1MMODIOMI ediomi ye enyin mi; nnam didie, ndien, ntiŋ enyin eyen-aŋwan ke idem?
2Ndien nso udeme Abasi okpoto ke enyɔŋ? Nso ŋkpɔ ke Abasi Ibom ekpetie ke enyɔŋ ɔnɔ mi ndia?
3Nte nsobo inyeneke mme idiɔk owo?
4Nte utibe ufen inyeneke mme anam-ukwaŋ-ŋkpɔ? Nte idige enye okut usuŋ mi, onyuŋ abat kpukpru ikpat mi?
5Edieke nsaŋade ye nsu, ukot mi onyuŋ ɔsɔpde ebine ŋkari;
6Yak edomo mi ke balance eke enende: yak Abasi onyuŋ ɔfiɔk ete ke mfɔn mma.
7Edieke ikpat ukot mi ewahade ekpɔŋ usuŋ, esit mi onyuŋ ebine enyin mi, ndek onyuŋ adiana mi ke ubɔk;
8Yak ami ntɔ, ndien owo eŋwen adia, yak enyuŋ edibere nditɔ mi.
9Edieke nyakde esit mi etiene ŋwan, nnyuŋ ndibe ke inua-otop mbɔdiduŋ mi:
10Yak ŋwan mi ɔkɔk ɔnɔ owo eŋwen, owo eŋwen enyuŋ efiɔk enye.
11Koro emi edide oburobut ŋkpɔ; ye idiɔk ido ke eke mme ebierikpe.
12Koro emi edide ikaŋ eke atade tutu osobo, okponyuŋ odibere ofuri mbuŋwum mi.
13Edieke nsede ikɔ ofin eren mi, mme eke ofin aŋwan mi ke ndek, adaŋemi mmɔ edukde ikpe ye ami;
14Ndinam didie ndien ke ini Abasi edidahade ke enyɔŋ? ndinyuŋ mbɔrɔ enye didie ke ini obupde?
15Nte idige andinam mi ke idibi akanam enye? Nte idige kiet okobot nnyin ke itie-eyen?
16Edieke ŋkesinde mme ubuene ŋkpɔ eke mmɔ eyomde, nnyuŋ nnamde enyin anan ebe-akpa;
17Nnyuŋ ndiade ŋkeŋe mi ke idem mi ikpɔŋ, ndien eyen-akpa midiaha ke esit:
18Koro toto uyen mi enye ɔkɔri ye ami nte ete, mmannyuŋ nda enye (ŋwan) usuŋ, toto nte ŋkamamana.
19Edieke ŋkokutde nte owo atakde ke unana edisine-ŋkpɔ, mme ŋkut mme ubuene nte mifukke ŋkpɔ ke idem:
20Isin esie mikɔmke mi, idet erɔŋ mi mikonyuŋ inamke idem ofiop enye;
21Edieke ŋkemenerede ubɔk mi ntuk eyen-akpa, koro ŋkutde mmɔ eke eŋwamde mi ke inua-otop;
22Yak afara mi oto ke itɔŋ ɔduɔ ke isɔŋ, yak enyuŋ ebuŋ ubɔk mi ke ɔkpɔ efep.
23Koro nsobo Abasi ekpedide ŋkpɔ ndik mi, ndien oto koro Enye okoŋde, ŋkpekemeke ndida.
24Edieke nnimde gold ke idori-enyin mi, nnyuŋ ndɔhɔ ata eti gold, nte, Afo edi mbuɔtidem mi:
25Edieke ndatde esit, koro inyene mi okponde, koro ubɔk mi okutde ediwak ŋkpɔ ŋko:
26Edieke ŋkesede utin adaŋemi enye ayamade, ye ɔfiɔŋ nte enye asaŋade ataitai;
27Ndien etap esit mi ke ndibe, nnyuŋ ntem ubɔk mi ke inua mi:
28Oro okponyuŋ edi idiɔk ŋkpɔ ke eke mme ebierikpe, koro ŋkposude nsu nnɔ Abasi ke enyɔŋ.
29Edieke nsobo usua mi ekenemde mi esit, mme ŋkadatde esit koro enye okutde idiɔk:
30Edi ŋkayakke inua mi anam idiɔk, nnyuŋ nyomde se idiɔkde ye ukpɔŋ esie.
31Edieke mbio tent mi midɔhɔke, ite, Anie ekeme ndisiak owo eke unam esie
32miyuhɔke? Esen owo idaŋke ke aŋwa, nsio usuŋ mi nnɔ owo isaŋ.
33Edieke ŋkofukde idiɔk ido mi nte Adam, nnyuŋ ndipde oburobut ido mi ke ikpanesit mi,
34Koro mfehede ererimbot, koro nsahi mme esien onyuŋ anamde mi ndikhe, ndien ndop uyo, ndien ntoho ke inua-otop ŋwɔrɔ.
35Akpakam ŋkut owo eke okpokopde uyo mi; se idiɔŋɔ mi; yak Abasi Ibom eyere mi: yak owo utɔk mi ewet ŋwed.
36Ŋkpadian enye ke afara, ŋkpayara enye ke ibuot nte anyanya;
37Ŋkpetiŋ ibat ikpat ukot mi nnɔ enye; ŋkpasaŋa ŋkpere enye nte ɔbɔŋ.
38Edieke iŋwaŋ mi esemede abaŋa mi, mme furrow esie enyuŋ etuade eyet ŋko;
39Edieke ŋkadiade mbuŋwum esie, ndien mmennɔŋɔ okuk, nnyuŋ nsinde mme andinyene enye eduɔk uwem;
40Yak mbarekpe otibe ke ibuot wheat; yak oto onyuŋ otibe ke ibuot barley.
Uyo Job omokure.
Who We AreWhat We EelieveWhat We Do
2025 by iamachristian.org,Inc All rights reserved.
