JOSHUA 19 - Efik Old Bible With Sectional Headings

Isɔŋ Emi Edemede Enɔ Esien Simeon

1NDIEN udiana-akpa afia ɔwɔrɔ ɔnɔ Simeon, kpa esien nditɔ Simeon, ke ubon, ke ubon: ndien udeme mmɔ odu ke ufɔt udeme nditɔ Judah.

2Ndien mmɔ enyene Beer-sheba ke udeme mmɔ,

3ye Sheba, ye Moladah, ye Hazar-shual, ye Balah, ye Ezem,

4ye Eltolad, ye Bethul, ye Hormah,

5ye Ziklag, ye Beth-marcaboth,

6ye Hazar-susah, ye Beth-lebaoth, ye Sharuhen; obio duopeta, ye mme obio iŋwaŋ mmɔ.

7Ain, ye Rimmon, ye Ether, ye Ashan: obio inaŋ ye obio iŋwaŋ mmɔ.

8Ye kpukpru obio iŋwaŋ emi ekande mme obio oro ekuk, tutu osim Baalath-beer, ye Ramah ke edem usuk. Emi edi udeme esien nditɔ Simeon, nte mme ubon mmɔ esaŋade.

9Mmɔ esio udeme Simeon ke se ekedomode enɔ nditɔ Judah: koro se ekedomode enɔ nditɔ Judah okponde akan mmɔ: mmɔdo nditɔ Simeon edade udeme mmɔ ke ufɔt udeme mmɔ eken.

10Ndien ɔyɔhɔ afia ita ɔwɔrɔ ɔnɔ nditɔ Zebulun nte ubon mmɔ esaŋade: ndien adaŋa udeme mmɔ osim ke Sarid:

11ndien adaŋa mmɔ ɔdɔk aka inyaŋ, ye Maralah, onyuŋ osim ke Dabbesheth, onyuŋ osim ke akpa mmɔŋ emi anade ke iso Jokneam;

12ndien enye ɔwɔŋɔre ɔkpɔŋ Sarid, aka ke edem usiaha - utin okosim adaŋa Chisloth-tabor, ndien ɔwɔrɔ ke Daberath, onyuŋ ɔdɔk aka Japhia,

13ndien enye ɔtɔŋɔ do ebe aka edem usiaha-utin okosim ke Gathhepher, ye Eth-kazin, ndien ɔwɔrɔ Rimmon-methoar, ye Neah;

14ndien adaŋa oro akanade enye okuk ke edem edere Hannathon: ndien utit esie atuak ke itihere Iphtah-el: ye Kattath.

15Ye Kattath, ye Nahalal, ye Shimron, ye Idalah, ye Beth-lehem: obio duopeba ye mme obio iŋwaŋ mmɔ.

16Emi edi udeme nditɔ Zebulun, ke ubon, ke ubon, mme obio emi, ye mme obio inwaŋ mmɔ.

17Ɔyɔhɔ udeme inaŋ ɔwɔrɔ ɔnɔ Issachar, kpa nditɔ Issachar ke ubon, ke ubon.

18Ndien adaŋa mmɔ ana aka Jezreel, ye Chesulloth,

19ye Shunem, ye Hapharaim,

20ye Shion, ye Anaharath, ye Rabbith, ye Kishion, ye Ebez,

21ye Remeth, ye En-gannim, ye En - haddah, ye Beth - pazzez;

22ndien adaŋa oro osim ke Tabor, ye Shahazumah, ye Beth-shemesh; ndien utit adaŋa mmɔ atuak ke Jordan: obio efurekiet ye mme obio iŋwaŋ mmɔ.

23Emi edi udeme esien nditɔ Isaachar, ke ubon, ke ubon: mme obio mmɔ, ye mme obio iŋwaŋ mmɔ.

24Ndien ɔyɔhɔ afia ition ɔwɔrɔ ɔnɔ esien nditɔ Asher, ke ubon, ke ubon.

