhith etua eyet; koro ke usuŋ Horonaim ke mmɔ emenere eseme nditaha.
6Koro mmɔŋ Nimrim eyekabare edi ndobo: koro nnyanyaŋa amasat, mbiet omokure, awawa ikɔŋ iduhe aba.
7Oro esin emen nsuhɔ ŋkpɔ eke owo ɔkɔde, ye inyene mmɔ, ebiom ekebe ebedeŋ mme willow.
8Koro eseme mmɔ akanarede adaŋa Moab okuk; ntuaŋa esie omosim ke Eglaim, ntuaŋa esie omonyuŋ osim ke Beer-elim.
9Koro iyip ɔyɔhɔde ke mmɔŋ Dimon: koro ndidade idiɔk-ŋkpɔ efen ŋkɔrɔ Dimon, nyeda lion ntiene nditɔ Moab emi ebɔhɔde, ye ubak isɔŋ emi ɔsuhɔde.
Who We AreWhat We EelieveWhat We Do
2025 by iamachristian.org,Inc All rights reserved.