JOSHUA 21 - Efik Old Bible With Sectional Headings

Mme Obio Emi Enɔde Mme Levites

1EKEM mme etubom mme Levite esaŋa ekpere Eleazar oku, ye Joshua eyen Nun, ye mme etubom mme ete mme esien nditɔ Israel;

2enyuŋ edɔhɔ mmɔ ke Shiloh ke isɔŋ Cannan, ete, Jehovah ama owuk ke ubɔk Moses, ete enɔ nnyin obio iduŋ, ye mben-isɔŋ mmɔ ke eke ufene nnyin.

3Ndien nditɔ Israel esio mme obio emi ye mben-isɔŋ ke udeme mmɔ, enɔ Levite, ke uyo Jehovah.

4Ndien afia ɔwɔrɔ ɔnɔ ubon mme Kohathite: ndien nditɔ Aaron oku, emi etode ke mme Levite, eda obio duopeta ke afia, ke esien Judah, ye ke esien Simeon, ye ke esien Benjamin.

5Ndien nditɔ Kohath eken eda obio duop ke afia, ke otu mme ubon esien Ephraim, ye ke esien Dan, ye ke ubak esien Manasseh.

6Ndien nditɔ Gershon eda obio duopeta ke afia ke otu mme ubon esien Issachar, ye ke esien Asher, ye ke esien Naphtali, ye ke ubak esien Manasseh ke Bashan.

7Ndien nditɔ Merari, ke ubon ke ubon, eda obio duopeba ke afia ke esien Reuben, ye ke esien Gad, ye ke esien Zebulun.

8Ntem ke nditɔ Israel emen mme obio emi ye mben-isɔŋ mmɔ, enɔ mme Levite ke afia, kpa nte Jehovah eketemede ke ubɔk Moses.

9Ndien mmɔ esio obio emi ekotde enyiŋ mmɔ emi ke esien nditɔ Judah, ye ke esien nditɔ Simeon, enɔ;

10ndien nditɔ Aaron emi etode ke mme ubon mme Kohathite, ke otu nditɔ Levi, eda ntem: koro akpa afia ɔwɔrɔde ɔnɔ mmɔ.

11Ndien mmɔ eda Kiriath-arba, obio ete Anak, enye edi Hebron, ke ikpɔ obot Judah, ye mben-isɔŋ esie emi akande enye okuk enɔ mmɔ.

12Edi emen iŋwaŋ obio oro, ye mme obio iŋwaŋ esie, enɔ Caleb eyen Jephunnah ada enyene.

13Ntre ke mmɔ emen Hebron ye mben-isɔŋ esie enɔ nditɔ Aaron oku, enim ke obio-ubɔhɔ owot-owo; ye Libnah ye mben-isɔŋ esie,

14ye Jattir ye mben-isɔŋ esie, ye Eshtemoa ye mben-isɔŋ esie,

15ye Holon ye mben-isɔŋ esie, ye

16Debir ye mben-isɔŋ esie, ye Ain ye mben-isɔŋ esie, ye Juttah ye mben isɔŋ esie, ye Beth-shemesh ye mben-isɔŋ esie; obio usukkiet ke otu esien iba emi.

17Mmɔ enyuŋ esio Gibeon ye mben-isɔŋ esie, ye Geba ye mben-isɔŋ esie ke esien Benjamin,

18enɔ ye Anathoth ye mben-isɔŋ esie, ye Almon ye mben-isɔŋ esie; obio inaŋ.

19Kpukpru obio nditɔ Aaron, mme oku, edi obio duopeta ye mben isɔŋ mmɔ.

20Ndien mme ubon nditɔ Kohath, mme Levite emi esuhɔde ke nditɔ Kohath, eda obio afia mmɔ ke esien Ephraim.

21Ndien enɔ mmɔ Shechem ye mben-isɔŋ esie ke obot Ephraim, ndidi obio-ubɔhɔ owot-owo; ye Gezer ye mben-isɔŋ esie,

22Ye Kibzaim ye mben-isɔŋ esie, ye Beth-horon ye mben isoŋ esie; obio inaŋ.

