1O ABASI, afo kudop uyo: kudi imum kunyuŋ utie ikpikpu, O Abasi.
2Koro, sese, mme asua fo esin ndutime: mmɔ eke esuade fi enyuŋ emenerede ibuot.
3Mmɔ eduk odu ekari ŋkari ebaŋa ikɔt fo, enyuŋ eduak uduak ebaŋa mmɔ eke afo odipde.
4Mmɔ edɔhɔ ete, Edi, nnyin isibe mmɔ ifep, man ekudi aba idut; man ekuti aba enyiŋ Israel.
5Koro mmɔ emeduk odu ɔtɔ kiet ke ofuri esit; mmɔ ediomi ediomi ebaŋa fi.
6Mme tent Edom, ye ke mme Ishmaelite; eke Moab, ye mme Hagarene; Gebal,
7ye Ammon, ye Amalek; Philistia, ye mme andiduŋ Tyre;
8Assyria nde edian idem ye mmɔ: mmɔ edi ubɔk nditɔ Lot.
9Nam mmɔ nte Midian; nte Sisera, ye nte Jabin, ke itihere Kishon.
10Ekesobo mmɔ ke Endor: mmɔ ekabare edi ifum isɔŋ.
11Nim mmɔ, kpa mbɔŋ mmɔ nte Oreb, ye nte Zeeb: nim kpukpru ikpɔ owo mmɔ nte Zebal, ye nte Zalmunna:
12emi ekedɔhɔde ete, Yak nnyin ida mme iduŋ Abasi ke idem nnyin inyene.
13O Abasi mi, nim mmɔ nte mbio; ye nte edisat nyanyaŋa ke iso ofum.
14Kpa nte ikaŋ atade akai, nte edemikaŋ onyuŋ ɔfɔpde ikpɔ obot;
15kpa ntre bine mmɔ ke idio fo, nyuŋ da oyobio fo nam mmɔ eyomo nsia.
16Da but yɔhɔ mmɔ ke iso; man mmɔ eyom enyiŋ fo, O Jehovah.
17But ye nyomo-nsia eyenam mmɔ ke nsinsi; mmɔ eyekut esuene, eyenyuŋ esobo mmɔ.
18Ndien owo eyefiɔk ete ke afo emi enyiŋ fo ikpɔŋ ekerede Jehovah, edi Ata Edikoŋ ke ofuri ererimbot.
Who We AreWhat We EelieveWhat We Do
2025 by iamachristian.org,Inc All rights reserved.