1MMAMA fi, O Jehovah, odudu mi!
2Jehovah edi akwa itiat mi, ye ufɔk ekɔŋ mi ye andinyaŋa mi; Abasi mi edi akwa itiat mi; nyebuɔt idem mi ye enye; otu-ekɔŋ mi, ye nduk erinyaŋa mi, ye edikoŋ ebiet mi.
3Nyeseme nnɔ Jehovah, emi ekpetorode; ndien eyenyaŋa mi esio mme asua mi ke ubɔk.
4Mme uruk mkpa ekan mi ekuk, mme ukwɔ idiɔk-ŋkpɔ esin mi ndikhe.
5Mme uruk udi ekan mi ekuk: mme afia mkpa ena mi ke iso.
6Nseme nnɔ Jehovah ke nnanenyin mi, nnyuŋ mfiori ŋkot Abasi mi: enye etie ke temple esie okop uyo mi, mfiori mi onyuŋ edi enye ke iso, oduk enye ke utɔŋ.
7Ndien isɔŋ aduai onyuŋ enyek; se ikpɔ obot edade ke esit etimere onyuŋ aduai, koro esit ayatde Enye.
8Nsuŋikaŋ oto Enye ke ibuo ɔdɔk, ikaŋ onyuŋ ɔwɔrɔ enye ke inua, ata ŋkpɔ;
9ebok ikaŋ ebubere ke esit. Ndien enye onuk ikpa-enyɔŋ ɔsuhɔre: ɔkpɔsɔŋ ekim onyuŋ odu enye ke idat ukot.
10Ndien enye odoro ke cherub, efe, onyuŋ efe ke mba ofum.
11Enye onim ekim ke ebiet udibe esie; tent esie emi akande enye okuk, edi obubit mmɔŋ ye idiɔk ikpa-enyɔŋ.
12Uyama emi odude enye ke iso esin idiɔk enyɔŋ esie adaha, edim itiat ye ebok ikaŋ.
13Jehovah onyuŋ atuak enyɔŋ; Ata Edikoŋ onyuŋ osioro uyo esie; edim itiat ye ebok ikaŋ.
14Ndien enye otop idaŋ esie, asuan mmɔ; esin obuma, onyuŋ etimere mmɔ.
15Ndien mmɔ ekut afua mmɔŋ, se ererimbot eberede ke esit onyuŋ ayarare, ke nduari fo, O Jehovah, ke ibifik emi ofimede ke ibuo fo.
16Enye etie ke enyɔŋ ɔdɔŋ ekeda mi, odudi mi osio ke akamba mmɔŋ.
17Enye osio mi ubɔk mkpɔsɔŋ mme asua mi, ye ke ubɔk mmɔ eke etɔhɔde ye ami: koro mmɔ esɔŋde ekan mi.
18Mmɔ esim mi ke usen ukut mi: edi Jehovah edi iberedem mi;
19ndien enye ada mi ɔwɔrɔ esin ke akamba ufaŋ eyenyaŋa mi, koro amade mi.
20Jehovah eyenam ye ami nte eti ido mi edide; eyenɔ mi nte ubɔk asanade mi.
21Koro mmekpeme usuŋ Jehovah, nnyuŋ ŋkpɔŋke Abasi mi nnam idiɔk.
22Koro kpukpru mme item esie enade mi ke iso; ndinyuŋ mmenke ewuhɔ esie mfep ke idem mi nduɔk.
23Nnyuŋ mfɔn mma ye enye, nnyuŋ ŋkpeme idem mi mbak ndinam idiɔk ido mi.
24Ndien Jehovah ɔmɔnɔ mi usiene nte ido mi edide, ye nte ubɔk mi asanade enye ke iso.
25Afo eyenyene ima ye mbon ima fo; onyuŋ ɔfɔn ama ye owo eke ɔfɔnde ama;
26eyenim idem fo ke edisana ye owo eke asanade; onyuŋ akwaŋa iso ye mmɔ eke ekwaŋade.