25Ndien adaŋa mmɔ edi Helkath, ye Hali, ye Beten, ye Achshaph,

26ye Allammelech, ye Amad, ye Mishal; enye onyuŋ osim ke Carmel ke edem usop-utin,

27ye ke Shihor-libnath; ndien ɔwɔrɔ aka edem usiaha-utin okosim Beth-dagon, onyuŋ osim ke Zebulun, ye ke itihere Iphtah-el, ke edem edere-edere Beth-emek, ye Neiel, onyuŋ ada ɔwɔrɔ ke edem ufien Cabul,

28ye Ebron, ye Rehob, ye Hammon, ye Kanah,

29tutu osim akwa Zidon; ndien adaŋa oro ɔwɔŋɔre aka Ramah; ye ɔkpɔsɔŋ obio Tyre; ndien adaŋa ɔwɔŋɔre aka Hosah; ndien utit esie ɔwɔrɔ ke inyaŋ ekpere edem Achzib:

30ye Ummah, ye Aphek, ye Rehob; obio edip ye iba ye mme obio iŋwaŋ mmɔ.

31Emi edi udeme esien nditɔ Asher ke ubon, ke ubon, mme obio emi, ye mme obio iŋwaŋ mmɔ.

32Ɔyɔhɔ afia itiokiet ɔwɔrɔ ɔnɔ nditɔ Naphtali, kpa nditɔ Naphtali,

33ke ubon, ke ubon: ndien adaŋa mmɔ ɔtɔŋɔ ke Heleph, ke ofriyo ke Zaanannim, ye Adaminekeb, ye Jabneel, tutu osim ke Lakkum; ndien utit esie atuak ke Jordan:

34ndien adaŋa ɔwɔŋɔre aka edem usop-utin Aznoth-tabor, ndien oto do aka Hukkok, ndien osim ke Zebulun ke edem usuk, onyuŋ osim ke Asher ke edem usop-utin, ye ke Judah ke mben Jordan ke edem usiaha-utin.

35Ndien mme obio ibibene edi Ziddim, ye Zer, ye Hammath,

36Rakkath, ye Chinnereth, ye Adamah, ye Ramah, ye Hazor,

37ye kedesh, ye Edrei, ye En-hazor,

38ye Iron, ye Migdal-el, ye Horem, ye Beth-anath, ye Beth-shemesh: obio efurenaŋ, ye mme obio iŋwaŋ mmɔ.

39Emi edi udeme esien nditɔ Naphtali, ke ubon, ke ubon, mme obio mmɔ, ye mme obio iŋwaŋ mmɔ.

40Ndien ɔyɔhɔ afia itiaba ɔwɔrɔ ɔnɔ esien nditɔ Dan ke ubon, ke ubon.

41Ndien adaŋa udeme mmɔ edi Zorah, ye Eshtaol, ye Ir-shemesh,

42ye Shaalabbin, ye Aijalon,

43ye Ithlah, ye Elon, ye Timnah,

44ye Ekron, ye El-tekeh, ye Gibbethon, ye Baalath,

45ye Jehud, ye Bene-berak, ye Gath-rimmon,

46ye Me-jarkon, ye Rakkon, ye adaŋa emi anade ke iso Joppa.

47Ndien adaŋa nditɔ Dan ɔwɔrɔ ɔkpɔŋ mmɔ: ndien nditɔ Dan edɔk ekeŋwana ekɔŋ ye Leshem, enyuŋ eda enye, enyuŋ esuan mmɔ ke iso ofut, ndien eda enye enyene, enyuŋ eduŋ ke esit, enyuŋ eda enyiŋ Dan ete mmɔ esio Leshem, ekot, ete, Dan.

48Emi edi udeme esien nditɔ Dan, ke ubon, ke ubon, mme obio emi, ye mme obio iŋwaŋ mmɔ.

49Adaŋemi mmɔ ema ekedeme isɔŋ ke mme adaŋa esie ema, nditɔ Israel enɔ Joshua eyen Nun udeme ke otu mmɔ:

50kpa nte Jehovah ɔkɔdɔhɔde mmɔ, mmɔ enɔ enye obio emi enye oyomde, kpa Timnath-serah ke obot Ephraim: ndien enye ɔdiɔŋ obio oro, onyuŋ oduŋ ke esit.

51Mme mmɔ emi edi udeme emi Eleazar oku, ye Joshua eyen Nun, ye mme etubom mme ete edade afia edeme enɔ mme esien nditɔ Israel, ke Shiloh, ke iso Jehovah, ke inua-otop efe esop. Ntem ke mmɔ ebahare isɔŋ ema.