NEHEMIAH 12 - Efik Old Bible With Sectional Headings

Mme Oku ye Mme Levites

1NDIEN mme mmɔ emi edi mme oku ye mme Levite emi ekedɔkde ye Zerubbabel eyen Shealtiel, ye Jeshua: Seraiah, Jeremiah, Ezra,

2Amariah, Mal-luch,

3Hattush, Shedaniah, Rehum,

4Meremoth, Iddo, Ginne-thoi,

5Abijah, Mijamin, Maadiah

6Bilgah, Shemaiah, ye Joiarib, ye Jedaiah,

7Sallu, Amok, Hilkiah, Jedaiah. Mme mmɔ emi edi mme etubom mme oku, ye eke nditɔ-ete mmɔ ke eyo Jeshua.

8Mme Levite ŋko: Jeshua, Bin-nui, Kadmiel, Sherebiah, Judah, ye Mattanieh, emi edide etubom mbon ekɔm, enye ye nditɔ-ete esie.

9Ndien Bakbukiah ye Unno, nditɔ-ete mmɔ eda ekem ye mmɔ ke itie-ukpeme.

10Ndien Jeshua obon Joiakim, Joiakim onyuŋ obon Eliashib, Eliashib onyuŋ obon Joiada,

11ndien Joiada obon Jonathan, ndien Jonathan obon Jaddua.

12Ndien ke eyo Joiakim mme oku, mme etubom mme ete ekedu: eke Seraiah, Meraiah; eke Jeremiah, Hananiah;

13eke Ezra, Meshullam; eke Amariah, Jehohanan;

14eke Malluchi, Jonathan; eke Shebaniah, Joseph;

15eke Harim, Adna; eke Meraioth, Helkai;

16eke Iddo, Zechariah;

17eke Ginnethon, Meshullam, eke Abijah, Zichri; eke Miniamin; eke Moadiah, Piltai;

18eke Bilgah, Shammua; eke Shemaiah, Jehonathan;

19ye eke Joiarib, Mattenai;

20eke Jedaiah, Uzzi; eke Sallai, Kallai; eke Amok, Eber;

21eke Hilkiah Hashabiah; eke Jedaiah, Nethanel.

22Ekewet mme Levite, kpa mme etubom mme ete, ke eyo Eliashib, Joiada, ye Johanan, ye Jaddua: ye mme oku ŋko, tutu osim ini ubɔŋ Darius a Persia.

23Ekewet nditɔ Levi, mme etubom mme ete esin ke ŋwed ikɔ usen tutu osim ke eyo Johanan eyen Eliashib.

24Ndien mme etubom mme Levite: Hashabiah, Sherebiah, ye Jeshua eyen Kadmiel, ye nditɔ-ete mmɔ edu ye mmɔ ke eritoro, nnyuŋ ŋkɔm, ke ewuhɔ David owo Abasi, utɔ ekem ye utɔ.

25Mattanieh, ye Bakbukiah, Obadiah, Meshullam, Talmon, ye Akkub edi mme etie-usuŋ, enyuŋ ekpeme mme ufɔk unim-ŋkpɔ ke inua otop:

26mme mmɔ emi edu ke eyo Joiakim eyen Jeshua, eyen Jozadak, ye ke eyo Nehemiah andikara, ye eke Ezra oku, ɔfiɔk-ŋwed.

27Ndien ke ini mmɔ enimde ibibene Jerusalem enɔ Abasi, mmɔ eyom mme Levite ke kpukpru ebiet mmɔ, man eda mmɔ edi ke Jeusalem, man enim ibibene ke idara, ye ke ekɔm, ye ke ikwɔ, ye ke cymbal, ye psaltery, ye harp.

28Ndien nditɔ mme ɔkwɔ-ikwɔ eto ke edem emi akande Jerusalem okuk, ye ke mme obio iŋwaŋ mme Netophathite, edibono;

29enyuŋ eto ke Beth-gilgal, ye ke iŋwaŋ Geba, ye Azmaveth: koro mme ɔkwɔ-ikwɔ ekebɔpde obio ke idem mmɔ ekan Jerusalem ekuk.

30Ndien mme oku ye mme Levite enam idem mmɔ esana, enyuŋ enam mbio-obio, ye inua-otop, ye ibibene oro, esana.