27Koro afo eyenyaŋa mbon ukut, eyenyuŋ ɔsuhɔre mmɔ eke enyin mmɔ okoŋde.
28Koro afo eyedomo utuen-ikaŋ mi: Jehovah Abasi mi eyeŋwaŋa ekim mi.
29Koro afo eyenam mi mbumere udim-ekɔŋ: Abasi mi onyuŋ anam mi mfrɔ
30ŋkaŋa ibibene. Abasi! usuŋ esie ɔfɔn ama; ema edomo uyo Jehovah; enye edi otu-ekɔŋ kpukpru mmɔ eke ebuɔtde idem mmɔ ye enye.
31Koro anie edi Abasi, ke mibɔhɔke Jehovah? anie onyuŋ edi akwa itiat ke mibɔhɔke Abasi nnyin?
32Ke edi Abasi ɔbɔbɔ mi odudu ke isin, onyuŋ anam usuŋ mi ɔfɔn ama.
33Enye onim ukot mi nte ukot edop, onyuŋ odori mi ke edikoŋ ebiet mi.
34Enye eteme ubɔk mi ndiŋwana ekɔŋ, ubɔk mi onyuŋ onuk utiga okpoho.
35Afo omonyuŋ ɔnɔ mi otu-ekɔŋ erinyaŋa fo: ubɔk nnasia fo onyuŋ omum mi akama, mmem-ido fo onyuŋ ofori mi.
36Afo aŋwaŋa mi ikpat ukot ke idak, ndien itɔŋ ukot iditeŋke mi.
37Nyebine mme asua mi, nnyuŋ nsim mmɔ: ndinyuŋ mfiakke edem tutu nsobo mmɔ fap.
38Nyeyibi mmɔ, ndien mmɔ idikemeke ndidaha ke enyɔŋ: eyenyuŋ eduɔŋɔ ena mi ke idak ikpat.
39Afo omonyuŋ ada odudu ekɔŋ ɔbɔbɔ mi ke idem: eyenuk mmɔ eke eyomde mi ikɔ esin mi ke idak.
40Afo omonyuŋ ada itɔŋ mme asua mi ɔnɔ mi; ndien nyesobo mmɔ eke esuade mi.
41Mmɔ eyeseme, edi owo eke anyaŋade iduhe; ekot Jehovah, edi enye iyereke mmɔ.
42Ndien nyenuak mmɔ emem nte obu ke iso ofum: nyeduɔk mmɔ nte mbat efak.
43Afo eyenyaŋa mi osio ke utɔk mbio-obio; eyenim mi ke etubom mme idut; mbio emi mmemfiɔkke eyenam ŋkpɔ mi.
44Ke ini mmɔ ekopde ke utɔŋ, mmɔ eyenam uyo mi: nditɔ idut eyenem inua enɔ mi.
45Nditɔ idut eyeyemere, enyuŋ enyek idem ke ebiet-udibe mmɔ.
46Jehovah ododu uwem: yak enyuŋ etoro akwa itiat mi; Abasi erinyaŋa mi eyenyuŋ okoŋ.
47Ke edi Abasi osio usiene ɔnɔ mi, onyuŋ ɔsuhɔre mme idut onim mi ke idak.
48Edi enye osio mi mme asua mi ke ubɔk: afo eyenyuŋ emenere mi ke enyɔŋ akan mmɔ eke eyomde mi ikɔ: onyuŋ anam mi mbɔhɔ owo afai.
49Mmɔdo nyekɔm fi ke otu mme idut, O Jehovah! nnyuŋ ŋkwɔ nnɔ enyiŋ fo.
50Edi enye ɔnɔ ɔbɔŋ esie akwa erinyaŋa, onyuŋ ɔfɔn ido ye Messiah esie, kpa David, ye ubon esie ke nsinsi.
Who We AreWhat We EelieveWhat We Do
2025 by iamachristian.org,Inc All rights reserved.