ŊWED JOB 26 - Efik Old Bible With Sectional Headings

Job Ɔbɔrɔ Ete ke Ubɔŋ Abasi Okpon

1NDIEN Job ɔbɔrɔ, ete,

2Afo aŋwam enye emi minyeneke odudu adaŋa didie! onyuŋ anyaŋa ubɔk eke misɔŋɔke!

3Afo ada item ɔnɔ owo eke minyeneke ifiɔk, adaŋa didie! onyuŋ asian ata mbufiɔk ɔnɔ owo ama?

4Afo asiak ikɔ ɔnɔ anie? Ibifik anie owo onyuŋ oto fi ke ubɔk?

5Mme ekpo enyek idem; (ebiet emi odude) ke idak mmɔŋ, ye mmɔ emi eduŋde ke esit.

6Obio ekpo ana iŋwaŋ ke iso esie, ŋkpɔ eke ofukde Nsobo inyuŋ iduhe du.

7Enye anyanare edem edere ebri ke enyɔŋ ukpɔk ebiet, onyuŋ ɔkɔŋ ererimbot ke ikpikpu.

8Enye ada obubit enyɔŋ esie ɔbɔp mmɔŋ; ndien ikpa-enyɔŋ isiahake enye ke idak.

9Enye okubi iso ebekpo esie, ɔkɔŋ ikpa-enyɔŋ esie ofuk enye.

10Odomo mben akanare ke enyɔŋ mmɔŋ, tutu osim ebiet emi uŋwana ye ekim esopde.

11Obubɔk ikpa-enyɔŋ enyek: nduari esie onyuŋ esin mmɔ ekpa idem:

12Enye ada odudu esie osuk inyaŋ ubɔk onyuŋ ada asian esie anuak mbon iseri.

13Spirit esie anam ikpaenyɔŋ edi uyai; edi ubɔk esie okobot urukikɔt itɔk.

14Sese, mme mmɔ emi edi utit usuŋ esie: ndien ekop esisit adaŋa didie ebaŋa enye! edi ama edi uyom odudu esie, anie owo otim ɔfiɔk enye?

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help