31Ndien nda mbɔŋ Judah ndɔk ke enyɔŋ ibibene, ndien ntim nnim ikpɔ ŋka ekɔm, ye udim isaŋ iba; kiet ke nnasia ke enyɔŋ ibibene inua-otop ifum:

32ndien Hoshaiah ye ubak mbɔŋ Judah esaŋa mmɔ ke edem,

33ye Azariah, ye Ezra, ye Meshullam,

34ye Judah, ye Benjamin, ye Shemaiah, ye Jeremiah,

35ye ndusuk nditɔ mme oku ekama mme ukorowo: kpa Zechariah eyen Jonathan, eyen Shemaiah, eyen Mattaniah, eyen Micaiah, eyen Zaccur, eyen Asaph:

36ye nditɔ-ete esie, Shemaiah, ye Azarel, ye Milalai, ye Gilalai, ye maai, ye Nethanel, ye Judah, ye Hanani, ekama ŋkpɔ-ikwɔ David owo Abasi ke ubɔk, ndien Ezra ɔfiɔk-ŋwed onyuŋ ebem mmɔ iso.

37Ndien adaŋemi mmɔ esimde inua-otop idim mmɔŋ emi adade ekem ye mmɔ, edɔk ke udigukot obio David, ke ɔtɔ emi ibibene ɔdɔkde, ke edem ufɔk David enyɔŋ-enyɔŋ, tutu mmɔ esim ke inua-otop mmɔŋ ke edem usiaha-utin.

38Ndien ŋka ekɔm eken asaŋa edikem ye mmɔ, ami nnyuŋ nsaŋa mmɔ ke edem, ye ubak owo ke enyɔŋ ibibene, ke edem tower mme furnace enyɔŋ-enyɔŋ, tutu osim ke edidobi ibibene;

39ye ke edem inua-otop Ephraim enyɔŋ-enyɔŋ tutu osim ke enyɔŋ akani inua-otop, ye ke enyɔŋ inua-otop iyak, ye tower Hananel, ye tower Hammeah, tutu osim ke inua-otop ŋkpri ufene: ekem mmɔ etuak eda ke inua-otop ufɔk-ukwak.

40Ekem ŋka ekɔm mbiba eda ke ufɔk Abasi, ye ami, ye ubak mme ebierikpe ŋko:

41ye mme oku; Eliakim, ye Maaseiah, ye Miniamin, ye Michaiah, ye Elioenai, ye Zechariah, ye Hananiah, ekama ukorowo;

42ye Maaseiah, ye Shemaiah, ye Eleazar, ye Uzzi, ye Jehohanan, ye Malchijah, ye Elam, ye Ezer. Ndien mme ɔkwɔ-ikwɔ esɔŋɔ ekwɔ; Jezrahiah onyuŋ edi etubom.

43Ndien ke usen oro mmɔ ewa ikpɔ uwa, enyuŋ edat esit: koro Abasi akanamde mmɔ edara akamba idara: iban nde, ye nditɔwɔŋ enyuŋ edara: ndien mmɔ ekop mkpo idara Jerusalem anyan ebiet.

44Ndien ke usen oro mmɔ enim owo ke mme etubom ubet-ŋkpɔ-uto, ye edimenere uwa, ye akpa mfri, ye ɔyɔhɔ mbak duop, man eda udeme mme oku ye eke mme Levite, nte ekewukde, ke iŋwaŋ mme obio ebon ke esit: koro idara Judah osimde mme oku ye mme levite emi edade do.

45Koro mme ɔkwɔ-ikwɔ ye mme etie-usuŋ ekpemede utom Abasi mmɔ, ye utom erinam asana, kpa nte asaŋade ye ewuhɔ David, ye eke Solomon eyen esie.

46Koro ke eyo David ye eke Asaph tutu ko, mme etubom mme ɔkwɔikwɔ, ye ikwɔ-itoro ye ekɔm Abasi (edu do).

47Ndien ke eyo Zerubbabel, ye ke eyo Nehemiah, ofuri Israel enɔ udeme mme ɔkwɔ-ikwɔ, ye eke mme etie-usuŋ, nte ekemde kpukpru usen: ndien mmɔ enim enɔ mme Levite; ndien mme Levite enim enɔ nditɔ Aaron.