23Elteke ye mben-isɔŋ esie ke esien Dan ŋko, ye Gibbethon ye mben-isɔŋ esie,

24Ye Aijalon ye mben-isɔŋ esie ye Gath-rimmon ye mben isɔŋ esie; obio inaŋ.

25Ye Taanach ye mben-isɔŋ esie, ye Gathrimmon ye mben-isɔŋ esie; obio iba, ke ubak esien Manasseh.

26Kpukpru obio emi enɔde mme ubon nditɔ Kohath emi esuhɔde, edi obio duop ye mben isɔŋ mmɔ.

27Ndien mmɔ eda Golan ke Bashan ye mben-isɔŋ esie ke ubak esien Manasseh, enɔ nditɔ Gershon emi etode ke ubon mme Levite, ke eke obio-ubɔhɔ owot-owo; ye Be-eshterah ye mben isɔŋ esie; obio iba.

28Ndien ke esien Issachar mmɔ enɔ Kishion ye mben-isɔŋ esie, ye Daberath ye mben-isɔŋ esie,

29ye Jarmuth ye mben-isɔŋ esie; ye En-gannim ye mben-isɔŋ esie; obio inaŋ.

30Ke esien Asher ŋko, Mishal ye mben-isɔŋ esie; ye Abdon ye mben-isɔŋ esie,

31Ye Helkath ye mben isɔŋ esie, ye Rehobye mben-isɔŋ esie obio inaŋ.

32Ye Kedesh ke Galilee ye mben-isɔŋ esie, ke eke obio-ubɔhɔ owot-owo, ke esien Naphtali; ye Hammothdor ye mben-isɔŋ esie, ye Kartan ye mben-isɔŋ esie: obio ita.

33Kpukpru obio mme Gershonite, ke ubon, ke ubon, edi obio duopeta ye mben-isɔŋ mmɔ.

34Ndien mmɔ eda Jokneam ye mben-isɔŋ esie ke esien Zebulun, enɔ mme ubon nditɔ Merari, mme Levite emi esuhɔde, ye Kartah ye mben-isɔŋ esie,

35Ye Dimnah ye mben-isɔŋ esie, ye Nahalal ye mben-isɔŋ esie; obio inaŋ.

36Ye Bezer ye mben-isɔŋ esie ke esien Reuben, ye Jahaz ye mben-isɔŋ esie,

37ye Kedemoth ye mben-isɔŋ esie, ye Mephaath ye mben-isɔŋ esie; obio inaŋ.

38Ye Ramoth ke Gilead ye mben-isɔŋ esie ke esien Gad, ke eke obio-ubɔhɔ owot-owo, ye Mahanaim ye mben-isɔŋ esie,

39Ye Heshbon ye mben-isɔŋ esie, ye Jazer ye mben-isɔŋ esie; kpukpru obio edi inaŋ.

40Kpukpru obio nditɔ Merari ke ubon, ke ubon, emi esuhɔde ke otu ubon mme Levite, edi obio duopeba ke afia mmɔ.

41Kpukpru obio mme Levite ke ufɔt udeme nditɔ Israel, edi obio aba ye itiaita ye mben-isɔŋ mmɔ.

42Mme obio emi edi obio ye mben-isɔŋ, obio ye mben-isɔŋ akan okuk: ntem ke kpukpru obio oro etie.

43Ntem Jehovah ɔnɔ Israel ofuri isɔŋ oro enye ɔkɔŋwɔŋɔde, ete iyenɔ mme ete mmɔ; eda enye enyene, enyuŋ eduŋ ke esit.

44Jehovah onyuŋ ɔnɔ mmɔ nduɔk odudu akan okuk, nte enye ɔkɔŋwɔŋɔde kpukpru ɔnɔ mme ete mmɔ baba owo mme asua mmɔ kiet ikemeke ndida ke iso mmɔ; Jehovah emen kpukpru mme asua mmɔ esin mmɔ ke ubɔk.

45Baba ikɔ kiet ke kpukpru nti ikɔ oro Jehovah ɔkɔdɔhɔde ye ufɔk Israel ikpuho; kpukpru esu.