JOSHUA 15 - Efik Old Bible With Sectional Headings

Isɔŋ Emi Enɔde Esien Judah

1NDIEN afia nditɔ Judah ke ubon, ke ubon, osim adaŋa Edom ke wilderness Zin ke edem usuk, osim ata akpatre usuk.

2Ndien usuk-usuk adaŋa mmɔ ɔtɔŋɔ ke utit Inyaŋ Inuŋ, ke ituŋ emi esede usuk:

3ndien enye ada ediwɔrɔ ke edem usuk-usuk obot Akrabbim, ndien ebe aka Zin, ndien ɔdɔk ke edem usuk-usuk Kadesh-barnea, ndien ebe aka Hezron, ndien ɔdɔk ke Addar, ndien akanare ediwɔrɔ ke Karka:

4ndien ebe aka Azmon, ndien ediwɔrɔ ke akpa Egypt; ndien adaŋa oro etre ke mben inyaŋ. Emi edidi adaŋa mbufo ke edem usuk.

5Ndien adaŋa ke edem usiaha utin edi Inyaŋ Inuŋ, tutu osim ke inua Jordan. Ndien adaŋa ke edem edere ɔtɔŋɔ ke ituŋ inyaŋ emi odude ke inua Jordan:

6ndien adaŋa oro ɔdɔk aka ke Bethhoglah, onyuŋ ebe Beth-arabah ke edem edere; ndien adaŋa ɔdɔk aka ke itiat Bohan eyen Reuben:

7ndien adaŋa oro ɔkpɔŋ ebedeŋ Achor ɔdɔk ke Debir, ndien akabare edere-edere aka ke Gilgal, emi asakde iso ese obot Adummim, emi odude ke edem usuk-usuk idim; ndien adaŋa ebe aka mmɔŋ En-shemesh, ndien utit esie ɔwɔrɔ ke En-rogel.

8Ndien adaŋa oro asaŋa ke itihere eyen Hinnom ada ɔdɔk ke edem usuk-usuk mme Jebussite; oro edi Jerusalem: ndien adaŋa ɔdɔk ke ibuot obot emi asakde iso ese itihere Hinnom, ke edem usop-utin, emi adade ke utit itihere mme Rephaim edere-edere.

9Ndien mmɔ enim adaŋa, ɔtɔŋɔde ke ibuot obot oro tutu osim ke idim mmɔŋ Nephtoah, ndien ada ediwɔrɔ ke mme obio obot Ephron; ndien enim adaŋa tutu osim ke Baalah, oro edi Kiriath jearim:

10ndien adaŋa oto ke Baalah akanade aka edem usop-utin, tutu osim ke obot Seir, ndien ebe aka edem obot Jearim ke edem edere-edere (enye edi Chesalon), ndien enye ɔsuhɔre aka ke Beth-shemesh, ndien ebe aka Timnah:

11ndien adaŋa ada ediwɔrɔ ke edem edere Ekron: ndien enim adaŋa aka Shikkeron, ndien enye ebe aka obot Baalah, ndien ada ediwɔrɔ ke Jabneel; ndien utit adaŋa emi ɔwɔrɔ ke mben inyaŋ.

12Ndien adaŋa edem usop-utin edi Akwa Inyaŋ kpa mben esie. Emi edi adaŋa nditɔ Judah emi akanarede okuk, ke ubon, ke ubon.

13Ndien enye ɔnɔ Caleb eyen Jephunneh udeme ke ufɔt nditɔ Judah, kpa nte jehovah ɔkɔdɔhɔde Joshua, kpa obio Arba ete Anak, enye edi Hebron.

14Ndien Caleb osio nditɔ Anak ita ke ɔtɔ oro efep, Sheshai, ye Ahiman, ye Talmai, nditɔ Anak.

15Ndien enye oto do ɔdɔk aka ke ɔtɔ mme andiduŋ Debir: ndien enyiŋ Debir ekere Kiriath-sepher ke akpa ini.

16Ndien Caleb ɔdɔhɔ ete, Owo eke edikande Kiriath-sepher, onyuŋ ada enye, nyeda Achsah eyen mi aŋwan nnɔ enye ɔdɔ.

17Ndien Othniel eyen Kenaz, eyen-ete Caleb, ada enye (obio): ndien Caleb emen Achsah eyen esie aŋwan ɔnɔ enye ɔdɔ.

18Ekem adaŋemi ŋwan edide, ŋwan onuk enye, ete ebeŋe ete imɔ iŋwaŋ: ndien ŋwan ɔsɔp odorore ke ass; ndien Caleb obup enye, ete, Oyom nso?

