1 CHRONICLES 26 - Efik Old Bible With Sectional Headings

Mme Andikpeme Temple

1AMA edi ŋka mme etie-usuŋ: eke mme Korahite, Meshelemiah eyen Kore, emi otode ke nditɔ Asaph.

2Ndien Meshelemiah obon nditɔ-iren, Zechariah akpan, Jediael udɔ, Zebadiah ududɔ Jathniel ɔyɔhɔ inaŋ.

3Elam ɔyɔhɔ ition, Jehohanan ɔyɔhɔ itiokiet, Eliehoenai ɔyɔhɔ itiaba.

4Obed-edom onyuŋ obon nditɔ-iren, shemaiah akpan, Jehozabad udɔ, Joah ududɔ, Sacar ɔyɔhɔ inaŋ,

5Nethanel ɔyɔhɔ ition, Ammiel ɔyɔhɔ itiokiet, Issachar ɔyɔhɔ itiaba, Peullethai ɔyɔhɔ itiaita; koro Abasi ɔkɔdiɔŋɔde enye.

6Nditɔ enyuŋ emana enɔ Shemaiah eyen esie emi akarade ufɔk ete mmɔ: koro mmɔ edide mbon uko.

7Nditɔ Shemaiah; Othni, ye Rephael, ye Obed, ye Elzabad emi nditɔ ete esie edide nditɔ uko, Elihu ye Semachiah.

8Kpukpru mme mmɔ emi eto ke nditɔ Obed-edom: mmɔ, ye nditɔ-iren mmɔ, ye nditɔ-ete mmɔ, edi owo emi ekopde odudu utom, ubon Obed-edom ata ye iba.

9Meshelemiah onyuŋ enyene nditɔ ye nditɔ-ete, mkpɔsɔŋ owo, efureta.

10Hosah, emi otode ke nditɔ Merari ŋko enyene nditɔ-iren; Shimri etubom, (okposuk edi nte enye midige akpan, edi ete esie onim enye ke etubom;)

11Hilkiah udɔ, Tebaliah ududɔ Zechariah ɔyɔhɔ inaŋ, kpukpru nditɔ ye nditɔ-ete Hosah edi duopeta.

12Mme ŋka mme etie usuŋ emi, kpa mme etubom ikpɔ owo eda itie ukpeme ekem ye nditɔ-ete mmɔ ke erinam ŋkpɔ ke ufɔk Jehovah.

13Ndien mme mmɔ emi, ŋkpri ye ikpɔ, ke ufɔk ete, ke ufɔk ete esin afia, ebaŋa kpukpru inua otop.

14Ndien afia edem usiaha-utin ɔwɔrɔ Shelemiah. Ndien esin afia Zechariah eyen esie, ɔniɔŋ owo, emi ɔfiɔkde item; ndien afia edem edere ɔwɔrɔ ɔnɔ

15enye. Eke edem usuk-usuk ɔwɔrɔ ɔnɔ Obed-edom; ufɔk unim ŋkpɔ onyuŋ ɔwɔrɔ ɔnɔ nditɔ esie.

16Ndien eke edem usop-utin ye enyin-usuŋ Shallecheth ke efak emi edɔkde, ɔwɔrɔ ɔnɔ Shuppim ye Hosah, itie-ukpeme ekem ye itie-ukpeme.

17Levite itiokiet edu ke edem usiaha-utin, inaŋ ke edere, ke uwemeyo, inaŋ ke edem usuk, ke uwemeyo, ye iba-iba ke ufɔk unim-ŋkpɔ.

18Ke Parbar ke edem usop-utin, inaŋ ke efak, iba ke Parbar.

19Mme mmɔ emi edi ŋka mme etie-usuŋ nditɔ Kore, ye eke nditɔ Merari.

20Ndien eke mme Levite, Ahijah edi etubom ŋkpɔ-uto ufɔk Abasi, ye ŋkpɔ-uto emi enimde enɔ Abasi.

21Nditɔ Ladan, kpa nditɔ Gershonite emi enyenede Ladan, kpa mme etubom mme ete Ladan Gershonite, Jehieli.

22Nditɔ Jehieli; Zetham, ye Joel eyen-ete esie edi mme etubom ŋkpɔ-uto ufɔk Jehovah.

23Eke mme Amramite, ye eke mme Izharite, ye eke mme Hebronite, ye eke mme Uzzielite;

24ndien Shebuel eyen Gershom, eyen Moses, edi ɔbɔŋ ŋkpɔ-uto.

25Nditɔ-ete esie ŋko emi eketode Eliezer; Rehabiah eyen esie, ye Jeshaiah eyen esie, ye Joram eyen esie, ye Zichri eyen esie, ye Shelomoth eyen esie.

26Enye Shelomoth ye nditɔ-ete esie edi mme etubom kpukpru unim ŋkpɔ eke enimde, eke David edidem, ye mme etubom mme ete mbɔŋ mme tɔsin, ye eke mme ikie, mbɔŋ mbon-ekɔŋ ekenimde enɔ Abasi.

27Mmɔ ekesio ubak ŋkpɔ-ekɔŋ ye eke mbume enim enɔ Abasi, man enam ufɔk Jehovah ɔsɔŋ.

28Ndien kpukpru se Samuel okut ŋkukut okonimde, ye Saul eyen Kish, ye Abner eyen Ner, ye Joab eyen Zeruiah, ye owo ekededi eke okonimde, esine ke idak ubɔk Shelomoth ye nditɔ-ete esie.

29Eke mme Izharite, enim Chenaniah ye nditɔ esie enɔ utom ke Israel, utom eke miduhe ke esit ufɔk Abasi, utom uwet ŋwed ye eke mme ekpe ikpe.

30Mme Hebronite, Hashabiah, ye nditɔ-ete esie, mkpɔsɔŋ owo, tɔsin ye ikie itiaba, edi ndidaha Israel ke edem usop-utin Jordan, ke kpukpru utom Jehovah, ye ke erisaŋa ŋkpɔ edidem.

31Jerijah edi etubom mme Hebronite, (ama edi mme Hebronite, nte emana mmɔ ye mme ete edide, mmɔ eyom mmɔ ke ɔyɔhɔ isua ubɔŋ David aba, ndien ekut mbon uko ke otu mmɔ ke Jazer Gilead),

32ye nditɔ-ete esie, mkpɔsɔŋ owo, tɔsin mme etubom mme ete ke itie iba, ye ikie itiaba, ndien David edidem onim mmɔ ke mbɔŋ mme Reubenite, ye eke mme Gadite, ye eke ubak esien Manasseh, ke kpukpru ŋkpɔ Abasi ye ŋkpɔ edidem.