19Ndien enye ɔdɔhɔ, ete, Nɔ mi eti ŋkpɔ kiet: koro afo ɔnɔde mi edisat isɔŋ; nyuŋ nɔ mi idim mmɔŋ ŋko. Ndien enye (ete) ɔnɔ enye idim obot ye idim usuhɔre.

20Emi edi udeme esien nditɔ Judah, ke ubon, ke ubon.

21Ndien mme obio ke utit esien nditɔ Judah, emi ekperede adaŋa Edom ke usuk, edi Kabzeel, ye Eder, ye Jagur,

22ye Kinah, ye Dimonah, ye Adadah,

23ye Kedesh, ye Hazor, ye Ithnan.

24Ye Ziph, ye Telem, ye Bealoth,

25ye Hazor-hadattah, ye Kerioth-hezron, (oro edi Hazor);

26ye Amam, ye Shema, ye Moladah,

27ye Hazar-gaddah, ye Heshmon,

28ye Beth-pelet, ye Hazar-shual, ye Beer-sheba, ye Biziothiah,

29ye Baalah, ye Iim,

30ye Ezem, ye Eltolad, ye Chesil,

31ye Hormah, ye Ziklag, ye Madmannah,

32ye Sansannah, ye Lebaoth ye Shilhim, ye Ain, ye Rimmon: kpukpru obio edi edip ye usukkiet, ye mme obio iŋwaŋ mmɔ.

33Ke una-isɔŋ edem inyaŋ, Eshtaol,

34ye Zorah, ye Ashnah, ye Zanoah, ye Engannim, ye Tappuah,

35ye Enam, ye Jarmuth, ye Adullam,

36ye Socoh, ye Azekah, ye Shaaraim, ye Adithaim, ye Gederah, ye Gederothaim: obio duopenaŋ, ye obio iŋwaŋ mmɔ:

37Zenan, ye Hadashah, ye Migdalgad,

38ye Dilan, ye Mizpeh, ye Joktheel,

39Lachish, ye Bozkath, ye Eglon,

40ye Cabbon, ye Lahmam, ye Chithlish,

41ye Gederoth, ye Bethdagon, ye Naamah, ye Makkedah: obio efurekiet, ye mme obio iŋwaŋ mmɔ:

42Libnah, ye Ether, ye Ashan,

43ye Iphtah, ye Asshnah,

44ye Nezib, ye Keilah, ye Achzib, ye Mareshah: obio usukkiet, ye mme obio iŋwaŋ mmɔ:

45Ekron, ye mme obio esie, ye mme obio iŋwaŋ esie:

46ɔtɔŋɔde ke Ekron aka edem inyaŋ, kpukpru se ikperede Ashdod, ye mme obio iŋwaŋ esie:

47Ashdod, ye mme obio esie, ye mme obio iŋwaŋ esie, ye Gaza ye mme obio esie ye mme obio iŋwaŋ esie, tutu osim ke akpa Egypt, ye Akwa Inyaŋ ye mben esie.

48Ndien ke ikpɔ obot, Shamir,

49ye Jattir, ye Socoh, ye Dannah, ye Kiriath-sannah, oro edi Debir,

50ye Anab, ye Eshtemoh, ye Anim

51ye Goshen, ye Holon, ye Giloh, obio duopekiet ye obio iŋwaŋ mmɔ.

52Arab ye Dumah, ye Eshan,

53ye Jamin, ye Bethtappuah,

54ye Aphekah, ye Humtah, ye Kiriath-arba (oro edi Hebron), ye Zior: obio usukkiet,

55ye mme obio iŋwaŋ mmɔ: Maon, ye Carmel, ye Ziph, ye Jutah,

56ye Jezreel, ye Jokdeam, ye Zanoah,

57Kain, ye Gibeah, ye Timmah; obio duop ye mme obio iŋwaŋ mmɔ;

58Halhul, ye Beth-zur,

59ye Gedor, ye Maarath, ye Bethanoth, ye Eltekon; obio itiokiet,

60ye mme obio iŋwaŋ mmɔ: Kiriath-baal (oro edi Kiriath-jearim), ye Rabbath; obio iba ye mme obio iŋwaŋ mmɔ.

61Ke wilderness, Beth-arabah, ye Middin,

62ye Secacah, ye Nibshan, ye Obio Inuŋ, ye En-gedi; obio itiokiet, ye mme obio iŋwaŋ mmɔ.

63Ama edi mme Jebusite emi eduŋde ke Jerusalem, nditɔ Judah ikwe nte ebinde mmɔ efep: edi mme Jebusite eduŋ ye nditɔ Judah ke Jerusalem tutu osim mfin emi.